1 Tɛsoloniɔn 1:1 - Ku̍o̍ Delee 1999

¹ Mɔ̍ Pɔɔ ke Sale ke Timote ke, nɔ̌ à we̍ bo chlǐh-dɛ̍ la ɛ̍ sɔ-ɔ. Ɛ̍ mu̍ chɔchi̍h nyɔ̍ nɛ-a dǒ Tɛsolonaika wlɔ̀ di̍i̍-ɛ we̍, ùh nɛ-a dě à Baa Nyɔsoa ke Joi Jusu Klai ja̍a̍-ɛ. Ǎn sà nǐ wɔ̍n Nyɔsoa iě mɔ̀ blɛ ke wlùh-a i̍ tè-ɛ nyǐ.

1 Tɛsoloniɔn 1:1 Iomraidhean Croise

Nu̍-dɛ̍ᵻ 15:22

Wɛ̀ Jusu-a gba̍tòà ke, nyɔ̍ klaaᵻ ke chɔchi̍h nyɔ̍ kli̍hgbɛ̍ po̍ ɛ̍ gbɔ̀ u̍h iě nyɔ̍ dě u̍h-a gbɔ̀ù di̍i̍ sà, u̍h ke Pɔɔ ke Banaba iě dǒ Antiɔ wlɔ̀ di̍i̍ mu̍. Wɛ̀ u̍h sà Juda, ɔ̀ u̍h-a dǎɛ-a Basaba-a, ɛ̍ ke Sale ke. U̍h bo ùh nu̍ de̍di̍i̍ᵻ laa̍ u̍h-a fààmlà.

Nu̍-dɛ̍ᵻ 15:27

Ɛ̍ tìh-ɛ, ɛ̀ kɔn taǐn à chlǐh-a nɔ̌ chlǐh-dɛ̍ la di̍i̍-ɛ, Juda ke Sale bo à dbo̍ ùh iě ɛ̍ mɔ̀ wlùh sèàɛ̍ dě wɔ̍ɔ̍n.

Nu̍-dɛ̍ᵻ 15:40

Wɛ̀ Pɔɔ klɛ̀ɛ̀n Sale ɔ̍ ke ɔ̍ iě na. Iě de̍di̍i̍ᵻ po̍ u̍h dě Joi kwa̍a̍ dǒ ɔ̍ blɛ nɛ-ɛ we̍. Iě Pɔɔ mu̍,

Nu̍-dɛ̍ᵻ 16:19

Sɔ dɛ̍ ɔ̍ kɔn-nyɔ̍ iě-a wliɛ̍ i̍ jěe dɛ-ɛ, ɛ̍ se̍ nɛ. Ɛ̍ bo u̍h juo i̍ wɛ̀ u̍h gbɛ̍n Pɔɔ ke Sale. Iě u̍h blě u̍h i̍ klǎ-a u̍h gba̍ u̍h dě wlɔ̀gbàɛ̀, u̍h ke tùn blě nyɔ̍ iě jua̍i̍ jiěe.

Nu̍-dɛ̍ᵻ 16:25

Ɛ̍ nu̍-a tòloo-ɛ, wɛ̀ Pɔɔ ke Sale-a ba̍le, iě u̍h-a ble̍ Nyɔsoa duǐh. Nɛ̀ kǎ gbɛ̍n-nyɔ̍ duuh-a po̍ dě u̍h we̍ dounᵻ.

Nu̍-dɛ̍ᵻ 16:29

Iě kasoo jlǐhɛ̍ tù nyɔ̍ sèàɛ̍ nyɔ̍ wlùh u̍h iě nape̍ tba̍. Wɛ̀ ɔ̍ kèè dě gbò, iě ɔ̍ ku̍ blě tlɛ̍-ɛ wɛ̀ ɔ̍ chlìi i̍ dǒ Pɔɔ ke Sale jǔ.

Nu̍-dɛ̍ᵻ 17:11

Sɔ Juu nyɔ̍ juh nɛ-a doǒ-ɛ, u̍h nu̍ nyɔ̍ chɛ̀ ɛ̍ sìì juh nɛ-a dǒ Tɛsolonaika-a, dɛ̍nu̍ɛ, u̍h gbɛ̍n-ɛ tu̍owli laa̍ sɔ̍nᵻ sɔɔ̌n i̍. Nɛ̀ ka sɔ̀n-a sɛ̀n-aɛ, kǎ u̍h-a slè Nyɔsoa-a wlu̍ u̍h iě jě pò dɛ̍ Pɔɔ-a bla̍-aɛ, tìh-a taǐn bo kɔ̌ɔ.

Nu̍-dɛ̍ᵻ 18:5

Ti̍ Sale ke Timote sɔ-a Mɛsedonia fɔɔ u̍h sǐ-a wlɔ̀ i̍-ɛ, sɔ Nyɔsoa-a tìh bla̍-a bo Pɔɔ tè-o jua̍i̍ wɛ̀ sǔh. Ɔ̍ sèàɛ̍ Juu nyɔ̍ wlùh te̍gbe̍i̍n ka Jusu bo ɔ̀ nu̍-a Nyɔsoa-a Chèɛ̀ Tba̍ju-ɛ.

Nu̍-dɛ̍ᵻ 19:22

Wɛ̀ Timote ke Iwlaslu ùh-a gbǎ-a ɔ̍ we̍-ɛ, iě ɔ̍ dbo̍ u̍h dě Mɛsedonia. Wɛ̀ ɔ̍ chɛ̀ sì ti̍ gbɔ̍ dě de̍ Esea bloa̍ kɛ̍n.

Nu̍-dɛ̍ᵻ 20:4

Ɔ̍ wɔ̌an mu̍-u tìh-ɛ, Pewlɔ sɔ-a Bɛwlia-a, ɔ̍ jǔ jɔ̍gbau Sopata ke ɔ̍ mu̍, ɛ̍ ke Awleslakɔ ke Sɛkundɔ sɔ-a dǒ Tɛsolonaika-a ke. Wɛ̀ Kaeɔ sɔ-a dǒ Dɛɛbi-ɛ ke Timote mu̍. Iě Tekikɔ ke Tlofimɔ sɔ-a dě Esea fɔɔ-ɛ ke ɔ̍ mu̍ ke.

Wloma 1:7

Chlǐh-dɛ̍ la ɛ̍ ji̍ mɔ̀ɔ̍ Nyɔsoa-a tìh kma nyɔ̍ kli̍hgbɛ̍ nɛ-a dǒ Wlom wlɔ̀ di̍i̍-ɛ we̍, mɔ̀ɔ̍ ɔ̍ dǎ-a mɔ̀ iě-a ɔ̍ chɛ̀-a nyɔ̍ nu̍-ɛ. Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

1 Kɔwlɛntiɔn 1:2

Ǎn chlǐh ɛ̍ Nyɔsoa-a chɔchi̍h nyɔ̍ ùh nɛ-a dě Kɔwlɛn wlɔ̀ di̍i̍-ɛ we̍, ùh Jusu Klai tba̍-a chèɛ̀-ɛ. Mɔ̀ dǎ-ɛ mɔ̀ iě Nyɔsoa-a nyɔ̍ nu̍, ɛ̍ ke nyɔ̍ ùh nɛ-a tà kli̍hgbɛ̍ ùh-a dǎ-a à Joi Jusu Klai-a nynɛ̌ i̍-ɛ ke, ɔ̀ nu̍-a u̍h ke à Joi-ɛ.

2 Kɔwlɛntiɔn 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ. À chlǐh-ɛ dě Nyɔsoa-a chɔchi̍h ɛ̀ nɛ-a dě Kɔwlɛn wlɔ̀ di̍i̍-ɛ we̍, ɛ̍ ke Nyɔsoa nyɔ̍ kli̍hgbɛ̍ ùh nɛ-a dě Akaia bloa̍ kɛ̍n-ɛ ke.

2 Kɔwlɛntiɔn 1:19

Dɛ̍nu̍ɛ, Nyɔsoa-a Jǔ Jusu Klai ɔ̀ kɔn tìh mɔ̍ ke, Sale ke, Timote ke à bla̍-a dě mɔ̀ we̍-ɛ, ɔ̍-ɔ wɔ̌n-ɛ “I̍i̍n” ke “Iěe” tàdùè. Jɛ “I̍i̍n” bo ɛ̀ sɔ dě ɔ̍ we̍ ti̍ kli̍hgbɛ̍ we̍.

Kelesea 1:2

De̍di̍i̍ᵻ kli̍hgbɛ̍ nɛ-a nɔ̌ ǐn we̍-ɛ, u̍h ke ǐn ke àɔ̀ sà chɔchi̍h nyɔ̍ nɛ-a dě Kelesea bloa̍ kɛ̍n-ɛ nyinɔ̍ i̍.

Kelesea 1:22

Dǒ ti̍ laa̍ di̍i̍-ɛ, nɛ̀ Klai-a chɔchi̍h nyɔ̍ ùh nɛ-a dě Judia bloa̍ kɛ̍n-ɛ, nɛ̀ u̍h se̍ ǐn juo ke̍.

Ɛfɛsɔ 1:2

Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Felepai 1:1

Chlǐh-dɛ̍ la ɛ̍ sɔ nɔ̌ mɔ̍ Pɔɔ ke Timote we̍, àɔ̀ nu̍-a Jusu Klai-a pòi̍nynuu̍-ɛ. Ɛ̍ mu̍ dě Nyɔsoa nyɔ̍ kli̍hgbɛ̍ ùh kɔn-a dǒ Jusu Klai we̍ dǒ Felepai wlɔ̀ di̍i̍-ɛ we̍, ɛ̍ ke chɔchi̍h-a fààmlà ke ɛ̍ jǔ dbee nyɔ̍ ke.

Kalase 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ.

2 Tɛsoloniɔn 1:1

Mɔ̍ Pɔɔ ke Sale ke Timote ke, nɔ̌ à we̍ bo chlǐh-dɛ̍ la ɛ̍ sɔ-ɔ. Ɛ̍ mu̍ chɔchi̍h nyɔ̍ nɛ-a dǒ Tɛsolonaika wlɔ̀ di̍i̍-ɛ we̍, ùh nɛ-a dě à Baa Nyɔsoa ke Joi Jusu Klai ja̍a̍-ɛ.

1 Timote 1:2

Wlu̍ la ɛ̍ mu̍ Timote we̍, ǎn gblangbai̍ jǔ bo dě wlùh gbaɛ di̍i̍. Ǎn sà nǐ wɔ̍n Baa Nyɔsoa ke à Joi Jusu Klai-a blɛ ke, wɔɛ ke wlùh-a i̍ tè-ɛ iě dǒ ìn we̍ nɛ.

2 Timote 1:2

Wlu̍ la ɛ̍ mu̍ dě ǎn tìh kma jǔ Timote we̍. Ǎn sà nǐ wɔ̍n Baa Nyɔsoa ke à Joi Jusu Klai-a blɛ ke wɔɛ ke wlùh-a i̍ tè-ɛ iě dǒ ìn we̍ nɛ.

Iblu 13:23

Ǎn pɔ̀n mɔ̀ iě ɛ̍ juo ka à de̍di̍i̍ Timote sɔ-a dě kasoo wɛ̀-ɛ. Pò ɔ̍ nyni̍ nɔ̌ ǐn we̍ suei̍-ɛ, nɛ̀ ɔ̍ ke ǐn ke à mu̍ dě mɔ̀ we̍ ji̍ à iě jiěe.

1 Pitɛ 5:12

Sale ɔ̀ nu̍-a ǐn de̍di̍i̍ ǐn gbaɛ-a wlùh-ɛ, ɔ̍ bo ɔ̀ gbǎ ǐn we̍ wɛ̀ ǐn chlǐh mɔ̀ chlǐh-dɛ̍ tile la we̍. Ǎn pɔ̀n iě mɔ̀-a wlùh fùka wɛ̀ mɔ̀ iě ɛ̍ juo ka ɛ̀ la ɛ̍ nu̍-a Nyɔsoa-a tìh-a taǐn blɛ-ɛ. Mɔ̀ ku̍-e i̍ dě ɛ̍ di̍i̍.

1 Chɔɔn 1:3

Dɛ̍ kɔn tìh à wɔ̌n-a iě à tba̍-a jlǐhɛ̍-ɛ, ɛ̍ bo à sèàɛ̍ mɔ̀ wlùh ke. Wɛ̀ mɔ̀ iě à kɛ̍n gbǎ iě à ke Baa Nyɔsoa ke ɔ̍ Jǔ Jusu Klai iě we̍ nɛ̍aɛ.

Judi 1:1

Mɔ̍ Chiin de̍di̍i̍ Judi ɔ̀ nu̍-a Jusu Klai-a pòi̍ju-ɛ. Ǎn chlǐh chlǐh-dɛ̍ la dě nyɔ̍ ùh Nyɔsoa dǎ-aɛ we̍, ɛ̍ ke ùh Baa Nyɔsoa jbɛɛ-aɛ iě Jusu Klai pe̍ɛ-ɛ ka u̍h kɛ̍n i̍-ɛ.