1 Chɔɔn 5:5 - Ku̍o̍ Delee 1999

⁵ Nyɔ̍ bo ɔ̀ bɛ̌ɛ kmɔ̌-a dɛ̍ᵻ sɔ̀nᵻ klà sà-a ɛ? Nyɔ̍ ɔ̀ po̍-a ɛ̍ tìh chɛ̀ ka Jusu nu̍-a Nyɔsoa-a Jǔ-ɛ, ɔ̍ due gbài̍ ɔ̀ mu̍ ɛ̍ klà sà.

1 Chɔɔn 5:5 Iomraidhean Croise

Pɔ̀n Chɛ̀ Maɛ To-a La 9:23

Jusu la̍a̍, “Nàà pò ǐn bɛ̌ɛ ɛ̍ nu̍-ɛ ae? Nyɔ̍ ɔ̀ gbaɛ-a Nyɔsoa wlùh-ɛ, nɛ̀ dɛ̍-o-dɛ̍ se̍ kmu dǒ ɔ̍ we̍.”

Nu̍-dɛ̍ᵻ 8:37

Wɛ̀ Felɔ la̍a̍ dě ɔ̍ we̍, “Pò ɛ̍ tù ìn po̍ ɛ̍ tìh chɛ̀ dǒ ìn pɔluh kɛ̍n-ɛ, nɛ̀ àn mu̍ nǐ dlǔ po̍ wa.” Iě jɔ̍gbau la̍a̍, “Kǎ ɛ̍ nɛ, ǐn po̍ ɛ̍ tìh chɛ̀ ka Jusu Klai nu̍-a Nyɔsoa-a Jǔ-ɛ.”]

1 Chɔɔn 4:15

Ka Jusu nu̍-a Nyɔsoa-a Jǔ-ɛ, nyɔ̍-o-nyɔ̍ ɔ̀ mu̍-a ɛ̍ tìh i̍ wɔ̌ɛn-ɛ, nɛ̀ Nyɔsoa nɛ dě ɔ̍ ja̍a̍ wɛ̀ ɔ̍ nɛ dě Nyɔsoa ja̍a̍.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.