1 Chɔɔn 5:4 - Ku̍o̍ Delee 1999

⁴ Dɛ̍nu̍ɛ, nyɔ̍ jɔ nu̍-a Nyɔsoa-a jǔ-ɛ, nɛ̀ ɔ̍ sà kmɔ̌-a dɛ̍ᵻ sɔ̀nᵻ klà wɛ̀. Dɛ̍ à du̍ i̍-a kmɔ̌ tu̍h-uɛ, ɛ̍ nu̍ à wlùh gbaɛ.

1 Chɔɔn 5:4 Iomraidhean Croise

Chɔɔn 1:13

Nyɔsoa-a chɛ̀ bo ɔ̀ nu̍ u̍h ɔ̍ nynuu̍ we̍i̍. U̍h se̍ wlǔh plǒai ka. U̍h-a wlǔh-ɛ se̍ dě nyi̍ɔ̍ we̍ sɔ-ɛ.

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Chɔɔn 3:3

Wɛ̀ Jusu la̍a̍ dě ɔ̍ we̍, “Bɔ̌ ǐn sèàɛ̍ ìn tìh-a taǐn wlùh, pò nyɔ̍ iě Nyɔsoa-a kmɔ̌ wlu̍ i̍ kɔn-ɛ jě-ɛ, nɛ̀ ɔ̍ mu̍ wlǔh dode̍.”

1 Kɔwlɛntiɔn 15:57

Jɛ à po̍ Nyɔsoa tlɔ̌ ɔ̀ nyǐ-a à dɛ̍ klà sà-a dě à Joi Jusu Klai ja̍a̍-ɛ.

1 Chɔɔn 2:29

Pò mɔ̀ juo ɛ̍ ka Klai slɛ̌-a i̍-ɛ, nɛ̀ mɔ̀ juo ɛ̍ ke la̍ sǔh ka nyɔ̍ jɔ ɔ̀ nu̍-a i̍ slɛ̌-dɛ̍-ɛ, nɛ̀ ɔ̍ nu̍-a Nyɔsoa-a jǔ wɛ̀-ɛ.

1 Chɔɔn 3:9

Nyɔ̍-ɔ nu̍ Nyɔsoa-a jǔ wɛ̀ ɔ̍-ɔ gba̍ gblɛ̍n sɔ̀ɛ̀n dluwe̍ i̍, dɛ̍nu̍ɛ, Nyɔsoa-a gblɛ̍n nɛ dě ɔ̍ ja̍a̍. Nɛ̀ ɔ̍ se̍ gblɛ̍n sɔ̀ɛ̀n nu̍-ɛ bɛ̌ɛ, dɛ̍nu̍ɛ, ɔ̍-ɔ Nyɔsoa-a jǔ.

1 Chɔɔn 4:4

Ǎn nynuu̍, mɔ̀ɔ̍ nɔ̀ɔ̍, mɔ̀ sɔ dě Nyɔsoa we̍, iě mɔ̀ sà tu̍owli po̍ nyɔ̍-a si̍h naɛ klà. Dɛ̍nu̍ɛ, Nyɔsoa-a Sùù ɛ̀ nɛ-a dě mɔ̀ ja̍a̍-ɛ, ɛ̍ gbǐh ku̍ wɔ̍n ɛ̍ sìì Nyɔ̍ Sɔ̀n jɔ nɛ-a nɔ̌ kmɔ̌ we̍-ɛ.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.

1 Chɔɔn 5:18

À juo ɛ̍-ɛ, nyɔ̍ ùh nu̍-a Nyɔsoa-a nynuu̍-ɛ, u̍h-u gba̍ gblɛ̍n sɔ̀ɛ̀n nu̍-ɛ dluwe̍ i̍. Dɛ̍nu̍ɛ, Nyɔsoa-a Jǔ-a gbɛ̀n dǒ u̍h we̍ i̍. Sɔ nɛ̀ Nyɔ̍ Sɔ̀n se̍ u̍h i̍ tǔh-ɛ bɛ̌ɛ.

1 Chɔɔn 5:5

Nyɔ̍ bo ɔ̀ bɛ̌ɛ kmɔ̌-a dɛ̍ᵻ sɔ̀nᵻ klà sà-a ɛ? Nyɔ̍ ɔ̀ po̍-a ɛ̍ tìh chɛ̀ ka Jusu nu̍-a Nyɔsoa-a Jǔ-ɛ, ɔ̍ due gbài̍ ɔ̀ mu̍ ɛ̍ klà sà.

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.

Wlɛfeleseɔn 15:2

Wɛ̀ ǐn jě dɛ̍ ɛ̀ wɔ̀-a jbǒ ɛ̀ nui-a klàsi̍-ɛ, nɛ̀ ɛ̍ sìàɛ̍n nɛ̍-ɛ. Iě ǐn jě nyɔ̍ ùh du̍-a nmi̍ɛ̍ ke ɛ̍ mɛ̍-dɛ̍-ɛ, ɛ̍ ke ɛ̍ nynɛ̌-a namà ke. Nɛ̀ u̍h nynaɛ jbǒ ɛ̀ wɔ̀-a klàsi̍ laa̍ wɔ̍n iě u̍h blě kain kwa̍, ìh Nyɔsoa nyǐ-a u̍h-ɛ.

Wlɛfeleseɔn 2:11

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ mɛ̌ɛ-a sɔɔ̌n naɛ se̍ ɔ̍ dɛ̍ nui mu̍.”

Wlɛfeleseɔn 2:17

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ di̍-dɛ̍ᵻ u̍h-a dǎɛ-a mana ìh sìle-aɛ, ǎn mu̍ ɔ̍ diih nyǐ. Nɛ̀ ǎn mu̍ ɔ̍ sɔɔ̌ gbo̍ plǔ nyǐ, nynɛ̌ delee iě chlǐh-ɛ dǒ ɛ̍ kɛ̍n. Nyɔ̍ dɔɔ se̍ nynɛ̌ laa̍ juo mu̍. Nyɔ̍ ɔ̀ blě-a sɔɔ̌ laa̍-ɛ, ɔ̍ kɔn tɛ̀ ǐn sà-o.”

Wlɛfeleseɔn 2:26

Nyɔ̍ ɔ̀ sà-a dɛ̍ sɔ̀n klà-a, wɛ̀ ɔ̍ iě ǎn wlùh nu̍ te̍e̍ wɛ̀ ti̍ iě dlǔ i̍ chlà-ɛ, nɛ̀ ǎn mu̍ ɛ̍ nu̍ ɔ̍ iě bloa̍ wlu̍ i̍ kɔn.

Wlɛfeleseɔn 2:7

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, tu̍ ɛ̀ nɛ-a dě Nyɔsoa-a wlɔ̀ plǔ di̍i̍ ɛ̀ nyǐ-a nyɔ̍ feɛ-ɛ, nɛ̀ ǎn mu̍ ɛ̍ buǒᵻ ɔ̍ nyǐ ɔ̍ iě i̍h di̍.”

Wlɛfeleseɔn 3:12

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ sìtù we̍i̍ nu̍ dě ǎn Nyɔsoa-a slaǎ sà gbò sɔ̀n. Nɛ̀ ɔ̍ se̍ gba̍ deě sɔ dɛ. Nɛ̀ ǎn mu̍ ǎn Nyɔsoa-a nynɛ̌ chlǐh dǒ ɔ̍ pùn, ɛ̍ ke ǎn Nyɔsoa-a tùgbàwlɔ̀-a nynɛ̌ ke, ɛ̀ nu̍-a Juluslɛn wlɔ̀ delee ɛ̀ sɔ-a dě ǎn Nyɔsoa we̍ ja̍i̍wlɔ̀-ɛ. Ǎn mu̍ ǎn chɛ̀-a nynɛ̌ delee chlǐh ke dǒ ɔ̍ pùn.

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.

Wlɛfeleseɔn 3:5

Nyɔ̍ ɔ̀ sà-a dɛ̍ sɔ̀n klà-a, nɛ̀ kǎ ɔ̍ mu̍ jlii̍ plǔᵻ pa̍-a nu̍ ke. Nɛ̀ ǐn se̍ ɔ̍ nynɛ̌ dě feɛ chlǐh-dɛ̍ di̍i̍ sà mu̍. Jɛ nɛ̀ ǎn mu̍ ɔ̍ ǎn nyɔ̍ slè-e dǒ ǐn Baa ke ɔ̍ ǐnchɔ̀ jǔ.