1 Chɔɔn 5:19 - Ku̍o̍ Delee 1999

¹⁹ À juo ɛ̍-ɛ, àɔ̀ nɔ̀ɔ̍, à sɔ dě Nyɔsoa we̍, jɛ kmɔ̌ gbài̍ la Nyɔ̍ Sɔ̀n bo ɔ̀ kɔn ɛ̍ wlu̍ i̍.

1 Chɔɔn 5:19 Iomraidhean Croise

Pɔ̀n Chɛ̀ Luu To-a La 4:6

Wɛ̀ ɛ̍ la̍a̍ dě Jusu we̍, “Ǎn mu̍ ìn gbǐh nyǐ ìè kɔn-dɛ̍ᵻ kli̍hgbɛ̍ la ke i̍h-a tìh-a i̍ bɛ̌-ɛ wlu̍ i̍ kɔn. Dɛ̍nu̍ɛ, i̍h kli̍hgbɛ̍ nyǐ-ɛ m. Ɛ̍ tìh-ɛ, nyɔ̍-o-nyɔ̍ ǎn pɔ̀n-a i̍h nyǐ-ɛ i̍-ɛ, ɔ̍ bo ǎn mu̍ i̍h nyǐ.

Chɔɔn 12:31

Jɛwɛ̀ ɛ̍ nu̍ ti̍ kmɔ̌ la ɛ̍ iě kɛ̀n sà-ɛ. Nɛ̀ ɛ̀ blě-a kmɔ̌ la ɛ̍ wlu̍ kwa̍-ɛ, jɛwɛ̀ tu̍h-a mu̍ ɛ̍ du̍.

Chɔɔn 14:30

Ǐn se̍ dɛ̍ dɔu wlu mu̍ dɛ dě mɔ̀ we̍, dɛ̍nu̍ɛ, ɛ̀ blě-a kmɔ̌ la ɛ̍ wlu̍ kwa̍-ɛ, ɛ̍ ji̍ la̍-ɛ. Ɛ̍ se̍ gbǐh blě dǒ ǐn we̍.

Chɔɔn 16:11

U̍h klǐ-i dǒ tìh-a gbɛ̍n-ɛ dɛ we̍, dɛ̍nu̍ɛ, Nyɔsoa sà ɛ̀ blě-a kmɔ̌ la ɛ̍ wlu̍ kwa̍-ɛ kɛ̀n wɛ̀.

Chɔɔn 17:15

Ǐn se̍ ba̍le ìè u̍h nɔ̌ kmɔ̌ we̍ sà, jɛ ǎn ba̍le-e ìè u̍h kɛ̍n kaɛn u̍h iě Nyɔ̍ Sɔ̀n we̍ i̍ ti̍ɛ̍ɛn.

Wloma 8:16

Nyɔsoa-a Sùù bo ɛ̀ nu̍ sàànsi̍i̍h ka à nu̍-a ɔ̍ nynuu̍-ɛ.

2 Kɔwlɛntiɔn 1:12

À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

2 Kɔwlɛntiɔn 5:1

À juo ka pò à nyi̍ɔ̍ku la ɛ̀ wɔ̀-a wɛ̀ɛ̀ sɔ̍n wlù à tǐn-ae di̍i̍-ɛ, pò ɛ̍ gbɔ̀lɔ-ɛ, Nyɔsoa-a mu̍ gbò blě dě ja̍i̍wlɔ̀ à iě dě ɛ̍ di̍i̍ tǐn. Gbò ɔ̍ chɛ̀ po̍-a ɛ̀ se̍-a gbɔ̀lɔ mu̍ nɔ̌ kmɔ̌-a kmɔ̌-ɛ bo.

Kelesea 1:4

Jusu sà ɔ̍ chɛ̀ kwlǎ à gblɛ̍n sɔ̀ɛ̀n-a tìh, wɛ̀ ɔ̍ iě à dě dɛ̍ᵻ sɔ̀nᵻ nu̍ kmɔ̌ la di̍i̍ sèìe dě à Baa Nyɔsoa-a wlùh-a i̍ pɛ̌n-ɛ di̍i̍.

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

2 Timote 1:12

Ɛ̍ kɔn ǎn sàɛ̀-a ka jua̍i̍. Jɛ ǐn juo nyɔ̍ ǐn gbaɛ-a wlùh-ɛ, ɛ̍ bo ɛ̀ sà ǐn faɔn. Nɛ̀ ǐn juo ɛ̍-ɛ gblagblǎ dɛ̍ ɔ̍ po̍-a dě ǐn kwa̍a̍-ɛ, ɔ̍ bɛ̌ɛ ɛ̍ sɛ̍sɛ̍ nu̍-ɛ te̍e̍ wɛ̀ ɛ̍ iě bɔ̌ɛ-o weɛ̍ laa̍ jɛɛ.

Taitɔ 3:3

Sàì laa̍ nɛ̀ à bo we̍i̍ ke, nɛ̀ à-a nu̍ nyɔ̍-a wlu̍, iě à sìì wìè. Nɛ̀ à nu̍ gbale̍e̍ gbǎ-a ke wlùh dɛ̍ᵻ kaɛn kaɛn-a kèi̍. Nɛ̀ gblɛ̍n-ɛ nyni-ɛ ke wlɛ̀n kɔn-ɛ bo à ja-ɛ ja̍-a. Nɛ̀ nyɔ̍ɔ faɛn àɔ̀, iě à faɛn nyɔ̍ɔ.

Chiin 4:4

Mɔ̀ɔ̍ la ùh sɔ-a dǒ Nyɔsoa de̍e̍-ɛ, ka pò nyɔ̍ jbɛɛ kmɔ̌-ɛ, nɛ̀ ɔ̍ nu̍-a Nyɔsoa-a nyɛ̌-nyɔ̍-ɛ, mɔ̀ se̍ i̍h juo ae? Nyɔ̍ jɔ pɔ̀n-a kmɔ̌-a jbɛɛ nyɔ̍ nu̍-ɛ i̍-ɛ, nɛ̀ ɔ̍ nu̍ ɔ̍ chɛ̀ Nyɔsoa-a nyɛ̌-nyɔ̍ we̍i̍.

1 Chɔɔn 3:14

À juo ɛ̍-ɛ à sì dě mɛ̌ɛ di̍i̍ wɛ̀ iě à jɛɛ feɛ, dɛ̍nu̍ɛ, à jbɛɛ à de̍di̍i̍ᵻ. Jɛ nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ, nɛ̀ ɔ̍ nɛ dě mɛ̌ɛ di̍i̍ ke̍.

1 Chɔɔn 3:24

Nyɔ̍ jɔ tè-ao Nyɔsoa-a telě i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ ɔ̍-ɔ. Nyɔsoa-a Sùù ɔ̍ nyǐ-a àɔ̀-ɛ bo ɛ̀ nu̍ ɛ̍ iě à juo-o dɛ̍ i̍ ka ɔ̍ nɛ-a dě à ja̍a̍-ɛ.

1 Chɔɔn 5:10

Nɛ̀ɛ̍, nyɔ̍ ɔ̀ gbaɛ-a Nyɔsoa-a Jǔ wlùh-ɛ, nɛ̀ ɔ̍-ɔ bo ɔ̀ po̍ dɛ̍ Nyɔsoa dǎ-a tìh chɛ̀. Jɛ nyɔ̍ ɔ̀ se̍-a Nyɔsoa tìh chɛ̀ po̍-ɛ, nɛ̀ ɔ̍ jě ɔ̍ si̍h-i. Dɛ̍nu̍ɛ, nɛ̀ sàànsi̍i̍h Nyɔsoa nu̍-a dǒ ɔ̍ Jǔ we̍-ɛ, ɛ̍ bo ɔ̍ se̍ tìh chɛ̀ po̍.

1 Chɔɔn 5:13

Mɔ̀ɔ̍ ùh gbaɛ-a Nyɔsoa-a Jǔ wlùh-ɛ, ǎn chlǐh mɔ̀ ɛ̀ la we̍ wɛ̀ mɔ̀ iě ɛ̍ juo ka mɔ̀ blě-a kmɔ̌ sie feɛ-ɛ.

1 Chɔɔn 5:15

Pò à jbǎ-ɛ ɔ̍ dɛ̍-o-dɛ̍ wɛ̀ à iě ɛ̍ juo ka ɔ̍ wɔ̌n-a à wlu̍-ɛ, nɛ̀ à juo ɛ̍-ɛ dɛ̍ à jbǎ-ɛa ɔ̍-ɛ, à jě ɛ̍ wɛ̀.

1 Chɔɔn 5:18

À juo ɛ̍-ɛ, nyɔ̍ ùh nu̍-a Nyɔsoa-a nynuu̍-ɛ, u̍h-u gba̍ gblɛ̍n sɔ̀ɛ̀n nu̍-ɛ dluwe̍ i̍. Dɛ̍nu̍ɛ, Nyɔsoa-a Jǔ-a gbɛ̀n dǒ u̍h we̍ i̍. Sɔ nɛ̀ Nyɔ̍ Sɔ̀n se̍ u̍h i̍ tǔh-ɛ bɛ̌ɛ.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 20:3

Wɛ̀ ɛ̍ po̍ ɛ̍ dě biě di̍i̍, iě ɛ̍ ka̍n-o, ɛ̍ po̍ ɛ̍ slu̍ wɔ̍i̍n. Wɛ̀ Kǔ-u je̍e bloa̍ kli̍hgbɛ̍ i̍ boe dɛ kleǐnklein iě sɔ̀nᵻá wlǔ due laa̍ i̍h iě chlà. Pò sɔ̀nᵻá wlǔ due laa̍ i̍h chlà-ɛ, nɛ̀ Kǔ kɔn ɛ̍ iě pɔ̀ni-ɛ dǒ ti̍ gbɔ̍ di̍i̍.