1 Chɔɔn 5:18 - Ku̍o̍ Delee 1999

¹⁸ À juo ɛ̍-ɛ, nyɔ̍ ùh nu̍-a Nyɔsoa-a nynuu̍-ɛ, u̍h-u gba̍ gblɛ̍n sɔ̀ɛ̀n nu̍-ɛ dluwe̍ i̍. Dɛ̍nu̍ɛ, Nyɔsoa-a Jǔ-a gbɛ̀n dǒ u̍h we̍ i̍. Sɔ nɛ̀ Nyɔ̍ Sɔ̀n se̍ u̍h i̍ tǔh-ɛ bɛ̌ɛ.

1 Chɔɔn 5:18 Iomraidhean Croise

Matio 5:37

Ɛ̍ tìh pò ìn ja dɛ̍ we̍ wɔ̌ɛn mu̍-ɛ, nɛ̀ nàa̍, ‘Ào̍,’ iě pò ìn se̍ wɔ̌n mu̍-ɛ, nɛ̀ nàa̍, ‘Iěe.’ Jɛ pò dɛ̍ dɛɛ gbǎ-oɛ, nɛ̀ ɛ̍ sɔ dě Nyɔ̍ Sɔ̀n laa̍ we̍.”

Matio 6:13

Bɔ̌ à blu̍ja̍a̍ gbǎ tìh i̍ wɔ̌ɛn, jɛ sèìe àɔ̀ dě Nyɔ̍ Sɔ̀n laa̍ kwa̍a̍. [Nɛ̀ɛ̍, àn kmɔ̌, ɛ̍ ke àn gbǐh, àn tìh-a i̍ bɛ̌-ɛ, mɔ̀ kɔn i̍h nɔ̌ kmɔ̌-a kmɔ̌. Kǎ ɛ̍-ɛ nɛ.]’

Chɔɔn 1:13

Nyɔsoa-a chɛ̀ bo ɔ̀ nu̍ u̍h ɔ̍ nynuu̍ we̍i̍. U̍h se̍ wlǔh plǒai ka. U̍h-a wlǔh-ɛ se̍ dě nyi̍ɔ̍ we̍ sɔ-ɛ.

Chɔɔn 14:30

Ǐn se̍ dɛ̍ dɔu wlu mu̍ dɛ dě mɔ̀ we̍, dɛ̍nu̍ɛ, ɛ̀ blě-a kmɔ̌ la ɛ̍ wlu̍ kwa̍-ɛ, ɛ̍ ji̍ la̍-ɛ. Ɛ̍ se̍ gbǐh blě dǒ ǐn we̍.

Chɔɔn 15:4

Mɔ̀ nɛ dě ǐn ja̍a̍, nɛ̀ ǎn mu̍ dě mɔ̀ ja̍a̍ nɛ. Ka pò bu̍hᵻ se̍ tu̍ i̍ tbaɛ, nɛ̀ i̍h se̍-a tlo-ɛ bɛ̌ɛ-ɛ, kǎ ɛ̍ nu̍ nɛ-ɛ ke, pò mɔ̀ se̍ dě ǐn ja̍a̍ nɛ-ɛ, nɛ̀ mɔ̀ se̍ tlo-ɛ bɛ̌ɛ mu̍.

Chɔɔn 15:7

Pò mɔ̀ nɛ dě ǐn ja̍a̍ iě ǎn wlu̍ iě dě mɔ̀ ja̍a̍ nɛ ke-ɛ, nɛ̀ dɛ̍-o-dɛ̍ mɔ̀-a pɔ̀n-aɛ, mɔ̀ jbǎ ɛ̍, nɛ̀ mɔ̀-a mu̍ ɛ̍ jě.

Chɔɔn 15:9

Ka ǐn Baa nu̍-a ǐn jbɛɛ-ɛ, kǎ ǐn nu̍ mɔ̀-ɔ jbɛɛ ke. Mɔ̀ sie dě ǎn jbɛɛ di̍i̍.

Nu̍-dɛ̍ᵻ 11:23

Ti̍ ɔ̍ nyni̍-a deě-ɛ, dǒ ɔ̍ jě-e ɛ̍ ka Nyɔsoa nu̍-a blɛ nɛ-ɛɛ. Sɔ ɛ̍ po̍ ɔ̍ mɔna̍, iě ɔ̍ gbɛ̍n-ɛ nyɔ̍ laa̍ wɔ̍i̍n u̍h iě Joi dɛ kɛ̍n nɛ dǒ u̍h-a pɔluh kli̍hgbɛ̍ we̍.

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

Chiin 1:27

Dɛ̍ Baa Nyɔsoa-a dǎɛ-a Nyɔsoa dɛ-a gblangbai̍-ɛ, ɛ̍ nu̍ kwie̍nynuu̍ ke tèwànynɔ̌ᵻ ùh-a jě-a tìh-ɛ we̍ i̍ gbɛ̀n-ɛ, ɛ̍ ke nyɔ̍ ɔ̀ sà-a ɔ̍ chɛ̀ dě kmɔ̌-a sììjii̍ di̍i̍-ɛ ke.

1 Pitɛ 1:23

Ɛ̍ se̍ baa jɔ-a mu̍-a mɛ̌-ɛ ja̍a̍ mɔ̀ se̍ wlǔh-i, jɛ dě jɔ se̍-a mɛ̌ mu̍-ɛ ja̍a̍ bo mɔ̀ wlǔh-i. Dɛ̍nu̍ɛ, Nyɔsoa-a wlu̍ ɛ̀ nɛ-a kmɔ̌, ɛ̀ se̍-a i̍ wɛ̀ la̍ kɔn-ɛ, dě ɛ̍ di̍i̍ bo mɔ̀ wlǔh-i wɛ̀ dode̍.

1 Chɔɔn 2:29

Pò mɔ̀ juo ɛ̍ ka Klai slɛ̌-a i̍-ɛ, nɛ̀ mɔ̀ juo ɛ̍ ke la̍ sǔh ka nyɔ̍ jɔ ɔ̀ nu̍-a i̍ slɛ̌-dɛ̍-ɛ, nɛ̀ ɔ̍ nu̍-a Nyɔsoa-a jǔ wɛ̀-ɛ.

1 Chɔɔn 3:12

Mɔ̀ à bɔ̌ Kein-a dɛ nu̍-ɛ. Ɔ̍ kɔn dǒ Nyɔ̍ Sɔ̀n we̍, ɛ̍ kɔn ɔ̍ po̍ ɔ̍ de̍di̍i̍ gbe̍ja̍a̍. Kein po̍ ɔ̍ gbe̍ja̍a̍, dɛ̍nu̍ɛ, Kein naɛ nu̍-dɛ̍ᵻ klǐ-i, iě ɔ̍ de̍di̍i̍ naɛ slɛ̌ i̍.

1 Chɔɔn 3:3

Nyɔ̍ jɔ tè-a Nyɔsoa wlì ɛ̀ la ɛ̍ tìh-ɛ, nɛ̀ ka Klai nu̍-a wlaǎwla nɛ-ɛɛ, kǎ ɔ̍ nu̍ ɔ̍ chɛ̀-a wlaǎwla nu̍-ɛ wɛ̀ ke.

1 Chɔɔn 3:9

Nyɔ̍-ɔ nu̍ Nyɔsoa-a jǔ wɛ̀ ɔ̍-ɔ gba̍ gblɛ̍n sɔ̀ɛ̀n dluwe̍ i̍, dɛ̍nu̍ɛ, Nyɔsoa-a gblɛ̍n nɛ dě ɔ̍ ja̍a̍. Nɛ̀ ɔ̍ se̍ gblɛ̍n sɔ̀ɛ̀n nu̍-ɛ bɛ̌ɛ, dɛ̍nu̍ɛ, ɔ̍-ɔ Nyɔsoa-a jǔ.

1 Chɔɔn 4:6

Jɛ àɔ̀ nɔ̀ɔ̍, à sɔ dě Nyɔsoa we̍. Nyɔ̍ juh juo-a Nyɔsoa-ɛ, nɛ̀ u̍h-a po̍ nɔ̌ àɔ̀ we̍ dounᵻ. Jɛ nyɔ̍ ùh se̍-a dě Nyɔsoa we̍ sɔ-ɛ, nɛ̀ u̍h-u po̍ nɔ̌ àɔ̀ we̍ dounᵻ. Dǒ à ju̍o̍e tìh-a taǐn sùù ke ɛ̍ si̍h naɛ we̍ i̍.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.

1 Chɔɔn 5:15

Pò à jbǎ-ɛ ɔ̍ dɛ̍-o-dɛ̍ wɛ̀ à iě ɛ̍ juo ka ɔ̍ wɔ̌n-a à wlu̍-ɛ, nɛ̀ à juo ɛ̍-ɛ dɛ̍ à jbǎ-ɛa ɔ̍-ɛ, à jě ɛ̍ wɛ̀.

1 Chɔɔn 5:19

À juo ɛ̍-ɛ, àɔ̀ nɔ̀ɔ̍, à sɔ dě Nyɔsoa we̍, jɛ kmɔ̌ gbài̍ la Nyɔ̍ Sɔ̀n bo ɔ̀ kɔn ɛ̍ wlu̍ i̍.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.

1 Chɔɔn 5:21

Ǎn nynuu̍, mɔ̀ sà kwɛ̍i̍n gbo̍ᵻ dɛ sɔ̍n di̍i̍.

1 Chɔɔn 5:4

Dɛ̍nu̍ɛ, nyɔ̍ jɔ nu̍-a Nyɔsoa-a jǔ-ɛ, nɛ̀ ɔ̍ sà kmɔ̌-a dɛ̍ᵻ sɔ̀nᵻ klà wɛ̀. Dɛ̍ à du̍ i̍-a kmɔ̌ tu̍h-uɛ, ɛ̍ nu̍ à wlùh gbaɛ.

Judi 1:21

Mɔ̀ naɛ dě Nyɔsoa-a jbɛɛ di̍i̍ ma̍u̍, nɛ̀ mɔ̀ fuo kmɔ̌ sie feɛ à Joi Jusu Klai-a mu̍-a mɔ̀ nyǐ ɔ̍ wɔɛ kɔn tìh-ɛ.

Judi 1:24

Nyɔsoa bo ɔ̀ bɛ̌ɛ kmɔ̌ nɛ-ɛ iě mɔ̀ se̍ tàmlain gbǎ-ɛ mu̍, wɛ̀ mɔ̀ iě nɛi̍ wɛ̀. Nɛ̀ ɔ̍ mu̍ mɔ̀ dǒ ɔ̍ chɛ̀ jlǐhwai gba̍ dǒ mɔna̍ dɔu we̍, wɛ̀ mɔ̀ iě ɔ̍ tìh-a i̍ bɛ̌-ɛ jě.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.