1 Chɔɔn 5:14 - Ku̍o̍ Delee 1999

¹⁴ À bɛ̌ wlì i̍ dǒ Nyɔsoa jǔ, dɛ̍nu̍ɛ, à juo ɛ̍-ɛ, pò à jbǎ-ɛ ɔ̍ dɛ̍-o-dɛ̍ ɛ̀ nu̍-a ɔ̍ wlùh dɛ̍-ɛ, nɛ̀ ɔ̍ wɔ̌n à wlu̍.

1 Chɔɔn 5:14 Iomraidhean Croise

Matio 21:22

Pò mɔ̀ blě wlùh gbaɛ wɛ̀ mɔ̀ iě dɛ̍-a tìh i̍ tèle dě ba̍le-ɛ di̍i̍-ɛ, nɛ̀ mɔ̀-a mu̍ ɛ̍ jě.”

Chɔɔn 11:42

Ǐn juo i̍h ka àn dounᵻá nɛ-a nɔ̌ ǐn we̍ ma̍u̍-ɛ, jɛ nyɔ̍ la ùh nyna-a da̍a i̍-ɛ, ka ìn dbo̍-a m-ɛ, u̍h iě i̍h tìh chɛ̀ po̍ dɛbo ɛ̍ kɔn ǎn bla̍ jɛ la nɔ̀ɔ̍.”

Chɔɔn 14:13

Nɛ̀ dɛ̍-o-dɛ̍ mɔ̀-a mu̍-a jbǎ dǒ ǎn nynɛ̌ kɛ̍n-ɛ, ǎn mu̍ ɛ̍ nu̍. Wɛ̀ Jǔ iě Baa-a nynɛ̌ i̍ bɛ̌-ɛ.

Chɔɔn 15:7

Pò mɔ̀ nɛ dě ǐn ja̍a̍ iě ǎn wlu̍ iě dě mɔ̀ ja̍a̍ nɛ ke-ɛ, nɛ̀ dɛ̍-o-dɛ̍ mɔ̀-a pɔ̀n-aɛ, mɔ̀ jbǎ ɛ̍, nɛ̀ mɔ̀-a mu̍ ɛ̍ jě.

Chɔɔn 16:24

Sɔ dě ti̍-a ti̍ we̍-ɛ, mɔ̀-ɔ se̍a dɛ̍ jbǎ dǒ ǎn nynɛ̌ kɛ̍n. Mɔ̀ jbǎ dɛ̍, nɛ̀ mɔ̀-a mu̍ ɛ̍ jě, wɛ̀ mɔ̀-a nmɔ-ɛ iě kwlǎ wɛ̀.

Chɔɔn 9:31

À juo ɛ̍-ɛ, ka Nyɔsoa nɔ̀ɔ̍, ɔ̍-ɔ po̍-a dě gblɛ̍n sɔ̀ɛ̀n nyɔ̍ we̍ dounᵻɛ́. Jɛ pò nyɔ̍ nu̍ ɔ̍ wɛɛ sà nyɔ̍ wɛ̀ ɔ̍ iě ɔ̍ wlùh nu̍-ɛ, nɛ̀ ɔ̍ po̍ dě ɔ̍ we̍ dounᵻ.

Ɛfɛsɔ 3:12

Nɛ̀ ka à ke Klai nɛ-a due iě à gbaɛ-a ɔ̍ wlùh-ɛ, nɛ̀ à bɛ̌ wlì i̍ wɛ̀. Nɛ̀ dɛ̍ se̍ à i̍ ka̍n dɛ dǒ Nyɔsoa wlì mu̍ la̍.

Iblu 10:35

Ɛ̍ tìh-ɛ, mɔ̀ ku̍ di̍i̍ i̍, dɛ̍nu̍ɛ, dě ɛ̍ di̍i̍ bo jě-dɛ̍ klaa nɛ.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

Iblu 3:6

Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.

Chiin 4:3

Dɛ̍ mɔ̀-a jbǎ-aɛ, mɔ̀-ɔ jě ɛ̍. Dɛ̍nu̍ɛ, mɔ̀-a jbǎ ɛ̍ sɔ̀nka mɔ̀ iě mɔ̀-a chɛ̀-a wlùh i̍ tè-e.

Chiin 5:16

Ɛ̍ tìh-ɛ, mɔ̀-a jɔ-ɛ nɛ̀ ɔ̍ sà ɔ̍ gblɛ̍n sɔ̀ɛ̀n gbɔ̀ i̍ dě ɔ̍ ba̍ we̍, wɛ̀ mɔ̀ iě-o we̍ tàà ba̍le, nɛ̀ mɔ̀-a mu̍ pǔh. I̍ slɛ̌-nyɔ̍-a ba̍le wlu̍ blě wɔ̍n ku̍ gbǐh, iě ɛ̍ po̍ dɛ̍ gbǐh we̍.

1 Chɔɔn 2:28

Nɛ̀ɛ̍, ǎn nynuu̍, mɔ̀ nɛ dě ɔ̍ ja̍a̍, wɛ̀ ti̍ ɔ̍ mu̍-a à kɛ̍n wlǔh-iɛ, wɛ̀ à iě faɔn wɛ̀. Iě tɛ̀n-ɛ je̍e à nu̍, wɛ̀ à-a je̍e sìle dǒ ɔ̍ ji̍ la̍-a.