1 Chɔɔn 5:13 - Ku̍o̍ Delee 1999

¹³ Mɔ̀ɔ̍ ùh gbaɛ-a Nyɔsoa-a Jǔ wlùh-ɛ, ǎn chlǐh mɔ̀ ɛ̀ la we̍ wɛ̀ mɔ̀ iě ɛ̍ juo ka mɔ̀ blě-a kmɔ̌ sie feɛ-ɛ.

1 Chɔɔn 5:13 Iomraidhean Croise

Chɔɔn 1:12

Jɛ nyɔ̍ juh gbɛ̍n-a ɔ̍ tìh i̍ iě u̍h gbaɛ-a ɔ̍ wlùh-ɛ, ɔ̍ nu̍ ɛ̍ iě u̍h nu̍ Nyɔsoa-a nynuu̍.

Chɔɔn 2:23

Ti̍ Jusu nɛ-a Juluslɛn dǒ Sììkɛ̍n Weɛ̍-a Peě tù ti̍ we̍-ɛ, jbaɛdih ɔ̍ po̍-aɛ bo nyɔ̍ dɔu jě iě u̍h gbaɛ ɔ̍ wlùh.

Chɔɔn 20:31

Ìh la i̍h chlǐh-ɛ, wɛ̀ mɔ̀ iě ɛ̍ tìh chɛ̀ po̍ ka Jusu nu̍-a Nyɔsoa-a Jǔ ɔ̀ nu̍-a ɔ̍ Chèɛ̀ Tba̍ju-ɛ. Nɛ̀ wlùh gbaɛ blě-ɛ bo ɛ̀ mu̍ mɔ̀ feɛ nyǐ dǒ ɔ̍ nynɛ̌ kɛ̍n.

Chɔɔn 21:24

Jɛ kòà-a chɛ̀ laa̍ bo ɔ̀ nu̍ ìh la i̍h-a sàànsi̍i̍h, wɛ̀ ɔ̍ chlǐh i̍h dɛ. Iě à juo ɛ̍ dɛ̍ ɔ̍ sà-aɛ tìh-a taǐn bo.

Chɔɔn 3:18

Nyɔ̍ jɔ gbaɛ-a ɔ̍ wlùh-ɛ, nɛ̀ tìh se̍ ɔ̍ gbɛ̍n. Jɛ jɔ se̍-a ɔ̍ wlùh gbaɛ-ɛ, nɛ̀ tìh gbɛ̍n ɔ̍ wɛ̀ se̍e̍, dɛ̍nu̍ɛ, ɔ̍ se̍ Nyɔsoa-a Jǔ due gbài̍ wlùh gbaɛ.

Chɔɔn 5:24

“Tìh-a taǐn ǎn sèàɛ̍ mɔ̀ wlùh, pò nyɔ̍ wɔ̌n ǎn wlu̍ wɛ̀ ɔ̍ iě nyɔ̍ ɔ̀ dbo̍-a m-ɛ wlùh gbaɛ-ɛ, nɛ̀ ɔ̍ blě kmɔ̌ sie feɛ. Nɛ̀ tìh se̍ ɔ̍ gbɛ̍n mu̍ dɛ, nɛ̀ ɔ̍ chɛ̍n dǒ mɛ̌ɛ we̍ tìè iě ɔ̍ jɛɛ feɛ.

Nu̍-dɛ̍ᵻ 3:16

Jɛ Jusu-a nynɛ̌ wlùh gbaɛ bo ɛ̀ nɛ kmɔ̌, iě jɔ̍gbau la mɔ̀ juo-a iě mɔ̀-a jě-a ka da̍a-ɛ, wɛ̀ ɔ̍ dalǔhᵻ sǐ-o dode̍. Wlùh gbaɛ ɛ̀ jii-a dě Jusu ja̍a̍-ɛ, ɛ̍ bo ɛ̀ nɛ kmɔ̌ iě jɔ̍gbau la ɔ̍ pǔh ka te̍kle̍e̍. Ɔ̍ bo mɔ̀ kli̍hgbɛ̍ mɔ̀-a jě-a ka da̍a.

Nu̍-dɛ̍ᵻ 4:12

Pǔh-ɛ se̍ dě nyɔ̍ dɔɔ ja̍a̍ nɛ. Nynɛ̌ dɛɛ se̍ nɔ̌ ja̍u̍n la sɔ̀n nɛ nyɔ̍ iě tù wɛ̀ à iě i̍ pǔh-i.”

2 Kɔwlɛntiɔn 5:1

À juo ka pò à nyi̍ɔ̍ku la ɛ̀ wɔ̀-a wɛ̀ɛ̀ sɔ̍n wlù à tǐn-ae di̍i̍-ɛ, pò ɛ̍ gbɔ̀lɔ-ɛ, Nyɔsoa-a mu̍ gbò blě dě ja̍i̍wlɔ̀ à iě dě ɛ̍ di̍i̍ tǐn. Gbò ɔ̍ chɛ̀ po̍-a ɛ̀ se̍-a gbɔ̀lɔ mu̍ nɔ̌ kmɔ̌-a kmɔ̌-ɛ bo.

Kelesea 4:6

Mɔ̀ɔ̍ Nyɔsoa-a chɛǐ nynuu̍ dɛbo, ɛ̍ kɔn ɔ̍ dbo̍ ɔ̍ Jǔ-a Sùù dě à wlùh di̍i̍. Iě ɛ̍ sèàɛ̍ àɔ̀ wlùh ka Nyɔsoa bo ɔ̀ nu̍-a à Baa-ɛ.

1 Pitɛ 5:12

Sale ɔ̀ nu̍-a ǐn de̍di̍i̍ ǐn gbaɛ-a wlùh-ɛ, ɔ̍ bo ɔ̀ gbǎ ǐn we̍ wɛ̀ ǐn chlǐh mɔ̀ chlǐh-dɛ̍ tile la we̍. Ǎn pɔ̀n iě mɔ̀-a wlùh fùka wɛ̀ mɔ̀ iě ɛ̍ juo ka ɛ̀ la ɛ̍ nu̍-a Nyɔsoa-a tìh-a taǐn blɛ-ɛ. Mɔ̀ ku̍-e i̍ dě ɛ̍ di̍i̍.

1 Chɔɔn 1:4

À chlǐh ìh la wɛ̀ à nmɔ-ɛ iě kwlǎ wɛ̀.

1 Chɔɔn 2:1

Ǎn nynuu̍, ǎn chlǐh mɔ̀ ɛ̀ la we̍ wɛ̀ mɔ̀-ɔ je̍e gblɛ̍n sɔ̀ɛ̀n nu̍. Jɛ pò mɔ̀-a nyɔ̍ nu̍ gblɛ̍n sɔ̀ɛ̀n-ɛ, à blě à we̍ gbǎ nyɔ̍ dě Baa Nyɔsoa we̍. Ɔ̍ bo ɔ̀ nu̍-a Jusu Klai ɔ̀ slɛ̌-a i̍-ɛ.

1 Chɔɔn 2:21

Chlǐh-ɛ ǎn chlǐh-a mɔ̀ we̍-ɛ, ɛ̍ se̍ nɛ̀ mɔ̀ se̍ tìh-a taǐn juo kai. Jɛ mɔ̀-a ɛ̍ juo-o tìh bo ǎn chlǐh mɔ̀ we̍. Wɛ̀ mɔ̀ juo ɛ̍ ke ka si̍h-i sɔ-a dě tìh-a taǐn di̍i̍-ɛ.

1 Chɔɔn 2:25

Kmɔ̌ sie feɛ-a wlu̍ bo Klai po̍ tɔ̀ma̍a̍ dǒ à we̍.

1 Chɔɔn 2:26

Ǎn chlǐh mɔ̀ ìh la we̍ dǒ ùh la ùh-a pɔ̀n-a mɔ̀ i̍ boe-ɛ i̍-ɛ u̍h-a dɛ we̍.

1 Chɔɔn 3:23

Ɔ̍ telě-a chɛ̀ nu̍, à gbaɛ ɔ̍ Jǔ Jusu Klai wlùh, à iě we̍ jbɛɛ. Kǎ ɔ̍ nu̍ à wlùh sèàɛ̍.

1 Chɔɔn 4:9

Kǎ Nyɔsoa nu̍ ka ɔ̍ jbɛɛ to-ɛ nɔ̌ à nynɛ̌. Ɔ̍ dbo̍ ɔ̍ Jǔ jɔɛ̍ due gbài̍ nɔ̌ kmɔ̌ we̍. Pò à jii ɔ̍-ɛ, wɛ̀ à iě kmɔ̌ nɛ.

1 Chɔɔn 5:10

Nɛ̀ɛ̍, nyɔ̍ ɔ̀ gbaɛ-a Nyɔsoa-a Jǔ wlùh-ɛ, nɛ̀ ɔ̍-ɔ bo ɔ̀ po̍ dɛ̍ Nyɔsoa dǎ-a tìh chɛ̀. Jɛ nyɔ̍ ɔ̀ se̍-a Nyɔsoa tìh chɛ̀ po̍-ɛ, nɛ̀ ɔ̍ jě ɔ̍ si̍h-i. Dɛ̍nu̍ɛ, nɛ̀ sàànsi̍i̍h Nyɔsoa nu̍-a dǒ ɔ̍ Jǔ we̍-ɛ, ɛ̍ bo ɔ̍ se̍ tìh chɛ̀ po̍.

1 Chɔɔn 5:11

Nyɔsoa nyǐ à kmɔ̌ sie feɛ dě ɔ̍ Jǔ ja̍a̍. Ɛ̍ bo ɛ̀ nu̍ Nyɔsoa naɛ sàànsi̍i̍h.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.