1 Chɔɔn 5:12 - Ku̍o̍ Delee 1999

¹² Nyɔ̍ ɔ̀ gba̍-a Jǔ la-ɛ, nɛ̀ ɔ̍ blě feɛ. Nyɔ̍ ɔ̀ se̍-a Jǔ la gba̍-ɛ, nɛ̀ ɔ̍ se̍ feɛ blě.

1 Chɔɔn 5:12 Iomraidhean Croise

Pɔ̀n Chɛ̀ Maɛ To-a La 16:16

Nyɔ̍ ɔ̀ po̍-a ɛ̍ tìh chɛ̀ wɛ̀ ɔ̍ iě nǐ dlǔ po̍-ɛ, nɛ̀ ɔ̍ mu̍ pǔh. Jɛ nyɔ̍ ɔ̀ se̍-a ɛ̍ tìh chɛ̀ po̍-ɛ, nɛ̀ kɛ̀n-a mu̍ ɔ̍ kwa̍a̍ sɔ.

Chɔɔn 1:12

Jɛ nyɔ̍ juh gbɛ̍n-a ɔ̍ tìh i̍ iě u̍h gbaɛ-a ɔ̍ wlùh-ɛ, ɔ̍ nu̍ ɛ̍ iě u̍h nu̍ Nyɔsoa-a nynuu̍.

Chɔɔn 3:15

Wɛ̀ nyɔ̍ ùh-a mu̍-a ɔ̍ wlùh gbaɛ-ɛ u̍h iě kmɔ̌ sie feɛ blě.

Chɔɔn 3:36

Nyɔ̍ jɔ gbaɛ-a Jǔ la wlùh-ɛ, nɛ̀ ɔ̍ blě kmɔ̌ sie feɛ. Jɛ nyɔ̍ jɔ se̍-a Jǔ la ɔ̍ wlu̍ nu̍-ɛ, ɔ̍ se̍ feɛ jě mu̍. Jɛ nɛ̀ Nyɔsoa-a mu̍ ɔ̍ kàn gbɛ̍n.

Chɔɔn 5:24

“Tìh-a taǐn ǎn sèàɛ̍ mɔ̀ wlùh, pò nyɔ̍ wɔ̌n ǎn wlu̍ wɛ̀ ɔ̍ iě nyɔ̍ ɔ̀ dbo̍-a m-ɛ wlùh gbaɛ-ɛ, nɛ̀ ɔ̍ blě kmɔ̌ sie feɛ. Nɛ̀ tìh se̍ ɔ̍ gbɛ̍n mu̍ dɛ, nɛ̀ ɔ̍ chɛ̍n dǒ mɛ̌ɛ we̍ tìè iě ɔ̍ jɛɛ feɛ.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

2 Chɔɔn 1:9

Nyɔ̍ jɔ se̍-a dǒ Klai-a nǎ po̍ wlu̍ de̍e̍ wɔ̀ wɛ̀ ɔ̍ tàn-ɛa ɛ̍ kɛ̍n-ɛ, nɛ̀ ɔ̍ tba̍ Nyɔsoa chla. Jɛ nyɔ̍ ɔ̀ nɛ-a dǒ ɔ̍ nǎ po̍-ɛ de̍e̍-ɛ, nɛ̀ Baa Nyɔsoa ke ɔ̍ Jǔ-a tìh bo ɔ̍ wɔ̌ɛn-ɛ.