1 Chɔɔn 5:11 - Ku̍o̍ Delee 1999

¹¹ Nyɔsoa nyǐ à kmɔ̌ sie feɛ dě ɔ̍ Jǔ ja̍a̍. Ɛ̍ bo ɛ̀ nu̍ Nyɔsoa naɛ sàànsi̍i̍h.

1 Chɔɔn 5:11 Iomraidhean Croise

Matio 25:46

Nɛ̀ u̍h-a mu̍ kàn gbɛ̍n-ɛ se̍-a dlǔ i̍ chlà la̍ kɔn-ɛ we̍ mu̍. Jɛ nɛ̀ i̍ slɛ̌-nyɔ̍-a mu̍ kmɔ̌ sie feɛ we̍ mu̍.”

Chɔɔn 1:19

Dǒ ti̍ laa̍ di̍i̍-ɛ, iě Juu nyɔ̍-a nyɔ̍ klaaᵻ nɛ-a dǒ Juluslɛn wlɔ̀ di̍i̍-ɛ, u̍h dbo̍ Nyɔsoa-a slaǎ sà nyɔ̍ ke Liifaɛ nynuu̍ dě Chɔɔn we̍, u̍h iě ɔ̍ i̍ tèle-ɛ ka dǎ, “Mɔ̀ nyɔ̍we̍ ɛ?” Ɔ̍ se̍ ɛ̍-ɛ nynii ke, iě ɔ̍ sà u̍h-a wlu̍ pɔ̀n we̍. Ɔ̍ flɔn-ɛ ɛ̍ we̍i̍, ɔ̍ la̍a̍, “Ǐn se̍ Nyɔsoa-a Chèɛ̀ Tba̍ju.”

Chɔɔn 1:4

Dě ɔ̍ ja̍a̍ bo feɛ nɛ. Feɛ laa̍ bo ɛ̀ nu̍ sɔ̀npli dǒ nyi̍ɔ̍ we̍.

Chɔɔn 10:28

Wɛ̀ ǐn nyǐ i̍h kmɔ̌ sie feɛ, i̍h se̍ gba̍ mɛ̌. Nyɔ̍-o-nyɔ̍ se̍ i̍h ǐn kwa̍a̍ flǎ-a bɛ̌ɛ.

Chɔɔn 12:50

Ǐn juo ɛ̍-ɛ dɛ̍ ɔ̍ tù-a ǐn wɔ̍n-ɛ, ɛ̍ nyǐ nyɔ̍ kmɔ̌ sie feɛ. Ɛ̍ tìh-ɛ, dɛ̍ Baa sèàɛ̍-a ǐn wlùh-ɛ, ɛ̍ bo ǎn bla̍.”

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Chɔɔn 19:35

Nyɔ̍ ɔ̀ jě-a ìh la i̍h-a nɛ la̍-ɛ, ɔ̍ bo ɔ̀ nu̍ i̍h-a sàànsi̍i̍h. Dɛ̍ ɔ̍ sà-aɛ, tìh-a taǐn bo. Ɔ̍ juo i̍h dɛ̍ ɔ̍ sà-aɛ tìh-a taǐn bo, ɛ̍ kɔn ɔ̍ sà i̍h-i wɛ̀ mɔ̀ iě wlùh gbaɛ blě ke.)

Chɔɔn 3:36

Nyɔ̍ jɔ gbaɛ-a Jǔ la wlùh-ɛ, nɛ̀ ɔ̍ blě kmɔ̌ sie feɛ. Jɛ nyɔ̍ jɔ se̍-a Jǔ la ɔ̍ wlu̍ nu̍-ɛ, ɔ̍ se̍ feɛ jě mu̍. Jɛ nɛ̀ Nyɔsoa-a mu̍ ɔ̍ kàn gbɛ̍n.

Chɔɔn 4:36

Nyɔ̍ ɔ̀ chɛ̍n-a klè-ɛ, ɔ̍ jě pɛ̌ɛ la. Iě ɔ̍ gbòe i̍h-a jɔ̌ i̍ i̍h iě kmɔ̌ sie feɛ jě. Wɛ̀ nyɔ̍ ɔ̀ tù-a dɛ̍ dě klè-ɛ ke, jɔ chɛ̍n-a klè-ɛ, u̍h iě mɔna̍ tàdùè nui.

Chɔɔn 4:4

Nɛ̀ Sɛmewlea fɔɔ bo ɔ̍ kɔn ɔ̍ iě jii.

Chɔɔn 5:21

Ka Baa-a sà-e mɛ̌-nyɔ̍ iě ɔ̍ nyǐ-a u̍h feɛ-ɛ, kǎ Jǔ-a nu̍ nyɔ̍ ɔ̍ pɔ̀n-a feɛ nyǐ-ɛ i̍-ɛ ke.

Chɔɔn 5:26

Ka Baa Nyɔsoa-a chɛ̀ nu̍-a nyɔ̍ feɛ nyǐ gbǐh blě-ɛɛ, kǎ ɔ̍ nu̍ ɔ̍ Jǔ wɛ̀ ke.

Chɔɔn 6:40

Nɛ̀ ǐn Baa-a wlùh dɛ nu̍, nyɔ̍ juh jě-a Jǔ la sǔh wɛ̀ u̍h gbaɛ-a ɔ̍ wlùh-ɛ, nɛ̀ u̍h-a mu̍ kmɔ̌ sie feɛ blě. Nɛ̀ ǎn mu̍ u̍h bloɔ̍ sà dǒ bɔ̌ɛ-o weɛ̍ di̍i̍.”

Chɔɔn 6:47

Tìh-a taǐn ǎn sèàɛ̍ mɔ̀ wlùh, nyɔ̍ jɔ gbaɛ-a ǐn wlùh-ɛ, nɛ̀ ɔ̍ blě kmɔ̌ sie feɛ.

Chɔɔn 6:68

Wɛ̀ Samo Pitɛ la̍a̍, “Joi, mɔ̀ jɔ blě-a wlu̍ ɛ̀ nyǐ-a nyɔ̍ kmɔ̌ sie feɛ-ɛ, pò à tǎli ìn i̍-ɛ, nɛ̀ nyɔ̍ dɔɔ we̍ à mu̍ we̍ mu̍ ɛ?

Wloma 5:21

Nɛ̀ ka gblɛ̍n sɔ̀ɛ̀n kɔn-a nyɔ̍ wlu̍ i̍ dě mɛ̌ɛ di̍i̍-ɛ, kǎ Nyɔsoa-a blɛ-a mu̍ nyɔ̍ wlu̍ i̍ kɔn-ɛ nu̍ ke dě ɔ̍ nyɔ̍ i̍ slɛ̌-ɛ di̍i̍, wɛ̀ ɛ̍ iě nyɔ̍ kmɔ̌ sie feɛ nyǐ dě à Joi Jusu Klai ja̍a̍.

Wloma 6:23

Nɛ̀ɛ̍, gblɛ̍n sɔ̀ɛ̀n-a pɛ̌ɛ la nu̍ mɛ̌ɛ, jɛ Nyɔsoa-a nyǐ-dɛ̍ nu̍ kmɔ̌ sie feɛ dě à Joi Jusu Klai ja̍a̍.

1 Timote 1:16

Jɛ ɛ̍ kɔn tìh bo Nyɔsoa jě ǐn wɔɛ. Wɛ̀ ka Jusu Klai-a gbɛ̍n-a wlùh i̍ kaa̍ dǒ gblɛ̍n sɔ̀ɛ̀n nyɔ̍-a gblìmia we̍-ɛ, wɛ̀ nyɔ̍ sie-a dǒ de̍-ɛ, u̍h iě ɛ̍ dɛ̍ i̍ blaɛ dǒ ǐn pùn. Wɛ̀ u̍h iě ɔ̍ wlùh gbaɛ, nɛ̀ u̍h-a mu̍ kmɔ̌ sie feɛ blě.

Taitɔ 1:2

Kmɔ̌ sie feɛ à kɔ̍-a wlùh i̍-ɛ, dǒ ɛ̍ kɛ̍n bo i̍h tba̍ i̍. Nyɔsoa ɔ̀-ɔ tmɔ̌-a si̍h-ɛ, ɔ̍ bo ɔ̀ po̍ ɛ̍ wlu̍ tɔ̀ma̍a̍ sasǎ wɛ̀ kmɔ̌ la ɛ̍ dǔ nui-ɛ.

1 Chɔɔn 2:25

Kmɔ̌ sie feɛ-a wlu̍ bo Klai po̍ tɔ̀ma̍a̍ dǒ à we̍.

1 Chɔɔn 4:10

Ɛ̀ la bo ɛ̀ nu̍ jbɛɛ. Ɛ̍ se̍ àɔ̀ mɔ à se̍ Nyɔsoa-a jbɛɛ, jɛ ɔ̍-ɔ bo ɔ̀ jbɛɛ àɔ̀ wɛ̀ ɔ̍ dbo̍ ɔ̍ Jǔ. Dě ɔ̍ Jǔ-a ɔ̍ chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍.

1 Chɔɔn 4:9

Kǎ Nyɔsoa nu̍ ka ɔ̍ jbɛɛ to-ɛ nɔ̌ à nynɛ̌. Ɔ̍ dbo̍ ɔ̍ Jǔ jɔɛ̍ due gbài̍ nɔ̌ kmɔ̌ we̍. Pò à jii ɔ̍-ɛ, wɛ̀ à iě kmɔ̌ nɛ.

1 Chɔɔn 5:10

Nɛ̀ɛ̍, nyɔ̍ ɔ̀ gbaɛ-a Nyɔsoa-a Jǔ wlùh-ɛ, nɛ̀ ɔ̍-ɔ bo ɔ̀ po̍ dɛ̍ Nyɔsoa dǎ-a tìh chɛ̀. Jɛ nyɔ̍ ɔ̀ se̍-a Nyɔsoa tìh chɛ̀ po̍-ɛ, nɛ̀ ɔ̍ jě ɔ̍ si̍h-i. Dɛ̍nu̍ɛ, nɛ̀ sàànsi̍i̍h Nyɔsoa nu̍-a dǒ ɔ̍ Jǔ we̍-ɛ, ɛ̍ bo ɔ̍ se̍ tìh chɛ̀ po̍.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.

1 Chɔɔn 5:7

Nɛ̀ sàànsi̍i̍h ta̍a̍n-a chɛ̀ nu̍,

3 Chɔɔn 1:12

Dimɛtleɔ-a tìh chɛ̀-a sàànsi̍i̍h bo nyɔ̍ kli̍hgbɛ̍ nu̍. Ɔ̍ gblɛ̍n bo ìh to ɛ̍ ke ka ɔ̍ nu̍-a tìh-a taǐn nyɔ̍-ɛ, iě à chɛ̀ nu̍ ɔ̍ tìh chɛ̀-a sàànsi̍i̍h ke. Ìn juo i̍h dɛ̍ kɔn sàànsi̍i̍h à nu̍-aa nɛ̀ tìh-a taǐn bo.

Judi 1:21

Mɔ̀ naɛ dě Nyɔsoa-a jbɛɛ di̍i̍ ma̍u̍, nɛ̀ mɔ̀ fuo kmɔ̌ sie feɛ à Joi Jusu Klai-a mu̍-a mɔ̀ nyǐ ɔ̍ wɔɛ kɔn tìh-ɛ.

Wlɛfeleseɔn 1:2

Chɔɔn bo ɔ̀ nu̍ sàànsi̍i̍h dǒ Nyɔsoa-a tu̍owli ke gblangbai̍ Jusu Klai sà-ɛ we̍, ɛ̍ ke jih kli̍hgbɛ̍-a chɛ̀ ɔ̍ jě-aɛ ke.

Wlɛfeleseɔn 22:1

Wɛ̀ ǐnchɔ̀ toe ǐn nǐ klaa ɛ̀ nyǐ-a nyɔ̍ feɛ-ɛ, nɛ̀ ɛ̍ sɔ-ɛɛ dě Nyɔsoa ke Blawɛ̌ Jǔ-a nynɛ̌ gbalǎ we̍. Ɛ̍ nɛ wlihwlǐh ka klàsi̍-ɛ.