1 Chɔɔn 5:10 - Ku̍o̍ Delee 1999

¹⁰ Nɛ̀ɛ̍, nyɔ̍ ɔ̀ gbaɛ-a Nyɔsoa-a Jǔ wlùh-ɛ, nɛ̀ ɔ̍-ɔ bo ɔ̀ po̍ dɛ̍ Nyɔsoa dǎ-a tìh chɛ̀. Jɛ nyɔ̍ ɔ̀ se̍-a Nyɔsoa tìh chɛ̀ po̍-ɛ, nɛ̀ ɔ̍ jě ɔ̍ si̍h-i. Dɛ̍nu̍ɛ, nɛ̀ sàànsi̍i̍h Nyɔsoa nu̍-a dǒ ɔ̍ Jǔ we̍-ɛ, ɛ̍ bo ɔ̍ se̍ tìh chɛ̀ po̍.

1 Chɔɔn 5:10 Iomraidhean Croise

Chɔɔn 3:16

Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě.

Chɔɔn 3:18

Nyɔ̍ jɔ gbaɛ-a ɔ̍ wlùh-ɛ, nɛ̀ tìh se̍ ɔ̍ gbɛ̍n. Jɛ jɔ se̍-a ɔ̍ wlùh gbaɛ-ɛ, nɛ̀ tìh gbɛ̍n ɔ̍ wɛ̀ se̍e̍, dɛ̍nu̍ɛ, ɔ̍ se̍ Nyɔsoa-a Jǔ due gbài̍ wlùh gbaɛ.

Chɔɔn 3:33

Nyɔ̍ jɔ gbɛ̍n-a ɔ̍ wlu̍ i̍-ɛ, nɛ̀ ɔ̍ juo ɛ̍ i̍ ka Nyɔsoa nu̍-a tìh-a taǐn nyɔ̍-ɛ.

Chɔɔn 5:38

Mɔ̀-ɔ gbɛ̍n-ɛ ɔ̍ wlu̍ dounᵻ i̍, dɛ̍nu̍ɛ, nyɔ̍ ɔ̍ dbo̍-aɛ, mɔ̀ se̍ ɔ̍ wlùh gbaɛ.

Nu̍-dɛ̍ᵻ 8:37

Wɛ̀ Felɔ la̍a̍ dě ɔ̍ we̍, “Pò ɛ̍ tù ìn po̍ ɛ̍ tìh chɛ̀ dǒ ìn pɔluh kɛ̍n-ɛ, nɛ̀ àn mu̍ nǐ dlǔ po̍ wa.” Iě jɔ̍gbau la̍a̍, “Kǎ ɛ̍ nɛ, ǐn po̍ ɛ̍ tìh chɛ̀ ka Jusu Klai nu̍-a Nyɔsoa-a Jǔ-ɛ.”]

Wloma 8:16

Nyɔsoa-a Sùù bo ɛ̀ nu̍ sàànsi̍i̍h ka à nu̍-a ɔ̍ nynuu̍-ɛ.

Kelesea 4:1

Dɛ̍ ǎn dǎ-aɛ, ɛ̍ nu̍ jǔ ɔ̀ mu̍-a dǒ ɔ̍ baa-a gbaa kɛ̍n sie-ɛ, nɛ̀ ɔ̍ wɔ̀ kèi̍ dě ɔ̍ jǔwɛ blǐ. Kǎ ɛ̍ nɛ nɔ̀ɔ̍, ɔ̍ bo ɔ̀ kɔn ɔ̍ baa-a kɔn-dɛ̍ᵻ kli̍hgbɛ̍.

Kelesea 4:6

Mɔ̀ɔ̍ Nyɔsoa-a chɛǐ nynuu̍ dɛbo, ɛ̍ kɔn ɔ̍ dbo̍ ɔ̍ Jǔ-a Sùù dě à wlùh di̍i̍. Iě ɛ̍ sèàɛ̍ àɔ̀ wlùh ka Nyɔsoa bo ɔ̀ nu̍-a à Baa-ɛ.

Kalase 3:3

Kaka la̍ mɔ̀ mɛ̌ wɛ̀, iě mɔ̀-a kmɔ̌ sìle ka dě Klai we̍ dě Nyɔsoa ja̍a̍.

Iblu 3:12

Nɛ̀ɛ̍, ǐn de̍di̍i̍ᵻ, mɔ̀ nu̍ nɛnɛ̌ mɔ̀-a nyɔ̍ je̍e wlùh sɔ̀n blě wɛ̀ ɔ̍-ɔ se̍-e wlùh gbaɛ blě, ɔ̍-ɔ je̍e dǒ kmɔ̌ nɛ Nyɔsoa-a wìè kɛ̍n sɔ.

2 Pitɛ 1:19

Ɛ̍ tìh-ɛ, Nyɔsoa-a tu̍owli po̍ nyɔ̍-a wlu̍ bo à kui wlùh. Pò mɔ̀ tù ɛ̍ dounᵻɛ́, nɛ̀ mɔ̀-a nu̍ dɛ̍ chɛ̀. Dɛ̍nu̍ɛ, ɛ̍ wɔ̀ nape̍ ɛ̀ wa̍n-a dě kwile te̍e̍ wɛ̀ sɔ̀n-a sɛ̀n-aɛ ke chǔhtlɛ̀n ɛ̀ fa̍n-a sɔ̀nwɔ̍i̍n-ɛ dǒ mɔ̀ wlùh kɛ̍n.

1 Chɔɔn 1:10

Pò à la̍ à-a se̍a gblɛ̍n sɔ̀ɛ̀n nu̍-ɛ, nɛ̀ Nyɔsoa bo à jě si̍h-i, iě ɔ̍ wlu̍ se̍ dǒ à wlùh kɛ̍n nɛ.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 2:17

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ di̍-dɛ̍ᵻ u̍h-a dǎɛ-a mana ìh sìle-aɛ, ǎn mu̍ ɔ̍ diih nyǐ. Nɛ̀ ǎn mu̍ ɔ̍ sɔɔ̌ gbo̍ plǔ nyǐ, nynɛ̌ delee iě chlǐh-ɛ dǒ ɛ̍ kɛ̍n. Nyɔ̍ dɔɔ se̍ nynɛ̌ laa̍ juo mu̍. Nyɔ̍ ɔ̀ blě-a sɔɔ̌ laa̍-ɛ, ɔ̍ kɔn tɛ̀ ǐn sà-o.”

Wlɛfeleseɔn 2:28

Nɛ̀ ǎn mu̍ ɔ̍ chǔhtlɛ̀n ɛ̀ fa̍n-a klàɛ̍we̍-ɛ nyǐ ke.