1 Chɔɔn 5:1 - Ku̍o̍ Delee 1999

¹ Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.

1 Chɔɔn 5:1 Iomraidhean Croise

Matio 16:16

Wɛ̀ Samo Pitɛ la̍a̍, “Mɔ̀ Chèɛ̀ Tba̍ju, ɔ̀ nu̍-a kmɔ̌ nɛ Nyɔsoa-a Jǔ-ɛ.”

Pɔ̀n Chɛ̀ Luu To-a La 7:5

Dɛ̍nu̍ɛ, ɔ̍ jbɛɛ à nyɔ̍-ɔ, iě ɔ̍ po̍ à wɛɛ sà gbò.”

Chɔɔn 1:3

Dě ɔ̍ ja̍a̍ bo Nyɔsoa nui dɛ̍ᵻ kli̍hgbɛ̍. Dɛ̍ ɛ̀ se̍-a nui-ɛ dě ɔ̍ ja̍a̍-ɛ, nɛ̀ ɛ̍ se̍ nɛ.

Chɔɔn 15:23

Nyɔ̍ jɔ faɛn-a m-ɛ, nɛ̀ ɔ̍ faɛn ǐn Baa ke.

Chɔɔn 3:3

Wɛ̀ Jusu la̍a̍ dě ɔ̍ we̍, “Bɔ̌ ǐn sèàɛ̍ ìn tìh-a taǐn wlùh, pò nyɔ̍ iě Nyɔsoa-a kmɔ̌ wlu̍ i̍ kɔn-ɛ jě-ɛ, nɛ̀ ɔ̍ mu̍ wlǔh dode̍.”

Chɔɔn 6:69

À gbaɛ ìn wlùh wɛ̀, iě à juo ɛ̍ ka ìn nu̍-a Nɛi̍ Wɛ̀ Nyɔ̍ ìn sɔ-a dě Nyɔsoa we̍-ɛ.”

Chɔɔn 8:42

Jusu la̍a̍, “Pò Nyɔsoa nu̍ mɔ̀ Baa de-ɛ, nɛ̀ mɔ̀-a mu̍ ǐn jbɛɛ de, dɛ̍nu̍ɛ, ǐn sɔ dě Nyɔsoa we̍ wɛ̀ ǐn nɛ da̍a. Ǐn se̍ dǒ ǎn chɛ̀-a sɔ̍n kɛ̍n jii, ɔ̍-ɔ bo ɔ̀ dbo̍ m.

Nu̍-dɛ̍ᵻ 8:36

U̍h klɛɛn-a dě wìè nya̍-a, wɛ̀ u̍h jɛɛ nǐ kɛ̍n. Iě kwǐ nyɔ̍ la̍a̍, “Ɛ̀ la nǐ bo wa. Ǐn se̍ nǐ dlǔ po̍ mu̍ da̍a duedɛ ae?” [

Nu̍-dɛ̍ᵻ 8:37

Wɛ̀ Felɔ la̍a̍ dě ɔ̍ we̍, “Pò ɛ̍ tù ìn po̍ ɛ̍ tìh chɛ̀ dǒ ìn pɔluh kɛ̍n-ɛ, nɛ̀ àn mu̍ nǐ dlǔ po̍ wa.” Iě jɔ̍gbau la̍a̍, “Kǎ ɛ̍ nɛ, ǐn po̍ ɛ̍ tìh chɛ̀ ka Jusu Klai nu̍-a Nyɔsoa-a Jǔ-ɛ.”]

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

1 Chɔɔn 2:10

Nyɔ̍ ɔ̀ jbɛɛ-a ɔ̍ de̍di̍i̍-ɛ, nɛ̀ ɔ̍-ɔ bo ɔ̀ nɛ dě sɔ̀npli di̍i̍. Nɛ̀ dɛ̍ ɛ̀ iě-a ɔ̍ blu̍ja̍a̍ po̍ dɛ-ɛ, ɛ̍ se̍ nɛ.

1 Chɔɔn 2:29

Pò mɔ̀ juo ɛ̍ ka Klai slɛ̌-a i̍-ɛ, nɛ̀ mɔ̀ juo ɛ̍ ke la̍ sǔh ka nyɔ̍ jɔ ɔ̀ nu̍-a i̍ slɛ̌-dɛ̍-ɛ, nɛ̀ ɔ̍ nu̍-a Nyɔsoa-a jǔ wɛ̀-ɛ.

1 Chɔɔn 3:14

À juo ɛ̍-ɛ à sì dě mɛ̌ɛ di̍i̍ wɛ̀ iě à jɛɛ feɛ, dɛ̍nu̍ɛ, à jbɛɛ à de̍di̍i̍ᵻ. Jɛ nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ, nɛ̀ ɔ̍ nɛ dě mɛ̌ɛ di̍i̍ ke̍.

1 Chɔɔn 3:17

Pò nyɔ̍ pàn da̍a kmɔ̌ la we̍, wɛ̀ ɔ̍ iě ɔ̍ de̍di̍i̍ jě ɔ̍ iě dɛ̍ ɔ̍ nɛ-a blě ka̍-a i̍ pɔ̀n, wɛ̀ ɔ̍ iě wlùh kàà po̍ dǒ ɔ̍ we̍-ɛ, nɛ̀ ka ɔ̍ nu̍ Nyɔsoa-a jbɛɛ dluwe̍ i̍ gba̍-a ɛ?

1 Chɔɔn 3:9

Nyɔ̍-ɔ nu̍ Nyɔsoa-a jǔ wɛ̀ ɔ̍-ɔ gba̍ gblɛ̍n sɔ̀ɛ̀n dluwe̍ i̍, dɛ̍nu̍ɛ, Nyɔsoa-a gblɛ̍n nɛ dě ɔ̍ ja̍a̍. Nɛ̀ ɔ̍ se̍ gblɛ̍n sɔ̀ɛ̀n nu̍-ɛ bɛ̌ɛ, dɛ̍nu̍ɛ, ɔ̍-ɔ Nyɔsoa-a jǔ.

1 Chɔɔn 4:2

Kǎ mɔ̀-a mu̍ ka nyɔ̍ ùh blě-a Nyɔsoa-a Sùù-ɛ i̍ juo-ɛ nu̍. Nyɔ̍ ùh wɔ̌ɛn-a Jusu Klai-a dě nyi̍ɔ̍tu di̍i̍ ji̍-i tìh i̍-ɛ, nɛ̀ u̍h sɔ dě Nyɔsoa we̍.

1 Chɔɔn 4:20

Pò nyɔ̍ la̍ ɔ̍ jbɛɛ Nyɔsoa wɛ̀ ɔ̍ iě ɔ̍ de̍di̍i̍ faɛn-ɛ, nɛ̀ si̍h nyɔ̍ bo. Dɛ̍nu̍ɛ, pò ɔ̍ faɛn ɔ̍ de̍di̍i̍ jɔ ɔ̍ jě-aɛ, nɛ̀ ɔ̍ se̍ Nyɔsoa jɔ ɔ̍-ɔ se̍a jě-ɛ jbɛɛ bɛ̌ɛ.

1 Chɔɔn 4:7

Ǎn tìh kma nyɔ̍, mɔ̀ à jbɛɛ we̍, dɛ̍nu̍ɛ, jbɛɛ sɔ dě Nyɔsoa we̍. Nyɔ̍ jɔ blě-a jbɛɛ-ɛ, nɛ̀ ɔ̍-ɔ Nyɔsoa-a jǔ, iě ɔ̍ juo Nyɔsoa.

1 Chɔɔn 5:18

À juo ɛ̍-ɛ, nyɔ̍ ùh nu̍-a Nyɔsoa-a nynuu̍-ɛ, u̍h-u gba̍ gblɛ̍n sɔ̀ɛ̀n nu̍-ɛ dluwe̍ i̍. Dɛ̍nu̍ɛ, Nyɔsoa-a Jǔ-a gbɛ̀n dǒ u̍h we̍ i̍. Sɔ nɛ̀ Nyɔ̍ Sɔ̀n se̍ u̍h i̍ tǔh-ɛ bɛ̌ɛ.

1 Chɔɔn 5:4

Dɛ̍nu̍ɛ, nyɔ̍ jɔ nu̍-a Nyɔsoa-a jǔ-ɛ, nɛ̀ ɔ̍ sà kmɔ̌-a dɛ̍ᵻ sɔ̀nᵻ klà wɛ̀. Dɛ̍ à du̍ i̍-a kmɔ̌ tu̍h-uɛ, ɛ̍ nu̍ à wlùh gbaɛ.

1 Chɔɔn 5:5

Nyɔ̍ bo ɔ̀ bɛ̌ɛ kmɔ̌-a dɛ̍ᵻ sɔ̀nᵻ klà sà-a ɛ? Nyɔ̍ ɔ̀ po̍-a ɛ̍ tìh chɛ̀ ka Jusu nu̍-a Nyɔsoa-a Jǔ-ɛ, ɔ̍ due gbài̍ ɔ̀ mu̍ ɛ̍ klà sà.