1 Chɔɔn 4:9 - Ku̍o̍ Delee 1999

⁹ Kǎ Nyɔsoa nu̍ ka ɔ̍ jbɛɛ to-ɛ nɔ̌ à nynɛ̌. Ɔ̍ dbo̍ ɔ̍ Jǔ jɔɛ̍ due gbài̍ nɔ̌ kmɔ̌ we̍. Pò à jii ɔ̍-ɛ, wɛ̀ à iě kmɔ̌ nɛ.

1 Chɔɔn 4:9 Iomraidhean Croise

Pɔ̀n Chɛ̀ Maɛ To-a La 12:6

Jɛ nɛ̀ nyɔ̍ due sie-o ke̍ ɔ̍ iě dbo̍. Ɔ̍ chɛ̀-a tìh kma jǔ bo ɔ̍ bɔ̌ɛ dbo̍-ɛ. Ɔ̍ la̍a̍, ‘Ǎn jǔ nɔ̀ɔ̍, u̍h-a mu̍ ɔ̍ dɛ̍ɛ̍ jě.’

Pɔ̀n Chɛ̀ Luu To-a La 4:18

“Joi-a Sùù nɛ ǐn we̍. Dɛ̍nu̍ɛ, ɔ̍ tba̍ ǐn chèɛ̀ iě pɔ̀n chɛ̀-a tìh we̍i̍ bla̍ dě nyɔ̍gbà nyɔ̍ we̍. Ɔ̍ dbo̍ m iě i̍h i̍ sà ka kèi̍ᵻ sèìe-a wɛ̀-ɛ, wɛ̀ iě dɔ̌-nyɔ̍-a i̍ jě-e tìh i̍ sà ke dě u̍h we̍. Wɛ̀ iě nyɔ̍ ùh-a jě-a tìh-ɛ tìh jě-ɛ kɛ̍n sà.

Chɔɔn 10:10

Jlǐ-nyɔ̍ nɔ̀ɔ̍, ɔ̍ ji̍-i ɔ̍ iě nyɔ̍ dbǎ, ɔ̍ iě jlǐ, ɔ̍ iě dɛ̍-ɛ gbɔ̀lɔ. Jɛ mɔ̍ɔ, ǐn ji̍-i wɛ̀ nyɔ̍-a feɛ-a tùlɛ̀ iě wɛ̀n i̍ tba̍-ɛ.

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Chɔɔn 3:16

Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě.

Chɔɔn 3:18

Nyɔ̍ jɔ gbaɛ-a ɔ̍ wlùh-ɛ, nɛ̀ tìh se̍ ɔ̍ gbɛ̍n. Jɛ jɔ se̍-a ɔ̍ wlùh gbaɛ-ɛ, nɛ̀ tìh gbɛ̍n ɔ̍ wɛ̀ se̍e̍, dɛ̍nu̍ɛ, ɔ̍ se̍ Nyɔsoa-a Jǔ due gbài̍ wlùh gbaɛ.

Chɔɔn 5:23

Ɔ̍ nu̍ ɛ̍-ɛ wɛ̀ nyɔ̍ kli̍hgbɛ̍ iě Jǔ la ja̍ tè, ɛ̀ kɔn ba̍ u̍h-a nu̍-a Baa ja̍ tè-ɛ ke-ɛ. Nyɔ̍ ɔ̀ se̍-a Jǔ ja̍ tè-ɛ, nɛ̀ Baa jɔ dbo̍-a Jǔ-a chɛ̀-ɛ bo ɔ̍ se̍ ja̍ tè.

Chɔɔn 6:29

Iě Jusu la̍a̍, “Ɛ̀ nu̍-a Nyɔsoa-a dbo̍ nu̍-ɛɛ, ɛ̍ nu̍ mɔ̀ iě nyɔ̍ ɔ̍ dbo̍-aɛ wlùh gbaɛ.”

Chɔɔn 6:51

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ, ɛ̀ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ. Pò nyɔ̍-o-nyɔ̍ di̍ blèe̍ la-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌. Blèe̍ ǎn mu̍-a to ɛ̀ iě-a kmɔ̌ la ɛ̍ feɛ nu̍-ɛ, ǎn ku̍ bo.”

Chɔɔn 6:57

Baa ɔ̀ nyǐ-a nyɔ̍ feɛ-ɛ ɔ̍ dbo̍ m. Ɔ̍ tìh bo ɛ̀ nɛ-ɛ ǐn kmɔ̌. Nɛ̀ɛ̍, nyɔ̍ jɔ mu̍-a ǎn ku̍ di̍-ɛ, nɛ̀ ǎn mu̍ ɛ̍ nu̍ ɔ̍ iě kmɔ̌ nɛ ke.

Chɔɔn 8:29

Nyɔ̍ ɔ̀ dbo̍-a m-ɛ, ɔ̍ nɛ ǐn we̍. Ɔ̍-ɔ se̍a ǐn gbo̍ka̍a̍ sie, dɛ̍nu̍ɛ, dɛ̍ tè-ea ɔ̍ wlùh i̍-ɛ, ɛ̍ bo ǎn nu̍ ma̍u̍.”

Chɔɔn 8:42

Jusu la̍a̍, “Pò Nyɔsoa nu̍ mɔ̀ Baa de-ɛ, nɛ̀ mɔ̀-a mu̍ ǐn jbɛɛ de, dɛ̍nu̍ɛ, ǐn sɔ dě Nyɔsoa we̍ wɛ̀ ǐn nɛ da̍a. Ǐn se̍ dǒ ǎn chɛ̀-a sɔ̍n kɛ̍n jii, ɔ̍-ɔ bo ɔ̀ dbo̍ m.

Chɔɔn 9:3

Jusu la̍a̍, “Ɔ̍ dɔ̌-ɛ se̍ dě ɔ̍ chɛ̀-a gblɛ̍n sɔ̀ɛ̀n ke ɔ̍ de̍ bei-a gblɛ̍n sɔ̀ɛ̀n we̍ dɛ̍ i̍ po̍. Jɛ ɔ̍ dɔ̌-ɛ wɛ̀ ka Nyɔsoa-a gbǐh-a nu̍-a dbo̍-ɛ, iě nyɔ̍ɔ iě ɛ̍ jě dǒ ɔ̍ pùn.

Wloma 8:32

Ɔ̀ se̍-a ɔ̍ chɛ̀-a Jǔ tɛ̌n tè iě ɔ̍ sà-a ɔ̍ kwlǎ dǒ àɔ̀ kli̍hgbɛ̍ we̍-ɛ, dǒ-o bo ɔ̍ se̍ àɔ̀ dɛ̍ᵻ kli̍hgbɛ̍ nyǐ i̍ mu̍ ke ae?

Iblu 1:5

Dɛ̍nu̍ɛ, Nyɔsoa-a se̍a ka dǎ dě ɔ̍ ǐnchɔ̀-a nyɔ̍ we̍, “Mɔ̀ ǎn Jǔ, sɔ da̍a sèàn blǐ mɔ̍ ìn Baa wɛ̀.” Iě ɔ̍-ɔ se̍a ka nu̍ jɔ la, “Ǎn mu̍ ɔ̍ Baa nu̍, wɛ̀ ɔ̍ iě ǎn Jǔ nu̍.”

1 Chɔɔn 3:16

Tà à juo-ea nyɔ̍-ɔ jbɛɛ dɛ̍ i̍-ɛ dǒ-o la, ɛ̍ nu̍ Jusu Klai sà ɔ̍ feɛ kwlǎ dǒ à we̍. Nɛ̀ à kɔn à iě à feɛ kwlǎ sà ke dǒ à de̍di̍i̍ᵻ we̍.

1 Chɔɔn 4:10

Ɛ̀ la bo ɛ̀ nu̍ jbɛɛ. Ɛ̍ se̍ àɔ̀ mɔ à se̍ Nyɔsoa-a jbɛɛ, jɛ ɔ̍-ɔ bo ɔ̀ jbɛɛ àɔ̀ wɛ̀ ɔ̍ dbo̍ ɔ̍ Jǔ. Dě ɔ̍ Jǔ-a ɔ̍ chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍.

1 Chɔɔn 4:16

Jbɛɛ Nyɔsoa blě-a dǒ à we̍-ɛ, à chɛ̀-a gbǎ juo ɛ̍ i̍ iě à gbaɛ ɛ̍ wlùh. Nyɔsoa mɔ jbɛɛ nɛ̀ nyɔ̍ jɔ nɛ-a dě jbɛɛ di̍i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ dě ɔ̍ ja̍a̍.

1 Chɔɔn 5:11

Nyɔsoa nyǐ à kmɔ̌ sie feɛ dě ɔ̍ Jǔ ja̍a̍. Ɛ̍ bo ɛ̀ nu̍ Nyɔsoa naɛ sàànsi̍i̍h.

1 Chɔɔn 5:13

Mɔ̀ɔ̍ ùh gbaɛ-a Nyɔsoa-a Jǔ wlùh-ɛ, ǎn chlǐh mɔ̀ ɛ̀ la we̍ wɛ̀ mɔ̀ iě ɛ̍ juo ka mɔ̀ blě-a kmɔ̌ sie feɛ-ɛ.