1 Chɔɔn 4:7 - Ku̍o̍ Delee 1999

⁷ Ǎn tìh kma nyɔ̍, mɔ̀ à jbɛɛ we̍, dɛ̍nu̍ɛ, jbɛɛ sɔ dě Nyɔsoa we̍. Nyɔ̍ jɔ blě-a jbɛɛ-ɛ, nɛ̀ ɔ̍-ɔ Nyɔsoa-a jǔ, iě ɔ̍ juo Nyɔsoa.

1 Chɔɔn 4:7 Iomraidhean Croise

Chɔɔn 13:34

Mɔ̀ jbɛɛ we̍, ɛ̍ bo ɛ̀ nu̍ slǔh delee ǎn po̍ mɔ̀. Ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Chɔɔn 17:3

Ɛ̀ nu̍-a kmɔ̌ sie feɛ-ɛ, ɛ̍ nu̍ u̍h iě mɔ̀ due gbài̍ ɔ̀ nu̍-a tìh-a taǐn Nyɔsoa-a juo, ɛ̍ ke Jusu Klai ìn dbo̍-a ke.

1 Kɔwlɛntiɔn 8:3

Jɛ nyɔ̍ ɔ̀ jbɛɛ-a Nyɔsoa-aɛ, nɛ̀ Nyɔsoa juo ɔ̍-ɛ.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

Kelesea 4:9

Jɛ kaka la̍ mɔ̀-a juo la̍ Nyɔsoa. Jɛ chɛ̀ɛ̌chɛ̀-ɛ, Nyɔsoa bo ɔ̀ juo la̍ mɔ̀. Dɛ̍nu̍ mɔ̀-a pɔ̀n dě nyɔsoa-a si̍h naɛ ìh se̍-a gbǐh kɔn, ìh se̍-a dɛ̍ i̍ blaɛ-ɛ we̍ mu̍-ɛ i̍ dode̍ ɛ? Mɔ̀-a pɔ̀n mɔ̀ iě i̍h-a kèi̍ᵻ nu̍ dɛ ae?

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

2 Timote 1:7

Nyɔsoa se̍ ɔ̍ Sùù àɔ̀ nyǐ ɛ̍ iě à slè sà. Jɛ ɔ̍ nyǐ ɛ̍ àɔ̀ wɛ̀ ɛ̍ iě à gbǐh ke, jbɛɛ ke, chɛ̀ i̍ gbɛ̍n-ɛ nyǐ.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Chɔɔn 2:10

Nyɔ̍ ɔ̀ jbɛɛ-a ɔ̍ de̍di̍i̍-ɛ, nɛ̀ ɔ̍-ɔ bo ɔ̀ nɛ dě sɔ̀npli di̍i̍. Nɛ̀ dɛ̍ ɛ̀ iě-a ɔ̍ blu̍ja̍a̍ po̍ dɛ-ɛ, ɛ̍ se̍ nɛ.

1 Chɔɔn 2:29

Pò mɔ̀ juo ɛ̍ ka Klai slɛ̌-a i̍-ɛ, nɛ̀ mɔ̀ juo ɛ̍ ke la̍ sǔh ka nyɔ̍ jɔ ɔ̀ nu̍-a i̍ slɛ̌-dɛ̍-ɛ, nɛ̀ ɔ̍ nu̍-a Nyɔsoa-a jǔ wɛ̀-ɛ.

1 Chɔɔn 2:3

Pò à tè-o Nyɔsoa-a telě i̍-ɛ, nɛ̀ à juo-o dɛ̍ i̍ wɛ̀ ka à juo-a ɔ̍-ɛ.

1 Chɔɔn 2:4

Nɛ̀ pò nyɔ̍ la̍ ɔ̍ juo Nyɔsoa wɛ̀ ɔ̍ se̍-o ɔ̍ telě i̍ tè-ɛ, nɛ̀ nyɔ̍ kaɛn laa̍ si̍h nyɔ̍ bo, iě tìh-a taǐn se̍ dě ɔ̍ ja̍a̍ nɛ.

1 Chɔɔn 2:7

Ǎn tìh kma nyɔ̍, telě la ɛ̀ kɔn tìh ǎn chlǐh-a mɔ̀ we̍-ɛ, ɛ̍ se̍ telě delee. Dɛ̍ soa bo, mɔ̀ wɔ̌n ɛ̍-ɛ se̍e̍ sɔ dě tɔ̀blɔ̍ɔ̍. Telě soa la, ɛ̍ bo ɛ̀ nu̍ wlu̍ mɔ̀ wɔ̌n-a se̍e̍-ɛ.

1 Chɔɔn 3:9

Nyɔ̍-ɔ nu̍ Nyɔsoa-a jǔ wɛ̀ ɔ̍-ɔ gba̍ gblɛ̍n sɔ̀ɛ̀n dluwe̍ i̍, dɛ̍nu̍ɛ, Nyɔsoa-a gblɛ̍n nɛ dě ɔ̍ ja̍a̍. Nɛ̀ ɔ̍ se̍ gblɛ̍n sɔ̀ɛ̀n nu̍-ɛ bɛ̌ɛ, dɛ̍nu̍ɛ, ɔ̍-ɔ Nyɔsoa-a jǔ.

1 Chɔɔn 4:11

Ǎn tìh kma nyɔ̍, pò Nyɔsoa nu̍ ka à-a jbɛɛ-ɛ, nɛ̀ à kɔn à iě we̍ jbɛɛ ke.

1 Chɔɔn 4:12

Nyɔ̍-ɔ se̍a Nyɔsoa jě. Jɛ pò à jbɛɛ we̍-ɛ, nɛ̀ Nyɔsoa nɛ dě à ja̍a̍, iě ɔ̍ jbɛɛ wɛ̀ gblɛ̍ja̍i̍ dě à ja̍a̍.

1 Chɔɔn 4:16

Jbɛɛ Nyɔsoa blě-a dǒ à we̍-ɛ, à chɛ̀-a gbǎ juo ɛ̍ i̍ iě à gbaɛ ɛ̍ wlùh. Nyɔsoa mɔ jbɛɛ nɛ̀ nyɔ̍ jɔ nɛ-a dě jbɛɛ di̍i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ dě ɔ̍ ja̍a̍.

1 Chɔɔn 4:20

Pò nyɔ̍ la̍ ɔ̍ jbɛɛ Nyɔsoa wɛ̀ ɔ̍ iě ɔ̍ de̍di̍i̍ faɛn-ɛ, nɛ̀ si̍h nyɔ̍ bo. Dɛ̍nu̍ɛ, pò ɔ̍ faɛn ɔ̍ de̍di̍i̍ jɔ ɔ̍ jě-aɛ, nɛ̀ ɔ̍ se̍ Nyɔsoa jɔ ɔ̍-ɔ se̍a jě-ɛ jbɛɛ bɛ̌ɛ.

1 Chɔɔn 4:8

Nyɔ̍ jɔ se̍-a jbɛɛ blě-ɛ, nɛ̀ ɔ̍ se̍ Nyɔsoa juo, dɛ̍nu̍ɛ, Nyɔsoa mɔ jbɛɛ.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.

2 Chɔɔn 1:5

Nɛ̀ɛ̍, Nynɔ̌ Chɛ̀, ǐn gbɛ̍n àn bu̍hᵻ i̍, mɔ̀ à iě we̍ jbɛɛ. Ɛ̀ la ɛ̍ se̍ telě delee ǐn se̍ ìn we̍ chlǐh. Jɛ telě à blě-a se̍e̍ sɔ dě tɔ̀blɔ̍ɔ̍-ɛ, ɛ̍-ɛ bo.