1 Chɔɔn 4:4 - Ku̍o̍ Delee 1999

⁴ Ǎn nynuu̍, mɔ̀ɔ̍ nɔ̀ɔ̍, mɔ̀ sɔ dě Nyɔsoa we̍, iě mɔ̀ sà tu̍owli po̍ nyɔ̍-a si̍h naɛ klà. Dɛ̍nu̍ɛ, Nyɔsoa-a Sùù ɛ̀ nɛ-a dě mɔ̀ ja̍a̍-ɛ, ɛ̍ gbǐh ku̍ wɔ̍n ɛ̍ sìì Nyɔ̍ Sɔ̀n jɔ nɛ-a nɔ̌ kmɔ̌ we̍-ɛ.

1 Chɔɔn 4:4 Iomraidhean Croise

Chɔɔn 12:31

Jɛwɛ̀ ɛ̍ nu̍ ti̍ kmɔ̌ la ɛ̍ iě kɛ̀n sà-ɛ. Nɛ̀ ɛ̀ blě-a kmɔ̌ la ɛ̍ wlu̍ kwa̍-ɛ, jɛwɛ̀ tu̍h-a mu̍ ɛ̍ du̍.

Chɔɔn 14:30

Ǐn se̍ dɛ̍ dɔu wlu mu̍ dɛ dě mɔ̀ we̍, dɛ̍nu̍ɛ, ɛ̀ blě-a kmɔ̌ la ɛ̍ wlu̍ kwa̍-ɛ, ɛ̍ ji̍ la̍-ɛ. Ɛ̍ se̍ gbǐh blě dǒ ǐn we̍.

Chɔɔn 16:11

U̍h klǐ-i dǒ tìh-a gbɛ̍n-ɛ dɛ we̍, dɛ̍nu̍ɛ, Nyɔsoa sà ɛ̀ blě-a kmɔ̌ la ɛ̍ wlu̍ kwa̍-ɛ kɛ̀n wɛ̀.

Chɔɔn 17:23

Ǐn nɛ u̍h-u iě ìn nɛ m, wɛ̀ u̍h-a due nɛ-ɛ iě gblɛ̍ja̍i̍ wɛ̀. Wɛ̀ kmɔ̌ iě ɛ̍ juo ka ìn dbo̍-a m, iě ìn jbɛɛ-a u̍h-u ka ìn nu̍-a ǐn jbɛɛ-ɛ.

Wloma 8:31

Ka à mu̍ ka dǎ dǒ ɛ̀ la we̍ ɛ? Pò Nyɔsoa tǐn à we̍-ɛ, nɛ̀ nyɔ̍ bo ɔ̀ bɛ̌ɛ à klà sà-a ɛ?

Wloma 8:37

Iěe, ìh kli̍hgbɛ̍ la i̍h se̍ à i̍ che̍ɛ̍ɛn bɛ̌ɛ. À sìì tu̍h du̍ nyɔ̍-a chɛ̀ wɛ̀ dě ɔ̀ jbɛɛ-a àɔ̀-ɛ ja̍a̍.

1 Kɔwlɛntiɔn 2:12

À se̍ kmɔ̌ we̍ sùù-a tìh i̍ wɔ̌ɛn, jɛ Sùù sɔ-a dě Nyɔsoa we̍-ɛ, ɛ̍ tìh bo à wɔ̌ɛn wɛ̀ ɛ̍ iě kmɔ̌ nɛ à iě dɛ̍ᵻ kli̍hgbɛ̍ Nyɔsoa nyǐ-a àɔ̀-ɛ we̍ i̍ ju̍o̍e.

1 Kɔwlɛntiɔn 6:13

Nyɔ̍ dɔɔ-a mu̍ ka dǎ, “Di̍-dɛ̍ kɔn dǒ kwlǐ we̍, wɛ̀ kwlǐ kɔn dǒ di̍-dɛ̍ we̍.” I̍i̍n, ka ɛ̍ nɛ, jɛ ɛ̍ mu̍ weɛ̍ kɔn wɛ̀ Nyɔsoa iě i̍h nɛ-a sɔɔ̌n-ɛ gbɔ̀lɔ. Nyɔ̍-a ku̍ se̍ dǒ gbǎn nu̍-ɛ we̍ kɔn. Ɛ̍ kɔn dǒ Joi Jusu we̍, wɛ̀ Joi kɔn ɛ̍ wlu̍ i̍.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

2 Kɔwlɛntiɔn 6:16

Ka Nyɔsoa-a slaǎ sà gbò ke kwɛ̍i̍n gbo̍ᵻá mu̍ wlu̍ i̍ wɔɛ̌ɛn-ɛ nu̍ ɛ? À-a bo à nu̍ kmɔ̌ nɛ Nyɔsoa-a slaǎ sà gbò. Nyɔsoa-a chɛ̀ la̍a̍, “Ǎn mu̍ dě ǎn nyɔ̍ nynɛ̌ tǐn, wɛ̀ iě u̍h nynɛ̌ i̍ na. Ǎn mu̍ u̍h-a Nyɔsoa nu̍, wɛ̀ u̍h iě ǎn nyɔ̍ nu̍.”

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

Ɛfɛsɔ 3:17

Wɛ̀ Klai iě dě mɔ̀ wlùh di̍i̍ tǐn dǒ mɔ̀-a wlùh gbaɛ blě-ɛ we̍. Ǎn ba̍le Nyɔsoa wɛ̀ jbɛɛ iě mɔ̀-a blǔh nu̍ mɔ̀ iě ɛ̍ sɛ̌n kɛ̍n poe, wɛ̀ mɔ̀ iě i̍ ku̍.

Ɛfɛsɔ 6:10

Ɛ̍ bɔ̌ɛ-aoɛ, mɔ̀ po̍-e gbǐh dě mɔ̀ ke Joi-a due nɛ-ɛ di̍i̍ dǒ ɔ̍ kmu-u gbǐh we̍.

1 Chɔɔn 2:1

Ǎn nynuu̍, ǎn chlǐh mɔ̀ ɛ̀ la we̍ wɛ̀ mɔ̀-ɔ je̍e gblɛ̍n sɔ̀ɛ̀n nu̍. Jɛ pò mɔ̀-a nyɔ̍ nu̍ gblɛ̍n sɔ̀ɛ̀n-ɛ, à blě à we̍ gbǎ nyɔ̍ dě Baa Nyɔsoa we̍. Ɔ̍ bo ɔ̀ nu̍-a Jusu Klai ɔ̀ slɛ̌-a i̍-ɛ.

1 Chɔɔn 2:13

Baaᵻ, ǎn chlǐh mɔ̀ we̍, dɛ̍nu̍ɛ, mɔ̀ juo nyɔ̍ ɔ̀ sɔ-a dě tɔ̀blɔ̍ɔ̍-ɛ. Nynuu̍gbèè, ǎn chlǐh mɔ̀ we̍, dɛ̍nu̍ɛ, mɔ̀ sà Nyɔ̍ Sɔ̀n klà wɛ̀.

1 Chɔɔn 3:20

Pò à chɛ̀-a wlùh sà à kɛ̀n-ɛ, jɛ Nyɔsoa ku̍ wɔ̍n ɔ̍ sìì à wlùh, iě ɔ̍ juo dɛ̍ᵻ kli̍hgbɛ̍.

1 Chɔɔn 3:24

Nyɔ̍ jɔ tè-ao Nyɔsoa-a telě i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ ɔ̍-ɔ. Nyɔsoa-a Sùù ɔ̍ nyǐ-a àɔ̀-ɛ bo ɛ̀ nu̍ ɛ̍ iě à juo-o dɛ̍ i̍ ka ɔ̍ nɛ-a dě à ja̍a̍-ɛ.

1 Chɔɔn 4:13

Nyɔsoa nyǐ àɔ̀ ɔ̍ Sùù. Ɛ̍ bo ɛ̀ nu̍ ɛ̍ iě à juo-o dɛ̍ i̍ ka à nɛ-a dě ɔ̍ ja̍a̍ wɛ̀ ɔ̍ nɛ-a dě à ja̍a̍-ɛ.

1 Chɔɔn 4:16

Jbɛɛ Nyɔsoa blě-a dǒ à we̍-ɛ, à chɛ̀-a gbǎ juo ɛ̍ i̍ iě à gbaɛ ɛ̍ wlùh. Nyɔsoa mɔ jbɛɛ nɛ̀ nyɔ̍ jɔ nɛ-a dě jbɛɛ di̍i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ dě ɔ̍ ja̍a̍.

1 Chɔɔn 4:6

Jɛ àɔ̀ nɔ̀ɔ̍, à sɔ dě Nyɔsoa we̍. Nyɔ̍ juh juo-a Nyɔsoa-ɛ, nɛ̀ u̍h-a po̍ nɔ̌ àɔ̀ we̍ dounᵻ. Jɛ nyɔ̍ ùh se̍-a dě Nyɔsoa we̍ sɔ-ɛ, nɛ̀ u̍h-u po̍ nɔ̌ àɔ̀ we̍ dounᵻ. Dǒ à ju̍o̍e tìh-a taǐn sùù ke ɛ̍ si̍h naɛ we̍ i̍.

1 Chɔɔn 5:19

À juo ɛ̍-ɛ, àɔ̀ nɔ̀ɔ̍, à sɔ dě Nyɔsoa we̍, jɛ kmɔ̌ gbài̍ la Nyɔ̍ Sɔ̀n bo ɔ̀ kɔn ɛ̍ wlu̍ i̍.

1 Chɔɔn 5:4

Dɛ̍nu̍ɛ, nyɔ̍ jɔ nu̍-a Nyɔsoa-a jǔ-ɛ, nɛ̀ ɔ̍ sà kmɔ̌-a dɛ̍ᵻ sɔ̀nᵻ klà wɛ̀. Dɛ̍ à du̍ i̍-a kmɔ̌ tu̍h-uɛ, ɛ̍ nu̍ à wlùh gbaɛ.

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.