1 Chɔɔn 4:21 - Ku̍o̍ Delee 1999

²¹ Telě la bo Nyɔsoa nyǐ àɔ̀. Ɔ̍ la̍ nyɔ̍ jɔ jbɛɛ-a ɔ̍-ɛ, nɛ̀ ɔ̍ kɔn ɔ̍ iě ɔ̍ de̍di̍i̍ jbɛɛ ke.

1 Chɔɔn 4:21 Iomraidhean Croise

Matio 5:43

Ɔ̍ la̍a̍, “Mɔ̀ wɔ̌n i̍h u̍h la̍a̍, ‘Jbɛɛ ìn pònyɔ̍, jɛ faɛn àn nyɛ̌-nyɔ̍.’

Pɔ̀n Chɛ̀ Luu To-a La 10:37

Wɛ̀ telě nǎ poe nyɔ̍ la̍a̍, “Jɔ jě-a ɔ̍ wɔɛ-ɛ bo.” Wɛ̀ Jusu la̍a̍ dě ɔ̍ we̍, “Mu̍ ìè ɛ̍ ba̍ nu̍ ke.”

Chɔɔn 15:12

Ɛ̀ la bo ɛ̀ nu̍ ǎn telě, ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Kelesea 5:14

Dɛ̍nu̍ɛ, telě kli̍hgbɛ̍ gbǎ dě telě due la di̍i̍, ɛ̍ la̍a̍, “Jbɛɛ ìn pònyɔ̍ ka àn chɛ̀-ɛ.”

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

1 Tɛsoloniɔn 4:9

Nyɔ̍-o-nyɔ̍ se̍ kɔn ɔ̍ iě mɔ̀ we̍ chlǐh dǒ mɔ̀ de̍di̍i̍ᵻ jbɛɛ dɛ we̍. Dɛ̍nu̍ɛ, mɔ̀ɔ̍ bo Nyɔsoa po̍ nǎ wɛ̀ dǒ we̍ jbɛɛ dɛ we̍.

1 Pitɛ 3:8

Nɛ̀ɛ̍, mɔ̀ kli̍hgbɛ̍ mɔ̀ blě wlùh due, mɔ̀-a ku̍-a chlɛ̌n-ɛ iě due nɛ. Mɔ̀ jbɛɛ mɔ̀ ba̍ᵻ Nyɔsoa nyɔ̍-ɔ, nɛ̀ mɔ̀ nmɔ gblɛ̍n-ɛ, mɔ̀ bɔ̌ mɔ̀-a chɛ̀ i̍ bɛ̌-ɛ.

1 Pitɛ 4:8

Mɔ̀-a we̍ jbɛɛ-ɛ bo ɛ̀ iě i̍ tìè, ɛ̍ iě dɛ̍ᵻ kli̍hgbɛ̍ sìì. Dɛ̍nu̍ɛ, jbɛɛ-ɛ bo ɛ̀ kaɛn gblɛ̍n sɔ̀ɛ̀n dɔu kɛ̍n.

1 Chɔɔn 2:7

Ǎn tìh kma nyɔ̍, telě la ɛ̀ kɔn tìh ǎn chlǐh-a mɔ̀ we̍-ɛ, ɛ̍ se̍ telě delee. Dɛ̍ soa bo, mɔ̀ wɔ̌n ɛ̍-ɛ se̍e̍ sɔ dě tɔ̀blɔ̍ɔ̍. Telě soa la, ɛ̍ bo ɛ̀ nu̍ wlu̍ mɔ̀ wɔ̌n-a se̍e̍-ɛ.

1 Chɔɔn 3:11

Ɛ̀ nu̍-a tu̍owli mɔ̀ sà-a wɔ̌n-ɛ dě tɔ̀blɔ̍ɔ̍-ɛ, ɛ̍ nu̍, à iě we̍ jbɛɛ.

1 Chɔɔn 3:14

À juo ɛ̍-ɛ à sì dě mɛ̌ɛ di̍i̍ wɛ̀ iě à jɛɛ feɛ, dɛ̍nu̍ɛ, à jbɛɛ à de̍di̍i̍ᵻ. Jɛ nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ, nɛ̀ ɔ̍ nɛ dě mɛ̌ɛ di̍i̍ ke̍.

1 Chɔɔn 3:18

Nɛ̀ɛ̍, ǎn nynuu̍, à jbɛɛ-ɛ bɔ̌ dǒ wɔ̍i̍n nɛ-ɛ sǔh. Jɛ mɔ̀ à nu̍ ɛ̍ sɔ̍nᵻ dě tìh-a taǐn di̍i̍.

1 Chɔɔn 3:23

Ɔ̍ telě-a chɛ̀ nu̍, à gbaɛ ɔ̍ Jǔ Jusu Klai wlùh, à iě we̍ jbɛɛ. Kǎ ɔ̍ nu̍ à wlùh sèàɛ̍.

1 Chɔɔn 4:11

Ǎn tìh kma nyɔ̍, pò Nyɔsoa nu̍ ka à-a jbɛɛ-ɛ, nɛ̀ à kɔn à iě we̍ jbɛɛ ke.