1 Chɔɔn 4:17 - Ku̍o̍ Delee 1999

¹⁷ Ti̍ jbɛɛ-a mu̍-a gblɛ̍ja̍i̍ wɛ̀ nɔ̌ à nynɛ̌-ɛ, nɛ̀ à mu̍ faɔn wɛ̀ dǒ sàwi̍h sì weɛ̍ di̍i̍. Dɛ̍nu̍ɛ, ka Klai nɛ-aɛ, nɛ̀ kǎ à nɛ wɛ̀ ke nɔ̌ kmɔ̌ la we̍.

1 Chɔɔn 4:17 Iomraidhean Croise

Matio 10:15

Ǎn sèàɛ̍ mɔ̀ wlùh, ti̍ ɛ̍ mu̍-a sàwi̍h sì ti̍ nu̍-ɛ, Nyɔsoa-a mu̍ Sɔdɔm ke Kɔmowla wlɔ̀ᵻ wɔɛ jě ɛ̍ iě wlɔ̀ laa̍ sìì.”

Matio 10:25

Ɛ̍ mu̍ i̍ blaɛ sǔh sùku̍u̍ jǔ iě ɔ̍ nǎ po̍ nyɔ̍ wɔ̀, wɛ̀ pòi̍ju iě ɔ̍ dlǔtu wɔ̀. Nyɔ̍ ɔ̀ nu̍-a gbò-a dlǔtu-ɛ, pò u̍h ja ɔ̍ jeědih-a dlǔtu Biɛsibo dǎɛ-ɛ, nɛ̀ à ji̍ gbò kli̍hgbɛ̍-a chɛ̀ jě lě.”

Matio 11:22

Jɛ ǎn sèàɛ̍ mɔ̀ wlùh, ti̍ ɛ̍ mu̍-a sàwi̍h sì ti̍ nu̍-ɛ, nɛ̀ Nyɔsoa-a mu̍ Taiɛ ke Saidɔn wlɔ̀ᵻ wɔɛ jě ɛ̍ iě mɔ̀ sìì.

Matio 11:24

Ǎn sèàɛ̍ mɔ̀ wlùh, ti̍ ɛ̍ mu̍-a sàwi̍h sì ti̍ nu̍-ɛ, Nyɔsoa-a mu̍ Sɔdɔm wlɔ̀ wɔɛ jě ɛ̍ iě ìn sìì.”

Matio 12:36

“Jɛ bɔ̌ ǐn sèàɛ̍ mɔ̀ wlùh, ti̍ ɛ̍ mu̍-a sàwi̍h sì ti̍ nu̍ dǒ Nyɔsoa jǔ-ɛ, nyɔ̍ kli̍hgbɛ̍-a mu̍ tìh we̍ i̍ sèàɛ̍ dǒ se̍o̍nɛ kli̍hgbɛ̍ u̍h bla̍-a we̍.

Chɔɔn 15:20

Dɛ̍ ǐn sà-a dě mɔ̀ we̍-ɛ, ɛ̍ bo mɔ̀ iě wlùh we̍ nu̍. Na̍a̍, ‘Pòi̍ju-u ku̍ wɔ̍n ɔ̍-ɔ sìì ɔ̍ dlǔtu.’ Ka u̍h jě-ea ǐn klě-ɛ, nɛ̀ u̍h-a mu̍ mɔ̀ klě jě-e ke. Ka u̍h nu̍-a ǎn wlu̍-ɛ, nɛ̀ kǎ u̍h-a mu̍ mɔ̀-a wlu̍ nu̍ ke.

Chɔɔn 17:22

Nynɛ̌-a i̍ bɛ̌-ɛ ìn nyǐ-a m-ɛ, ǐn nyǐ ɛ̍ u̍h wɛ̀, wɛ̀ u̍h iě due nɛ ka ìn ke ǐn ke à nu̍-a due nɛ-ɛ.

Wloma 8:29

Nyɔ̍ ùh Nyɔsoa tba̍-a chèɛ̀ se̍e̍-ɛ, ɔ̍ tè u̍h pɔ̌ wɛ̀ u̍h iě ɔ̍ Jǔ wɔ̀, wɛ̀ ɔ̍ iě sàì Jǔ nu̍ dě de̍di̍i̍ᵻ dɔu nynɛ̌.

Iblu 9:27

Nyi̍ɔ̍-a mɛ̌ɛ nɛ due gbài̍ sǔh kleǐn, nɛ̀ sàwi̍h sì-ɛ tba̍ ɔ̍ wɔ̍n.

Chiin 2:13

Dɛ̍nu̍ɛ, ti̍ sàwi̍h-a mu̍-a sì-ɛ dǒ Nyɔsoa jǔ-ɛ, nɛ̀ ɔ̍ se̍ nyɔ̍ se̍-a wɔɛ kɔn-ɛ wɔɛ jě mu̍. Jɛ wɔɛ jǎ dǒ sàwi̍h dlǔ.

Chiin 2:22

Àn jě-e, kǎ ɔ̍ wlùh gbaɛ ke ɔ̍ nu̍-dɛ̍ᵻ nu̍ we̍ nɛ̍aɛ. Ɔ̍ wlùh gbaɛ wɛ̀ kwlǎ dǒ ɔ̍ nu̍-dɛ̍ᵻ we̍.

2 Pitɛ 2:9

Ka ɛ̍ nɛ-a ka-ɛ, nɛ̀ Joi juo ka ɔ̍ iě-a ɔ̍ nyɔ̍ sèìe-ɛ nu̍-ɛ. Wɛ̀ ɔ̍ juo ka ɔ̍ iě-a se̍ i̍ slɛ̌-nyɔ̍ kàn gbɛ̍n-ɛ nu̍ wɛ̀ ɔ̍ iě-a u̍h kwa̍ kɛ̍n tè te̍e̍ ɛ̍ iě-a sàwi̍h sì ti̍ jɛɛ-ɛ.

2 Pitɛ 3:7

Jɛ Nyɔsoa-a wlu̍ due laa̍ bo ɛ̀ nu̍ ɛ̍ wɛ̀ blǔh ke ja̍u̍n ìh nɛ-a ka kmɔ̌-ɛ, iě nɛ̍ tè ka i̍h de̍e̍ i̍ wɛ̀ ɛ̍ iě se̍ Nyɔsoa dɛ-ɛ nɛ nyɔ̍-a sàwi̍h sì weɛ̍ jɛɛ, wɛ̀ u̍h iě-e gbɔ̀lɔ.

1 Chɔɔn 2:28

Nɛ̀ɛ̍, ǎn nynuu̍, mɔ̀ nɛ dě ɔ̍ ja̍a̍, wɛ̀ ti̍ ɔ̍ mu̍-a à kɛ̍n wlǔh-iɛ, wɛ̀ à iě faɔn wɛ̀. Iě tɛ̀n-ɛ je̍e à nu̍, wɛ̀ à-a je̍e sìle dǒ ɔ̍ ji̍ la̍-a.

1 Chɔɔn 2:5

Jɛ nyɔ̍ ɔ̀ nu̍-a ɔ̍ wlu̍-ɛ, nɛ̀ ɔ̍-ɔ bo ɔ̀ kɔn Nyɔsoa-a jbɛɛ-ɛ wɛ̀ gblɛ̍ja̍i̍ wɛ̀. Pò ɛ̍ nɛ ka-ɛ, nɛ̀ à juo-o dɛ̍ i̍ wɛ̀ ka à nɛ-a dě Nyɔsoa ja̍a̍-ɛ.

1 Chɔɔn 2:6

Nyɔ̍ ɔ̀ la̍ ɔ̀ nɛ-a dě Nyɔsoa ja̍a̍-ɛ, nɛ̀ ɔ̍ kɔn ɔ̍ iě Jusu Klai-a dɛ̍ na.

1 Chɔɔn 3:1

Mɔ̀ jě ka Baa Nyɔsoa nu̍-a à tìh kma-a kaa̍-ɛ. Ɛ̍ tìh ɔ̍ dǎɛ àɔ̀ ɔ̍ nynuu̍. Àɔ̀ Nyɔsoa-a nynuu̍, ɛ̍ kɔn kmɔ̌ se̍ à juo, dɛ̍nu̍ɛ, ɛ̍ se̍ ɔ̍ juo.

1 Chɔɔn 3:3

Nyɔ̍ jɔ tè-a Nyɔsoa wlì ɛ̀ la ɛ̍ tìh-ɛ, nɛ̀ ka Klai nu̍-a wlaǎwla nɛ-ɛɛ, kǎ ɔ̍ nu̍ ɔ̍ chɛ̀-a wlaǎwla nu̍-ɛ wɛ̀ ke.

1 Chɔɔn 3:7

Ǎn nynuu̍, mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ. Nyɔ̍ jɔ nu̍-a i̍ slɛ̌-dɛ̍-ɛ, nɛ̀ ka Klai nu̍-a i̍ slɛ̌-ɛɛ, nɛ̀ kǎ ɔ̍ nɛ wɛ̀ ke.

1 Chɔɔn 4:12

Nyɔ̍-ɔ se̍a Nyɔsoa jě. Jɛ pò à jbɛɛ we̍-ɛ, nɛ̀ Nyɔsoa nɛ dě à ja̍a̍, iě ɔ̍ jbɛɛ wɛ̀ gblɛ̍ja̍i̍ dě à ja̍a̍.