1 Chɔɔn 4:16 - Ku̍o̍ Delee 1999

¹⁶ Jbɛɛ Nyɔsoa blě-a dǒ à we̍-ɛ, à chɛ̀-a gbǎ juo ɛ̍ i̍ iě à gbaɛ ɛ̍ wlùh. Nyɔsoa mɔ jbɛɛ nɛ̀ nyɔ̍ jɔ nɛ-a dě jbɛɛ di̍i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ dě ɔ̍ ja̍a̍.

1 Chɔɔn 4:16 Iomraidhean Croise

Chɔɔn 6:69

À gbaɛ ìn wlùh wɛ̀, iě à juo ɛ̍ ka ìn nu̍-a Nɛi̍ Wɛ̀ Nyɔ̍ ìn sɔ-a dě Nyɔsoa we̍-ɛ.”

Chɔɔn 9:3

Jusu la̍a̍, “Ɔ̍ dɔ̌-ɛ se̍ dě ɔ̍ chɛ̀-a gblɛ̍n sɔ̀ɛ̀n ke ɔ̍ de̍ bei-a gblɛ̍n sɔ̀ɛ̀n we̍ dɛ̍ i̍ po̍. Jɛ ɔ̍ dɔ̌-ɛ wɛ̀ ka Nyɔsoa-a gbǐh-a nu̍-a dbo̍-ɛ, iě nyɔ̍ɔ iě ɛ̍ jě dǒ ɔ̍ pùn.

1 Kɔwlɛntiɔn 2:9

Jɛ Nyɔsoa-a wlu̍ la̍a̍, “Dɛ̍ ɛ̀ jlǐhɛ̍ se̍-a jě, dounᵻ se̍-a wɔ̌n, wɛ̀ nyɔ̍ se̍-a wlùh kɛ̍n tè ɛ̀ iě-a nɛ-ɛ, ɛ̍ bo Nyɔsoa po̍ gba̍a̍ dǒ nyɔ̍ ùh jbɛɛ-a ɔ̍-ɛ we̍.”

1 Chɔɔn 3:1

Mɔ̀ jě ka Baa Nyɔsoa nu̍-a à tìh kma-a kaa̍-ɛ. Ɛ̍ tìh ɔ̍ dǎɛ àɔ̀ ɔ̍ nynuu̍. Àɔ̀ Nyɔsoa-a nynuu̍, ɛ̍ kɔn kmɔ̌ se̍ à juo, dɛ̍nu̍ɛ, ɛ̍ se̍ ɔ̍ juo.

1 Chɔɔn 3:16

Tà à juo-ea nyɔ̍-ɔ jbɛɛ dɛ̍ i̍-ɛ dǒ-o la, ɛ̍ nu̍ Jusu Klai sà ɔ̍ feɛ kwlǎ dǒ à we̍. Nɛ̀ à kɔn à iě à feɛ kwlǎ sà ke dǒ à de̍di̍i̍ᵻ we̍.

1 Chɔɔn 3:24

Nyɔ̍ jɔ tè-ao Nyɔsoa-a telě i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ ɔ̍-ɔ. Nyɔsoa-a Sùù ɔ̍ nyǐ-a àɔ̀-ɛ bo ɛ̀ nu̍ ɛ̍ iě à juo-o dɛ̍ i̍ ka ɔ̍ nɛ-a dě à ja̍a̍-ɛ.

1 Chɔɔn 4:7

Ǎn tìh kma nyɔ̍, mɔ̀ à jbɛɛ we̍, dɛ̍nu̍ɛ, jbɛɛ sɔ dě Nyɔsoa we̍. Nyɔ̍ jɔ blě-a jbɛɛ-ɛ, nɛ̀ ɔ̍-ɔ Nyɔsoa-a jǔ, iě ɔ̍ juo Nyɔsoa.