1 Chɔɔn 4:14 - Ku̍o̍ Delee 1999

¹⁴ À jě ɛ̍ iě à sèàɛ̍ nyɔ̍ɔ wlùh ka Baa Nyɔsoa dbo̍-a ɔ̍ Jǔ ɔ̍ iě-a kmɔ̌ la ɛ̍ Sèìe Nyɔ̍ nu̍-ɛ.

1 Chɔɔn 4:14 Iomraidhean Croise

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Chɔɔn 1:29

Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.

Chɔɔn 10:36

Jɛ nɛ̀ mɔ̍ jɔ Baa Nyɔsoa tè-a tɛ̌n wɛ̀ ɔ̍ dbo̍-a nɔ̌ kmɔ̌ we̍-ɛ, nɛ̀ pò na̍ mɔ̍ ɔ̍ Jǔ-ɛ, nɛ̀ dɛ̍ bo ɛ̀ nu̍ ɔ̍ wɔ̍n blaɛ dɛ ǐn nu̍ ɛ?

Chɔɔn 12:47

Pò nyɔ̍-o-nyɔ̍ wɔ̌n ǎn wlu̍ wɛ̀ ɔ̍ se̍ ɛ̍ nu̍-ɛ, ǐn se̍ ɔ̍ tìh gbɛ̍n-ɛ mu̍. Dɛ̍nu̍ɛ, ǐn se̍ ji̍ iě kmɔ̌ tìh gbɛ̍n-ɛ, jɛ ǐn ji̍-i wɛ̀ iě ɛ̍ sèìe.

Chɔɔn 3:11

Tìh-a taǐn ǎn sèàɛ̍ ìn wlùh, dɛ̍ à juo-aɛ, ɛ̍ bo à sà-a. Dɛ̍ à jě-aɛ, ɛ̍ kɔn sàànsi̍i̍h bo à nu̍. Jɛ mɔ̀-a sà à wlu̍ dounᵻ i̍.

Chɔɔn 3:32

Dɛ̍ ɔ̍ wɔ̌n-a wɛ̀ ɔ̍ gba̍-a jlǐhɛ̍ pùn-ɛ, ɛ̍ kɔn sàànsi̍i̍h bo ɔ̍ nu̍. Jɛ nyɔ̍ se̍ ɔ̍ wlu̍ tìh dǎɛ.

Chɔɔn 3:34

Nɛ̀ nyɔ̍ ɔ̀ Nyɔsoa dbo̍-aɛ, Nyɔsoa-a wlu̍ bo ɔ̍ wlu-i, dɛ̍nu̍ɛ, Nyɔsoa se̍ ɔ̍ Sùù-a kwlǎgbàì nyǐ.

Chɔɔn 4:42

Iě u̍h la̍a̍ dě nynɔ̌ laa̍ we̍, “Ɛ̍ se̍ àn wlu̍-a tìh à se̍ wlùh gbaɛ-ɛ blě dɛ o, jɛ à chɛ̀ wɔ̌n ɔ̍ wlu̍ wɛ̀, iě à juo dɛ̍ i̍ ka ɔ̍ nu̍-a kmɔ̌ la ɛ̍ Sèìe Nyɔ̍ chɛ̀ɛ̌chɛ̀-ɛ.”

Chɔɔn 5:39

Nyɔsoa-a wlu̍ bo mɔ̀-a slè-e wlùh i̍, dɛ̍nu̍ɛ, mɔ̀ jajeɛ̍ dě i̍h di̍i̍ mɔ̀-a mu̍ kmɔ̌ sie feɛ jě-e. I̍h-a chɛ̀ bo ìh nu̍ ǎn sàànsi̍i̍h.

Nu̍-dɛ̍ᵻ 18:5

Ti̍ Sale ke Timote sɔ-a Mɛsedonia fɔɔ u̍h sǐ-a wlɔ̀ i̍-ɛ, sɔ Nyɔsoa-a tìh bla̍-a bo Pɔɔ tè-o jua̍i̍ wɛ̀ sǔh. Ɔ̍ sèàɛ̍ Juu nyɔ̍ wlùh te̍gbe̍i̍n ka Jusu bo ɔ̀ nu̍-a Nyɔsoa-a Chèɛ̀ Tba̍ju-ɛ.

1 Pitɛ 5:12

Sale ɔ̀ nu̍-a ǐn de̍di̍i̍ ǐn gbaɛ-a wlùh-ɛ, ɔ̍ bo ɔ̀ gbǎ ǐn we̍ wɛ̀ ǐn chlǐh mɔ̀ chlǐh-dɛ̍ tile la we̍. Ǎn pɔ̀n iě mɔ̀-a wlùh fùka wɛ̀ mɔ̀ iě ɛ̍ juo ka ɛ̀ la ɛ̍ nu̍-a Nyɔsoa-a tìh-a taǐn blɛ-ɛ. Mɔ̀ ku̍-e i̍ dě ɛ̍ di̍i̍.

1 Chɔɔn 4:10

Ɛ̀ la bo ɛ̀ nu̍ jbɛɛ. Ɛ̍ se̍ àɔ̀ mɔ à se̍ Nyɔsoa-a jbɛɛ, jɛ ɔ̍-ɔ bo ɔ̀ jbɛɛ àɔ̀ wɛ̀ ɔ̍ dbo̍ ɔ̍ Jǔ. Dě ɔ̍ Jǔ-a ɔ̍ chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍.

1 Chɔɔn 5:9

À wɔ̌ɛn nyi̍ɔ̍-a sàànsi̍i̍h dɛ we̍, jɛ Nyɔsoa naɛ sàànsi̍i̍h ɔ̍ nu̍-aɛ bo ɛ̀ ku̍ wɔ̍n ɛ̀ sìì nyi̍ɔ̍ naɛ. Dɛ̍nu̍ɛ, ɔ̍-ɔ bo ɔ̀ nu̍ sàànsi̍i̍h dǒ ɔ̍ Jǔ we̍.