1 Chɔɔn 4:10 - Ku̍o̍ Delee 1999

¹⁰ Ɛ̀ la bo ɛ̀ nu̍ jbɛɛ. Ɛ̍ se̍ àɔ̀ mɔ à se̍ Nyɔsoa-a jbɛɛ, jɛ ɔ̍-ɔ bo ɔ̀ jbɛɛ àɔ̀ wɛ̀ ɔ̍ dbo̍ ɔ̍ Jǔ. Dě ɔ̍ Jǔ-a ɔ̍ chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍.

1 Chɔɔn 4:10 Iomraidhean Croise

Chɔɔn 13:34

Mɔ̀ jbɛɛ we̍, ɛ̍ bo ɛ̀ nu̍ slǔh delee ǎn po̍ mɔ̀. Ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Chɔɔn 15:16

Mɔ̀ se̍ ǐn chèɛ̀ tba̍, mɔ̍ bo ɔ̀ tba̍ mɔ̀ chèɛ̀ iě ǐn dbo̍ mɔ̀ mɔ̀ iě buǒᵻ ìh se̍-a jii̍ nyni la̍ kɔn-ɛ po̍. Nɛ̀ pò mɔ̀ jbǎ-ɛ Baa dɛ̍ dǒ ǎn nynɛ̌ kɛ̍n-ɛ, nɛ̀ ɔ̍ mu̍ ɛ̍ mɔ̀ nyǐ.

Chɔɔn 3:16

Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě.

Chɔɔn 6:51

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ, ɛ̀ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ. Pò nyɔ̍-o-nyɔ̍ di̍ blèe̍ la-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌. Blèe̍ ǎn mu̍-a to ɛ̀ iě-a kmɔ̌ la ɛ̍ feɛ nu̍-ɛ, ǎn ku̍ bo.”

Iblu 2:17

Ɛ̍ kɔn ka ɔ̍ de̍di̍i̍ᵻ nɛ-aɛ, nɛ̀ ɔ̍ kɔn ɔ̍ iě laǎn nɛ ke tà kli̍hgbɛ̍. Ɔ̍ nu̍ ɛ̍-ɛ, wɛ̀ ɔ̍ iě u̍h-a Slaǎ Sà Nyɔ̍-a Dlǔtu nu̍ ɔ̀ kɔn-a wɔɛ iě ɔ̀ nu̍-a wlì tè nyɔ̍ dě Nyɔsoa jǔ dbee dɛ di̍i̍-ɛ. Wɛ̀ ɔ̍ nu̍ ɛ̍ iě nyɔ̍ɔ-a gblɛ̍n sɔ̀ɛ̀n-a tìh tǎli-ɛ i̍.

1 Pitɛ 2:24

Klai tù à gblɛ̍n sɔ̀ɛ̀n dǒ ɔ̍ chɛ̀ pùn wɛ̀ ɔ̍ gba̍ i̍h dǒ gbàɛ̍ kɛ̍n i̍ tu̍ wlì. Ɔ̍ nu̍ ɛ̍-ɛ à ke gblɛ̍n sɔ̀ɛ̀n-a wloa̍ iě chɛn, wɛ̀ à iě dě i̍ slɛ̌-ɛ kmɔ̌ di̍i̍ nɛ. Ɔ̍ dɛ̍ᵻá i̍ tbaɛ bo ɛ̀ pǔh-i mɔ̀.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

1 Chɔɔn 2:2

Dě Klai-a chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍. Ɛ̍ se̍ à nɛ due-a gblɛ̍n sɔ̀ɛ̀n-a tìh, jɛ kmɔ̌ kli̍hgbɛ̍-a gblɛ̍n sɔ̀ɛ̀n-a tìh bo ìh tǎli-ɛ i̍.

1 Chɔɔn 3:1

Mɔ̀ jě ka Baa Nyɔsoa nu̍-a à tìh kma-a kaa̍-ɛ. Ɛ̍ tìh ɔ̍ dǎɛ àɔ̀ ɔ̍ nynuu̍. Àɔ̀ Nyɔsoa-a nynuu̍, ɛ̍ kɔn kmɔ̌ se̍ à juo, dɛ̍nu̍ɛ, ɛ̍ se̍ ɔ̍ juo.

1 Chɔɔn 4:19

À jbɛɛ, dɛ̍nu̍ɛ, Nyɔsoa bo ɔ̀ jbɛɛ àɔ̀ sàǐtòò.

1 Chɔɔn 5:11

Nyɔsoa nyǐ à kmɔ̌ sie feɛ dě ɔ̍ Jǔ ja̍a̍. Ɛ̍ bo ɛ̀ nu̍ Nyɔsoa naɛ sàànsi̍i̍h.