1 Chɔɔn 3:8 - Ku̍o̍ Delee 1999

⁸ Nyɔ̍ jɔ gba̍-a gblɛ̍n sɔ̀ɛ̀n dluwe̍ i̍-ɛ, nɛ̀ ɔ̍ kɔn dǒ Kǔ we̍. Dɛ̍nu̍ɛ, Kǔ sà gblɛ̍n sɔ̀ɛ̀n nu̍-ɛ dě tɔ̀blɔ̍ɔ̍. Ɛ̍ kɔn Nyɔsoa-a Jǔ ji̍ wɛ̀ ɔ̍ iě Kǔ-a nu̍-dɛ̍ᵻ i̍ gbɔ̀lɔ.

1 Chɔɔn 3:8 Iomraidhean Croise

Matio 12:28

Jɛ pò ɛ̍ tù Nyɔsoa-a Sùù-a gbǐh iě jeědih i̍ nui-ɛ, nɛ̀ mɔ̀ juo ɛ̍ ka Nyɔsoa-a kmɔ̌ wlu̍ i̍ kɔn-ɛ nɛ-a da̍a mɔ̀ we̍ wɛ̀-ɛ.

Matio 13:38

Klè bo ɛ̀ nu̍ kmɔ̌, nɛ̀ dɛ̍ᵻ jɔ̌ chɛ̀ laa̍ bo ìh nu̍ nyɔ̍ ùh kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ. Pei laa̍ bo ìh nu̍ nyɔ̍ ùh kɔn-a dǒ Nyɔ̍ Sɔ̀n laa̍ we̍-ɛ.

Matio 4:3

Wɛ̀ Kǔ ji̍ iě ɛ̍ la̍a̍, “Jusu, pò ìn tù Nyɔsoa-a Jǔ chɛ̀-ɛ, nɛ̀ ìn wlu dě sɔɔ̌ᵻ la we̍ i̍h iě blèe̍ gba̍nᵻ sàɛ̀.”

Pɔ̀n Chɛ̀ Maɛ To-a La 1:24

ɔ̍ la̍a̍, “Naaslɔɛ-a Jusu, ka àn pɔ̀n ìè à tìh nu̍ ɛ? Ìn ji̍-i ìè àɔ̀ gbɔ̀lɔ ae? Ǐn juo m̀, mɔ̀ bo ɔ̀ nu̍ Nɛi̍ Wɛ̀ Nyɔ̍ ɔ̀ sɔ dě Nyɔsoa we̍.”

Pɔ̀n Chɛ̀ Luu To-a La 10:18

Wɛ̀ Jusu la̍a̍ dě u̍h we̍, “Ǐn jě Setɔn-a i̍ kà la̍, ka nǐ chlɛ jlǐh dě ja̍u̍n wlì-ɛ.

Chɔɔn 12:31

Jɛwɛ̀ ɛ̍ nu̍ ti̍ kmɔ̌ la ɛ̍ iě kɛ̀n sà-ɛ. Nɛ̀ ɛ̀ blě-a kmɔ̌ la ɛ̍ wlu̍ kwa̍-ɛ, jɛwɛ̀ tu̍h-a mu̍ ɛ̍ du̍.

Chɔɔn 16:11

U̍h klǐ-i dǒ tìh-a gbɛ̍n-ɛ dɛ we̍, dɛ̍nu̍ɛ, Nyɔsoa sà ɛ̀ blě-a kmɔ̌ la ɛ̍ wlu̍ kwa̍-ɛ kɛ̀n wɛ̀.

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

Wloma 16:20

Nɛ̀ Nyɔsoa ɔ̀ nyǐ-a nyɔ̍ wlùh-a i̍ tè-ɛɛ, ɔ̍ mu̍ Setɔn keě wlǎ tiɔ tiɔ dě mɔ̀ bu̍h sɔ̀n. Ǎn sà nǐ wɔ̍n à Joi Jusu Klai-a blɛ iě dǒ mɔ̀ we̍ nɛ.

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

Kalase 2:15

Dǒ ɔ̍ sà-ɛ dɛ̍ᵻ wlu̍ i̍ kɔn-ɛ ke tùn blě-ɛ gbǐh kɛ̍n, iě ɔ̍ to ɛ̍ te̍gbe̍i̍n dǒ gbaɛ̍we̍ ka ɔ̍ sà-a i̍h klà dě Klai ja̍a̍-ɛ.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

Iblu 2:14

Ka ùh ɔ̍ dǎɛ-a ka nynuu̍-ɛ, u̍h blě-a ku̍ ke nymɔ̍-ɛ, ɛ̍ kɔn ɔ̍ gbǎ dě u̍h-a tu̍ di̍i̍ ke. Wɛ̀ ɔ̍ mɛ̌ iě ɛ̍ iě Kǔ jɛ blě-a gbǐh dǒ mɛ̌ɛ we̍-ɛ gbɔ̀lɔ.

Iblu 9:26

Pò ɛ̍ nɛ laan de-ɛ, nɛ̀ sɔ dǒ ti̍ kmɔ̌ iě-a nui-ɛ we̍ bo ɔ̍ kɔn ɔ̍ iě jua̍i̍ sàɛ̀-ɛ kɛ̍n i̍ gba̍-a sà de. Jɛ ɔ̍ ji̍ wɛ̀ kleǐnklein dǒ ti̍ la ɛ̍ dlǔ i̍ chlà la̍. Wɛ̀ ɔ̍ sà-ɛ ɔ̍ chɛ̀ slaǎ-a ɛ̍ iě gblɛ̍n sɔ̀ɛ̀n dǒ wìè-i sà.

2 Pitɛ 2:4

Nyɔsoa bo ɔ̀ gbɛ̍n ɔ̍ chɛ̀-a ǐnchɔ̀ nu̍-a gblɛ̍n sɔ̀ɛ̀n-ɛ kàn. Wɛ̀ ɔ̍ po̍ i̍h dě kàn nɛ̍ di̍i̍ dě biě jlu̍jlu̍ di̍i̍ i̍h iě-e nɛ te̍e̍ wɛ̀ sàwi̍h sì ti̍ iě nyni̍.

1 Chɔɔn 1:2

Feɛ laa̍ bo ɛ̀ wlǔh tà iě à jě ɛ̍, wɛ̀ à nu̍ ɛ̍ sàànsi̍i̍h iě à sèàɛ̍ mɔ̀ wlùh ɛ̍ tìh. Kmɔ̌ sie feɛ ɛ̀ nɛ-a dě Baa Nyɔsoa we̍-ɛ, ɛ̍-ɛ bo ɛ̀ wlǔh tà dǒ àɔ̀ we̍.

1 Chɔɔn 3:10

Kǎ à nu̍ ka Nyɔsoa ke Kǔ-a nynuu̍ we̍ sèàɛ̍-ɛ. Nyɔ̍ ɔ̀-ɔ nu̍-a i̍ slɛ̌-dɛ̍-ɛ, nɛ̀ ɔ̍ se̍ Nyɔsoa-a jǔ, ɛ̍ ke nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ ke.

1 Chɔɔn 3:5

Mɔ̀-a chɛ̀ juo ɛ̍-ɛ Klai ji̍-i ɔ̍ iě à gblɛ̍n sɔ̀ɛ̀n i̍ sà. Dě ɔ̍ ja̍a̍ bo gblɛ̍n sɔ̀ɛ̀n se̍ nɛ.

1 Chɔɔn 5:19

À juo ɛ̍-ɛ, àɔ̀ nɔ̀ɔ̍, à sɔ dě Nyɔsoa we̍, jɛ kmɔ̌ gbài̍ la Nyɔ̍ Sɔ̀n bo ɔ̀ kɔn ɛ̍ wlu̍ i̍.

Judi 1:6

Kǎ ɛ̍ nɛ ke dǒ Nyɔsoa-a ǐnchɔ̀ we̍. Gbǐh jɛ kɔn-a dǒ i̍h we̍-ɛ, i̍h se̍ ɛ̍ kɛ̍n i̍ gbɛ̍n iě i̍h-a tàn kòi̍h. Ɛ̍ kɔn ɔ̍ po̍ i̍h jɔɔ ìh se̍-a chɛn la̍ kɔn-ɛ bu̍hᵻ i̍. Wɛ̀ ɔ̍ tèè i̍h dě kwile gbeu di̍i̍ i̍ te̍e̍, wɛ̀ sàwi̍h sì weɛ̍ ɛ̀ ku̍-a wɔ̍n-ɛ ɛ̍ iě ji̍.

Wlɛfeleseɔn 20:10

Kǔ ɛ̀ boe-a u̍h i̍-ɛ, ɛ̍ mu̍ dě pɔ̀nɔ̌ nɛ̍-a pàìbǒ di̍i̍ poe-ɛ tà nmi̍ɛ̍ ke tu̍owli po̍ nyɔ̍-a si̍h naɛ nɛ-aɛ. Nɛ̀ dě-e bo u̍h-a mu̍ jua̍i̍ sàɛ̀ wlù ke sɔ̀n nɔ̌ kmɔ̌-a kmɔ̌.

Wlɛfeleseɔn 20:15

Nyɔ̍-o-nyɔ̍ ɔ̀ kɔn nynɛ̌ se̍-a chlǐh-ɛ dě feɛ chlǐh-dɛ̍ di̍i̍-ɛ, nɛ̀ ɔ̍ poe-ɛ dě pɔ̀nɔ̌ nɛ̍-a pàìbǒ di̍i̍.