1 Chɔɔn 3:6 - Ku̍o̍ Delee 1999

⁶ Nyɔ̍ jɔ nɛ-a dě Klai ja̍a̍-ɛ, ɔ̍-ɔ gba̍ gblɛ̍n sɔ̀ɛ̀n dluwe̍ i̍. Jɛ nyɔ̍ ɔ̀ gba̍-a gblɛ̍n sɔ̀ɛ̀n dluwe̍ i̍-ɛ, nɛ̀ ɔ̍-ɔ se̍a ɔ̍ jě, àe̍e̍ ɔ̍ se̍ ɔ̍ juo.

1 Chɔɔn 3:6 Iomraidhean Croise

2 Kɔwlɛntiɔn 3:18

Nɛ̀ɛ̍, à kli̍hgbɛ̍ à jě Joi-a tìh-a i̍ bɛ̌-ɛ dǒ à jua̍i̍ᵻ ìh se̍-a dɛ̍ kɛ̍n kaɛn-ɛ we̍. Joi-a Sùù bo ɛ̀ bǐi àɔ̀ i̍ dě ɔ̍ tu̍ di̍i̍ ma̍u̍, iě à wɔ̀ ɔ̍ tìh-a i̍ bɛ̌-ɛ ti̍ kli̍hgbɛ̍ we̍.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

1 Chɔɔn 2:28

Nɛ̀ɛ̍, ǎn nynuu̍, mɔ̀ nɛ dě ɔ̍ ja̍a̍, wɛ̀ ti̍ ɔ̍ mu̍-a à kɛ̍n wlǔh-iɛ, wɛ̀ à iě faɔn wɛ̀. Iě tɛ̀n-ɛ je̍e à nu̍, wɛ̀ à-a je̍e sìle dǒ ɔ̍ ji̍ la̍-a.

1 Chɔɔn 2:3

Pò à tè-o Nyɔsoa-a telě i̍-ɛ, nɛ̀ à juo-o dɛ̍ i̍ wɛ̀ ka à juo-a ɔ̍-ɛ.

1 Chɔɔn 2:4

Nɛ̀ pò nyɔ̍ la̍ ɔ̍ juo Nyɔsoa wɛ̀ ɔ̍ se̍-o ɔ̍ telě i̍ tè-ɛ, nɛ̀ nyɔ̍ kaɛn laa̍ si̍h nyɔ̍ bo, iě tìh-a taǐn se̍ dě ɔ̍ ja̍a̍ nɛ.

1 Chɔɔn 3:2

Ǎn tìh kma nyɔ̍, àɔ̀ Nyɔsoa-a nynuu̍ nɔ̀ɔ̍ wɛ̀, jɛ ka à mu̍-a nɛ dě nya̍-ɛ, ɛ̍ se̍ we̍i̍ flɔn ke̍. Jɛ à juo ka à mu̍-a nɛ-ɛ, ti̍ ɔ̍ mu̍-a àɔ̀ kɛ̍n wlǔh-iɛ, nɛ̀ à mu̍ ɔ̍ wɔ̀. Dɛ̍nu̍ɛ, ka ɔ̍ nɛ-aɛ, nɛ̀ à mu̍ ɛ̍ jě.

1 Chɔɔn 3:9

Nyɔ̍-ɔ nu̍ Nyɔsoa-a jǔ wɛ̀ ɔ̍-ɔ gba̍ gblɛ̍n sɔ̀ɛ̀n dluwe̍ i̍, dɛ̍nu̍ɛ, Nyɔsoa-a gblɛ̍n nɛ dě ɔ̍ ja̍a̍. Nɛ̀ ɔ̍ se̍ gblɛ̍n sɔ̀ɛ̀n nu̍-ɛ bɛ̌ɛ, dɛ̍nu̍ɛ, ɔ̍-ɔ Nyɔsoa-a jǔ.

1 Chɔɔn 4:8

Nyɔ̍ jɔ se̍-a jbɛɛ blě-ɛ, nɛ̀ ɔ̍ se̍ Nyɔsoa juo, dɛ̍nu̍ɛ, Nyɔsoa mɔ jbɛɛ.

1 Chɔɔn 5:18

À juo ɛ̍-ɛ, nyɔ̍ ùh nu̍-a Nyɔsoa-a nynuu̍-ɛ, u̍h-u gba̍ gblɛ̍n sɔ̀ɛ̀n nu̍-ɛ dluwe̍ i̍. Dɛ̍nu̍ɛ, Nyɔsoa-a Jǔ-a gbɛ̀n dǒ u̍h we̍ i̍. Sɔ nɛ̀ Nyɔ̍ Sɔ̀n se̍ u̍h i̍ tǔh-ɛ bɛ̌ɛ.

3 Chɔɔn 1:11

Ǎn tìh kma nyɔ̍, bɔ̌-e dɛ̍ sɔ̀n-a wɔ̀ɔ̀ i̍ sà-a, jɛ dɛ̍ chɛ̀-a wɔ̀ɔ̀ bo ìè-e i̍ sà. Nyɔ̍ jɔ nu̍-a dɛ̍ chɛ̀-ɛ, nɛ̀ ɔ̍ sɔ dě Nyɔsoa we̍. Jɛ nyɔ̍ ɔ̀ nu̍-a dɛ̍ sɔ̀n-ɛ, nɛ̀ ɔ̍-ɔ se̍a Nyɔsoa jě.