1 Chɔɔn 3:5 - Ku̍o̍ Delee 1999

⁵ Mɔ̀-a chɛ̀ juo ɛ̍-ɛ Klai ji̍-i ɔ̍ iě à gblɛ̍n sɔ̀ɛ̀n i̍ sà. Dě ɔ̍ ja̍a̍ bo gblɛ̍n sɔ̀ɛ̀n se̍ nɛ.

1 Chɔɔn 3:5 Iomraidhean Croise

Matio 1:21

Ɔ̍ mu̍ jɔ̍gbau jǔ wlǔh-i, nɛ̀ ìn dǎɛ ɔ̍ Jusu, ɛ̍ gbɔ̀ nu̍ Nyɔsoa sèìe àɔ̀. Dɛ̍nu̍ɛ, ɔ̍ mu̍ ɔ̍ nyɔ̍ sèìe dě u̍h-a gblɛ̍n sɔ̀ɛ̀n di̍i̍.”

Pɔ̀n Chɛ̀ Luu To-a La 23:41

Jɛ àɔ̀ nɔ̀ɔ̍, nɛ̀ à nɛ ɛ̍ ka̍. Dɛ̍nu̍ɛ, dɛ̍ᵻ à nu̍-a i̍-ɛ, i̍h kɔn pɛ̌ɛ la bo à jě la̍. Jɛ jɔ̍gbau la nɔ̀ɔ̍, ɔ̍ se̍ dɛ̍ sɔ̀n nu̍.”

Pɔ̀n Chɛ̀ Luu To-a La 23:47

Wloma nyɔ̍-a fledlǔ-a chape jě-a dɛ̍ ɛ̀ nɛ-aɛ, iě ɔ̍ po̍ Nyɔsoa tìhwe̍. Ɔ̍ la̍a̍, “Jɔ̍gbau la, i̍-i slɛ̌-nyɔ̍ bo chɛ̀.”

Chɔɔn 1:29

Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.

Chɔɔn 1:31

Ǎn chɛ̀ ǐn se̍ ɔ̍ juo de, jɛ ǐn ji̍ i̍ iě ǐn po̍ nyɔ̍ nǐ dlǔ dǒ nǐ we̍, wɛ̀ iě ɔ̍ Eslɔɛ nyɔ̍ tà sà-ɛ.”

Chɔɔn 14:30

Ǐn se̍ dɛ̍ dɔu wlu mu̍ dɛ dě mɔ̀ we̍, dɛ̍nu̍ɛ, ɛ̀ blě-a kmɔ̌ la ɛ̍ wlu̍ kwa̍-ɛ, ɛ̍ ji̍ la̍-ɛ. Ɛ̍ se̍ gbǐh blě dǒ ǐn we̍.

Chɔɔn 8:46

Mɔ̀-a nyɔ̍we̍ bo ɔ̀ jě ǐn gblɛ̍n sɔ̀ɛ̀n nu̍ la̍ wɛ̀ sàì ɛ? Dɛ̍nu̍ pò ǐn sà tìh-a taǐn-ɛ, wɛ̀ mɔ̀-ɔ dǎɛ ǎn wlu̍ tìh ɛ?

2 Kɔwlɛntiɔn 5:21

Klai se̍ gblɛ̍n sɔ̀ɛ̀n nu̍ nyɔ̍. Jɛ à tìh bo Nyɔsoa po̍ ka à gblɛ̍n sɔ̀ɛ̀n dǒ ɔ̍ dlǔ, wɛ̀ dě ɔ̍ ke à due nɛ-ɛ di̍i̍-ɛ, à iě i̍ slɛ̌-nyɔ̍ nu̍ dě Nyɔsoa jlǐh.

1 Timote 1:15

Jusu Klai ji̍ da̍a kmɔ̌ la we̍ ɔ̍ iě gblɛ̍n sɔ̀ɛ̀n nyɔ̍ sèìe. Wlu̍ la tìh-a taǐn bo, ɛ̍ nɛ i̍ gbɛ̍n ka̍ klìmàtàìn. Jɛ gblɛ̍n sɔ̀ɛ̀n nyɔ̍-a chɛ̀, mɔ̍ bo ɔ̀ nu̍ u̍h-a gblìmia.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 1:3

Ɔ̍ blě Nyɔsoa-a tìh-a i̍ bɛ̌-ɛ. Ɔ̍ nɛ dě Nyɔsoa-a tu̍ di̍i̍ te̍kle̍e̍. Ɔ̍ blě kmɔ̌ la kwa̍ dǒ ɔ̍ gbǐh kɔn wlu̍ we̍. Ɔ̍ wɔ̀-a ɛ̍ nu̍-ɛ, wɛ̀ Nyɔsoa tǎli kmɔ̌ nyɔ̍-a gblɛ̍n sɔ̀ɛ̀n-a tìh i̍, wɛ̀ ɔ̍ dǔ i̍ tè-ɛ dě ja̍i̍wlɔ̀ dǒ Tìh-a I̍ Bɛ̌-ɛ Nyɔsoa-a di̍na̍ we̍.

Iblu 4:15

Slaǎ Sà Nyɔ̍-a Dlǔtu à blě-aɛ, pò à gbǐh ja sɔɔn nu̍-ɛ, nɛ̀ ɛ̍ chlɛ̌n-ɛ ɔ̍ wlùh. Dɛ̍nu̍ɛ, ka Kǔ-a nu̍-a à blu̍ja̍a̍ po̍-ɛɛ, kǎ ɛ̍ nu̍ ɔ̍ blu̍ja̍a̍ po̍-ɛ i̍ pɔ̀n-ɛ ke de tà kli̍hgbɛ̍. Jɛ ɔ̍ se̍ gblɛ̍n sɔ̀ɛ̀n dɛ̍wɛ-a chɛ̀ nu̍.

Iblu 7:26

Jusu laa̍ bo ɔ̀ nu̍ ka Slaǎ Sà Nyɔ̍-a Dlǔtu à kɔn à iě blě. Ɔ̍ wɛ̀ nɛi̍. Nyɔ̍ se̍ ɔ̍ kɔ̌-ɛ nynɛ̌ blě, ɔ̍ se̍ gblɛ̍n sɔ̀ɛ̀n nu̍. Ɔ̍ tè-ɛ pɔ̌ dě gblɛ̍n sɔ̀ɛ̀n nyɔ̍ nynɛ̌, iě ɔ̍ dǔ-iɛ ja̍i̍ dě ja̍i̍wlɔ̀.

Iblu 9:26

Pò ɛ̍ nɛ laan de-ɛ, nɛ̀ sɔ dǒ ti̍ kmɔ̌ iě-a nui-ɛ we̍ bo ɔ̍ kɔn ɔ̍ iě jua̍i̍ sàɛ̀-ɛ kɛ̍n i̍ gba̍-a sà de. Jɛ ɔ̍ ji̍ wɛ̀ kleǐnklein dǒ ti̍ la ɛ̍ dlǔ i̍ chlà la̍. Wɛ̀ ɔ̍ sà-ɛ ɔ̍ chɛ̀ slaǎ-a ɛ̍ iě gblɛ̍n sɔ̀ɛ̀n dǒ wìè-i sà.

Iblu 9:28

Ka ɛ̍ nɛ ke, Klai nu̍ ɔ̍ chɛ̀ slaǎ sà-ɛa due, wɛ̀ ɔ̍ iě nyɔ̍ dɔu-a gblɛ̍n sɔ̀ɛ̀n-a tìh dǒ ɔ̍ chɛ̀ dlǔ i̍ tè. Jɛ ɔ̍ mu̍-a ka ji̍ dode̍-ɛ, ɔ̍ se̍ gblɛ̍n sɔ̀ɛ̀n-a tìh we̍ ji̍. Jɛ ɔ̍ ji̍-i ɔ̍ iě nyɔ̍ ùh gbàɛ̀-a ɔ̍ tìh-ɛ pǔh-i.

1 Pitɛ 1:18

Mɔ̀ juo ka Nyɔsoa nu̍-a mɔ̀ kɛ̍ɛ̍n pùhbɔ-ɛ dě mɔ̀ baaᵻá pɔ̀ɔ̍pìe̍ kmɔ̌ di̍i̍-ɛ. Ɔ̍ se̍ sebla̍ ke kòo̍ ìh-a gbɔ̀lɔ-aɛ nu̍ dǒ mɔ̀ kɛ̍ɛ̍n pùhbɔ la̍.

1 Pitɛ 1:20

Nyɔsoa tba̍ ɔ̍ chèɛ̀ sasǎ iě ɔ̍ dǔ kmɔ̌ la nu̍-ɛ, iě Klai tù mɔ̀-a tìh iě ɔ̍ ji̍ dǒ bɔ̌ɛ-o wǐh la di̍i̍.

1 Pitɛ 2:22

Ɔ̍ se̍ gblɛ̍n sɔ̀ɛ̀n nu̍, nyɔ̍ wɔ̍ se̍ ɔ̍ si̍h wlu̍-a chɛ̀ wɔ̍ɔ̍n wɔ̌n ke.

1 Pitɛ 2:24

Klai tù à gblɛ̍n sɔ̀ɛ̀n dǒ ɔ̍ chɛ̀ pùn wɛ̀ ɔ̍ gba̍ i̍h dǒ gbàɛ̍ kɛ̍n i̍ tu̍ wlì. Ɔ̍ nu̍ ɛ̍-ɛ à ke gblɛ̍n sɔ̀ɛ̀n-a wloa̍ iě chɛn, wɛ̀ à iě dě i̍ slɛ̌-ɛ kmɔ̌ di̍i̍ nɛ. Ɔ̍ dɛ̍ᵻá i̍ tbaɛ bo ɛ̀ pǔh-i mɔ̀.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

1 Chɔɔn 1:2

Feɛ laa̍ bo ɛ̀ wlǔh tà iě à jě ɛ̍, wɛ̀ à nu̍ ɛ̍ sàànsi̍i̍h iě à sèàɛ̍ mɔ̀ wlùh ɛ̍ tìh. Kmɔ̌ sie feɛ ɛ̀ nɛ-a dě Baa Nyɔsoa we̍-ɛ, ɛ̍-ɛ bo ɛ̀ wlǔh tà dǒ àɔ̀ we̍.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.

1 Chɔɔn 2:1

Ǎn nynuu̍, ǎn chlǐh mɔ̀ ɛ̀ la we̍ wɛ̀ mɔ̀-ɔ je̍e gblɛ̍n sɔ̀ɛ̀n nu̍. Jɛ pò mɔ̀-a nyɔ̍ nu̍ gblɛ̍n sɔ̀ɛ̀n-ɛ, à blě à we̍ gbǎ nyɔ̍ dě Baa Nyɔsoa we̍. Ɔ̍ bo ɔ̀ nu̍-a Jusu Klai ɔ̀ slɛ̌-a i̍-ɛ.

1 Chɔɔn 2:2

Dě Klai-a chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍. Ɛ̍ se̍ à nɛ due-a gblɛ̍n sɔ̀ɛ̀n-a tìh, jɛ kmɔ̌ kli̍hgbɛ̍-a gblɛ̍n sɔ̀ɛ̀n-a tìh bo ìh tǎli-ɛ i̍.

1 Chɔɔn 2:29

Pò mɔ̀ juo ɛ̍ ka Klai slɛ̌-a i̍-ɛ, nɛ̀ mɔ̀ juo ɛ̍ ke la̍ sǔh ka nyɔ̍ jɔ ɔ̀ nu̍-a i̍ slɛ̌-dɛ̍-ɛ, nɛ̀ ɔ̍ nu̍-a Nyɔsoa-a jǔ wɛ̀-ɛ.

1 Chɔɔn 3:8

Nyɔ̍ jɔ gba̍-a gblɛ̍n sɔ̀ɛ̀n dluwe̍ i̍-ɛ, nɛ̀ ɔ̍ kɔn dǒ Kǔ we̍. Dɛ̍nu̍ɛ, Kǔ sà gblɛ̍n sɔ̀ɛ̀n nu̍-ɛ dě tɔ̀blɔ̍ɔ̍. Ɛ̍ kɔn Nyɔsoa-a Jǔ ji̍ wɛ̀ ɔ̍ iě Kǔ-a nu̍-dɛ̍ᵻ i̍ gbɔ̀lɔ.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.