1 Chɔɔn 3:4 - Ku̍o̍ Delee 1999

⁴ Nyɔ̍ jɔ nu̍-a gblɛ̍n sɔ̀ɛ̀n-ɛ, nɛ̀ ɔ̍ wa̍ Nyɔsoa-a telě, dɛ̍nu̍ɛ, gblɛ̍n sɔ̀ɛ̀n nu̍-ɛ laa̍ telě wa̍-a bo.

1 Chɔɔn 3:4 Iomraidhean Croise

Matio 5:19

Ɛ̍ tìh-ɛ, nyɔ̍ ɔ̀ mu̍-a telě la i̍h-a dɛ̍ juwɛ-a chɛ̀ jlǐhɛ̍ dlǔ bla̍, wɛ̀ ɔ̍ iě ɛ̍ nyɔ̍ duuh nǎ poe ke-ɛ, nɛ̀ Nyɔsoa-a mu̍ ɔ̍ jlǐhɛ̍ dlǔ bla̍ ke dǒ ɔ̍ kmɔ̌ wlu̍ i̍ kɔn ti̍ we̍. Jɛ nyɔ̍ ɔ̀ mu̍-a telě la dɛ̍ɛ̍ jě, wɛ̀ ɔ̍ iě ɛ̍ nyɔ̍ duuh nǎ poe ke-ɛ, nɛ̀ ɔ̍ mu̍ wɔ̍n ku̍ dǒ Nyɔsoa-a kmɔ̌ wlu̍ i̍ kɔn ti̍ we̍.

Nu̍-dɛ̍ᵻ 23:3

Wɛ̀ Pɔɔ la̍a̍ dě ɔ̍ we̍, “Mɔ̀ la ɔ̀ blě-a pɛ̍n mɛɔ-ɛ, mɔ̀ bo Nyɔsoa-a mu̍ gbǎ tba̍. Ìn tè i̍ dǒà ìè ǎn taɔ pa̍ dě telě di̍i̍, jɛ nàa̍ u̍h tba̍ ǐn gbǎ. Nɛ̀ mɔ̀ bo ɔ̀ wa̍ telě-a chɛ̀ wɛ̀.”

Wloma 3:20

Ɛ̍ tìh-ɛ, telě i̍ tè-ɛ se̍ nyɔ̍ i̍ slɛ̌-ɛ bɛ̌ɛ dě Nyɔsoa jlǐh. Dɛ̍nu̍ɛ, telě nɔ̀ɔ̍, ɛ̍ to-e àɔ̀ sǔh ka à nu̍-a gblɛ̍n sɔ̀ɛ̀n nyɔ̍-ɛ.

Wloma 4:15

Dɛ̍nu̍ɛ, telě wa̍-a ja Nyɔsoa-a jlu̍h dǒ tà. Jɛ pò telě se̍ dǒ tà nɛ-ɛ, nɛ̀ dɛ̍ nyɔ̍ iě-a wa̍-a se̍ nɛ.

2 Kɔwlɛntiɔn 12:21

Ǎn ple̍ faɔn pò ǐn ji̍ dě mɔ̀ we̍ dɛ-ɛ, ǎn Nyɔsoa-a mu̍ ɛ̍ nu̍ iě mɔ̀-a tɛ̀n ple̍. Nyɔ̍-se̍-juo ǎn mu̍ sùàɛ̀n pa̍ dǒ nyɔ̍ dɔu ùh nu̍-a gblɛ̍n sɔ̀ɛ̀n sàì wɛ̀ ùh se̍-a i̍h kɛ̍n i̍ poe dǒ u̍h-a chɛ̀-a sììjii̍ nu̍-ɛ ke, gbǎn nu̍-ɛ ke se̍i̍kɔɛn u̍h nu̍-a we̍.

Chiin 5:15

Nɛ̀ wlu̍ u̍h-a mu̍-aa ba̍le dě wlùh gbaɛ di̍i̍-ɛ, ɛ̍ bo ɛ̀ mu̍ poa-nyɔ̍ laa̍ pǔh-i, wɛ̀ Joi iě ɔ̍ bloɔ̍-ɔ sà. Nɛ̀ pò ɔ̍ nu̍ gblɛ̍n sɔ̀ɛ̀n-ɛ, nɛ̀ i̍h-a tìh-a mu̍ i̍ tǎli-ɛ.

1 Chɔɔn 5:17

Klǐ-dɛ̍ᵻ kli̍hgbɛ̍ gblɛ̍n sɔ̀ɛ̀n bo, jɛ gblɛ̍n sɔ̀ɛ̀n jih ìh-i gba̍-a mɛ̌ɛ wìè-ɛ i̍h nɛ-o.