1 Chɔɔn 3:24 - Ku̍o̍ Delee 1999

²⁴ Nyɔ̍ jɔ tè-ao Nyɔsoa-a telě i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ ɔ̍-ɔ. Nyɔsoa-a Sùù ɔ̍ nyǐ-a àɔ̀-ɛ bo ɛ̀ nu̍ ɛ̍ iě à juo-o dɛ̍ i̍ ka ɔ̍ nɛ-a dě à ja̍a̍-ɛ.

1 Chɔɔn 3:24 Iomraidhean Croise

Chɔɔn 10:38

Mɔ̀ se̍ ǎn wlu̍ tìh chɛ̀ po̍ gbɛɛ-ɛ, jɛ dbo̍ jɛ ǎn nu̍-aɛ nɔ̀ɔ̍, ɛ̍ bo mɔ̀ kɔn mɔ̀ iě tìh chɛ̀ po̍. Mɔ̀ iě ɛ̍-ɛ i̍ wɔ̌n, wɛ̀ mɔ̀ iě-o dɛ̍ i̍ juo ka ǐn Baa nɛ-a m wɛ̀ ǐn nɛ-a ǐn Baa ke-ɛ.”

Chɔɔn 17:21

wɛ̀ u̍h kli̍hgbɛ̍ iě due nɛ. Baa, ka ìn nɛ-a m, iě ǐn nɛ-a m̀-ɛ, kǎ u̍h iě à-a nɛ-ɛ nu̍ ke. Wɛ̀ kmɔ̌ iě ɛ̍ tìh chɛ̀ po̍ ka ìn dbo̍-a m-ɛ.

1 Kɔwlɛntiɔn 3:16

Ka mɔ̀ nu̍-a Nyɔsoa-a slaǎ sà gbò wɛ̀ Nyɔsoa-a Sùù tǐn-a dě mɔ̀ ja̍a̍-ɛ, mɔ̀ se̍ i̍h juo ae?

1 Kɔwlɛntiɔn 6:19

Nyɔsoa-a Sùù ɛ̀ nɛ-a dě mɔ̀ ja̍a̍-ɛ, ka mɔ̀-a ku̍ nu̍-a ɛ̍ slaǎ sà gbò-ɛ, mɔ̀ se̍ i̍h juo ae? Mɔ̀ se̍ dǒ mɔ̀-a chɛ̀ we̍ kɔn o.

2 Kɔwlɛntiɔn 6:16

Ka Nyɔsoa-a slaǎ sà gbò ke kwɛ̍i̍n gbo̍ᵻá mu̍ wlu̍ i̍ wɔɛ̌ɛn-ɛ nu̍ ɛ? À-a bo à nu̍ kmɔ̌ nɛ Nyɔsoa-a slaǎ sà gbò. Nyɔsoa-a chɛ̀ la̍a̍, “Ǎn mu̍ dě ǎn nyɔ̍ nynɛ̌ tǐn, wɛ̀ iě u̍h nynɛ̌ i̍ na. Ǎn mu̍ u̍h-a Nyɔsoa nu̍, wɛ̀ u̍h iě ǎn nyɔ̍ nu̍.”

1 Tɛsoloniɔn 4:8

Ɛ̍ tìh-ɛ, nyɔ̍-o-nyɔ̍ ɔ̀ tba̍-a nǎ po̍ wlu̍ la chla-ɛ, nɛ̀ ɔ̍ se̍ wlɔ̀ nyi̍ɔ̍ chla tba̍, jɛ nɛ̀ Nyɔsoa bo ɔ̍ tba̍ chla, ɔ̀ nyǐ-a mɔ̀ ɔ̍ Sùù-ɛ.

2 Timote 1:14

Nyɔsoa-a Sùù ɛ̀ tǐn-a dě à ja̍a̍-ɛ, tìh-a taǐn ɔ̍ po̍-a dě ìn kwa̍a̍-ɛ, dǒ ɛ̍ gbǐh we̍ bo ìè ɛ̍ sɛ̍sɛ̍ nu̍-i.

1 Chɔɔn 2:24

Dɛ̍ mɔ̀ wɔ̌n-a sɔ dě tɔ̀blɔ̍ɔ̍-ɛ, ɛ̍ bo ɛ̀ iě dě mɔ̀ ja̍a̍ nɛ. Dɛ̍ mɔ̀ wɔ̌n-a sɔ dě tɔ̀blɔ̍ɔ̍-ɛ, pò ɛ̍ nɛ dě mɔ̀ ja̍a̍-ɛ, nɛ̀ mɔ̀ nɛ dě Jǔ ke Baa ja̍a̍ wɛ̀.

1 Chɔɔn 2:3

Pò à tè-o Nyɔsoa-a telě i̍-ɛ, nɛ̀ à juo-o dɛ̍ i̍ wɛ̀ ka à juo-a ɔ̍-ɛ.

1 Chɔɔn 2:5

Jɛ nyɔ̍ ɔ̀ nu̍-a ɔ̍ wlu̍-ɛ, nɛ̀ ɔ̍-ɔ bo ɔ̀ kɔn Nyɔsoa-a jbɛɛ-ɛ wɛ̀ gblɛ̍ja̍i̍ wɛ̀. Pò ɛ̍ nɛ ka-ɛ, nɛ̀ à juo-o dɛ̍ i̍ wɛ̀ ka à nɛ-a dě Nyɔsoa ja̍a̍-ɛ.

1 Chɔɔn 2:6

Nyɔ̍ ɔ̀ la̍ ɔ̀ nɛ-a dě Nyɔsoa ja̍a̍-ɛ, nɛ̀ ɔ̍ kɔn ɔ̍ iě Jusu Klai-a dɛ̍ na.

1 Chɔɔn 3:22

À jbǎ-ɛ ɔ̍ dɛ̍ jɛ-ɛ, nɛ̀ à jě ɛ̍-ɛ, dɛ̍nu̍ɛ, à tè-o ɔ̍ telě i̍, iě à nu̍ dɛ̍ ɛ̀ tè-ea ɔ̍ wlùh i̍-ɛ.

1 Chɔɔn 4:7

Ǎn tìh kma nyɔ̍, mɔ̀ à jbɛɛ we̍, dɛ̍nu̍ɛ, jbɛɛ sɔ dě Nyɔsoa we̍. Nyɔ̍ jɔ blě-a jbɛɛ-ɛ, nɛ̀ ɔ̍-ɔ Nyɔsoa-a jǔ, iě ɔ̍ juo Nyɔsoa.