1 Chɔɔn 3:23 - Ku̍o̍ Delee 1999

²³ Ɔ̍ telě-a chɛ̀ nu̍, à gbaɛ ɔ̍ Jǔ Jusu Klai wlùh, à iě we̍ jbɛɛ. Kǎ ɔ̍ nu̍ à wlùh sèàɛ̍.

1 Chɔɔn 3:23 Iomraidhean Croise

Matio 22:39

Nɛ̀ ɛ̀ po̍-a sɔɔ̌n-ɛ, ɛ̍ ke ɛ̍ wɔ̀ɛ-ɛ. Ɛ̍ la̍a̍, ‘Jbɛɛ ìn pònyɔ̍-ɔ ka àn chɛ̀-ɛ.’

Pɔ̀n Chɛ̀ Maɛ To-a La 9:7

Wɛ̀ nǐgban ji̍ iě ɛ̍ kaɛn dǒ u̍h dlǔwèàì. Dǒ wlu̍ sɔ-ɛ dě ɛ̍ di̍i̍, ɛ̍ la̍a̍, “Ɔ̀ la ǎn tìh kma Jǔ bo. Mɔ̀ tù ɔ̍ wlu̍ dounᵻ.”

Chɔɔn 1:12

Jɛ nyɔ̍ juh gbɛ̍n-a ɔ̍ tìh i̍ iě u̍h gbaɛ-a ɔ̍ wlùh-ɛ, ɔ̍ nu̍ ɛ̍ iě u̍h nu̍ Nyɔsoa-a nynuu̍.

Chɔɔn 13:34

Mɔ̀ jbɛɛ we̍, ɛ̍ bo ɛ̀ nu̍ slǔh delee ǎn po̍ mɔ̀. Ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Chɔɔn 14:1

Jusu sèàɛ̍ ɔ̍ kòà dɛ̍ wlùh, ɔ̍ la̍a̍, “Mɔ̀-a wlùh bɔ̌ i̍ na-a. Mɔ̀ gbaɛ Nyɔsoa wlùh, nɛ̀ mɔ̀ gbaɛ ǐn wlùh ke.

Chɔɔn 15:12

Ɛ̀ la bo ɛ̀ nu̍ ǎn telě, ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Chɔɔn 17:3

Ɛ̀ nu̍-a kmɔ̌ sie feɛ-ɛ, ɛ̍ nu̍ u̍h iě mɔ̀ due gbài̍ ɔ̀ nu̍-a tìh-a taǐn Nyɔsoa-a juo, ɛ̍ ke Jusu Klai ìn dbo̍-a ke.

Chɔɔn 2:23

Ti̍ Jusu nɛ-a Juluslɛn dǒ Sììkɛ̍n Weɛ̍-a Peě tù ti̍ we̍-ɛ, jbaɛdih ɔ̍ po̍-aɛ bo nyɔ̍ dɔu jě iě u̍h gbaɛ ɔ̍ wlùh.

Chɔɔn 3:18

Nyɔ̍ jɔ gbaɛ-a ɔ̍ wlùh-ɛ, nɛ̀ tìh se̍ ɔ̍ gbɛ̍n. Jɛ jɔ se̍-a ɔ̍ wlùh gbaɛ-ɛ, nɛ̀ tìh gbɛ̍n ɔ̍ wɛ̀ se̍e̍, dɛ̍nu̍ɛ, ɔ̍ se̍ Nyɔsoa-a Jǔ due gbài̍ wlùh gbaɛ.

Chɔɔn 6:29

Iě Jusu la̍a̍, “Ɛ̀ nu̍-a Nyɔsoa-a dbo̍ nu̍-ɛɛ, ɛ̍ nu̍ mɔ̀ iě nyɔ̍ ɔ̍ dbo̍-aɛ wlùh gbaɛ.”

Nu̍-dɛ̍ᵻ 16:31

Wɛ̀ u̍h la̍a̍, “Gbaɛ Joi Jusu wlùh nɛ̀ àn mu̍ pǔh, ɛ̍ ke àn chɛ̌ kli̍hgbɛ̍ ke.”

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

1 Tɛsoloniɔn 4:9

Nyɔ̍-o-nyɔ̍ se̍ kɔn ɔ̍ iě mɔ̀ we̍ chlǐh dǒ mɔ̀ de̍di̍i̍ᵻ jbɛɛ dɛ we̍. Dɛ̍nu̍ɛ, mɔ̀ɔ̍ bo Nyɔsoa po̍ nǎ wɛ̀ dǒ we̍ jbɛɛ dɛ we̍.

1 Timote 1:15

Jusu Klai ji̍ da̍a kmɔ̌ la we̍ ɔ̍ iě gblɛ̍n sɔ̀ɛ̀n nyɔ̍ sèìe. Wlu̍ la tìh-a taǐn bo, ɛ̍ nɛ i̍ gbɛ̍n ka̍ klìmàtàìn. Jɛ gblɛ̍n sɔ̀ɛ̀n nyɔ̍-a chɛ̀, mɔ̍ bo ɔ̀ nu̍ u̍h-a gblìmia.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Pitɛ 4:8

Mɔ̀-a we̍ jbɛɛ-ɛ bo ɛ̀ iě i̍ tìè, ɛ̍ iě dɛ̍ᵻ kli̍hgbɛ̍ sìì. Dɛ̍nu̍ɛ, jbɛɛ-ɛ bo ɛ̀ kaɛn gblɛ̍n sɔ̀ɛ̀n dɔu kɛ̍n.

1 Chɔɔn 2:7

Ǎn tìh kma nyɔ̍, telě la ɛ̀ kɔn tìh ǎn chlǐh-a mɔ̀ we̍-ɛ, ɛ̍ se̍ telě delee. Dɛ̍ soa bo, mɔ̀ wɔ̌n ɛ̍-ɛ se̍e̍ sɔ dě tɔ̀blɔ̍ɔ̍. Telě soa la, ɛ̍ bo ɛ̀ nu̍ wlu̍ mɔ̀ wɔ̌n-a se̍e̍-ɛ.

1 Chɔɔn 3:11

Ɛ̀ nu̍-a tu̍owli mɔ̀ sà-a wɔ̌n-ɛ dě tɔ̀blɔ̍ɔ̍-ɛ, ɛ̍ nu̍, à iě we̍ jbɛɛ.

1 Chɔɔn 4:15

Ka Jusu nu̍-a Nyɔsoa-a Jǔ-ɛ, nyɔ̍-o-nyɔ̍ ɔ̀ mu̍-a ɛ̍ tìh i̍ wɔ̌ɛn-ɛ, nɛ̀ Nyɔsoa nɛ dě ɔ̍ ja̍a̍ wɛ̀ ɔ̍ nɛ dě Nyɔsoa ja̍a̍.

1 Chɔɔn 4:21

Telě la bo Nyɔsoa nyǐ àɔ̀. Ɔ̍ la̍ nyɔ̍ jɔ jbɛɛ-a ɔ̍-ɛ, nɛ̀ ɔ̍ kɔn ɔ̍ iě ɔ̍ de̍di̍i̍ jbɛɛ ke.

1 Chɔɔn 5:13

Mɔ̀ɔ̍ ùh gbaɛ-a Nyɔsoa-a Jǔ wlùh-ɛ, ǎn chlǐh mɔ̀ ɛ̀ la we̍ wɛ̀ mɔ̀ iě ɛ̍ juo ka mɔ̀ blě-a kmɔ̌ sie feɛ-ɛ.