1 Chɔɔn 3:21 - Ku̍o̍ Delee 1999

²¹ Ǎn tìh kma nyɔ̍, pò à wlùh se̍ à kɛ̀n sà-ɛ, nɛ̀ à mu̍ wlì i̍ bɛ̌ dǒ Nyɔsoa jǔ.

1 Chɔɔn 3:21 Iomraidhean Croise

Wloma 14:22

Ka ìn nu̍-a wlùh gbaɛ blě-ɛ dǒ ìh la pùn-ɛ, nɛ̀ ìn si̍e̍ ɛ̍ dǒ ìn ke Nyɔsoa nynɛ̌. Dɛ̍ kɔn chèɛ̀ nyɔ̍ po̍-a ja̍i̍-ɛ, pò ɛ̍ nu̍-ɛ se̍ ɔ̍ wlùh-u kǎ-ɛ, nɛ̀ ɔ̍ nmɔ i̍.

1 Kɔwlɛntiɔn 4:4

Ǐn se̍ ǎn chɛ̀ dɛ̍ sɔ̀n pùn jě, jɛ ɛ̍ se̍ nɛ̀ ǐn gba̍ kɛ̀n kai. Jɛ Joi nɛ due bo ɔ̀ mu̍ ǐn i̍ chlɛ̌.

2 Kɔwlɛntiɔn 1:12

À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

Ɛfɛsɔ 3:12

Nɛ̀ ka à ke Klai nɛ-a due iě à gbaɛ-a ɔ̍ wlùh-ɛ, nɛ̀ à bɛ̌ wlì i̍ wɛ̀. Nɛ̀ dɛ̍ se̍ à i̍ ka̍n dɛ dǒ Nyɔsoa wlì mu̍ la̍.

1 Timote 2:8

Ǎn pɔ̀n tà-o-tà nyɔ̍gbei-a mu̍-a tàdùè gbǎ-ɛɛ, jɔ̍gbauᵻ iě ba̍le. Nɛ̀ u̍h sà wlùh kwlǎ u̍h iě sɔ̍nᵻ ja̍i̍ to. Jɛ nɛ̀ jlu̍h, àe̍e̍ wɔ̍ɔ̍n i̍ sà-a bɔ̌ dǒ u̍h nynɛ̌ nɛ-ɛ.

Iblu 10:22

Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.

Iblu 4:16

Ka ɛ̍ nɛ-a ka-ɛ, mɔ̀ à ku̍ di̍i̍ i̍ à iě Nyɔsoa ɔ̀ nɛ-a blɛ-ɛ, ɔ̍ nynɛ̌ gbalǎ wlì mu̍. Wɛ̀ ɔ̍ iě à wɔɛ jě ɔ̍ iě blɛ nɛ dǒ à we̍, wɛ̀ ɛ̍ iě à we̍ gbǎ pò à nɛ we̍ gbǎ ka̍-ɛ.

1 Chɔɔn 2:28

Nɛ̀ɛ̍, ǎn nynuu̍, mɔ̀ nɛ dě ɔ̍ ja̍a̍, wɛ̀ ti̍ ɔ̍ mu̍-a à kɛ̍n wlǔh-iɛ, wɛ̀ à iě faɔn wɛ̀. Iě tɛ̀n-ɛ je̍e à nu̍, wɛ̀ à-a je̍e sìle dǒ ɔ̍ ji̍ la̍-a.

1 Chɔɔn 2:7

Ǎn tìh kma nyɔ̍, telě la ɛ̀ kɔn tìh ǎn chlǐh-a mɔ̀ we̍-ɛ, ɛ̍ se̍ telě delee. Dɛ̍ soa bo, mɔ̀ wɔ̌n ɛ̍-ɛ se̍e̍ sɔ dě tɔ̀blɔ̍ɔ̍. Telě soa la, ɛ̍ bo ɛ̀ nu̍ wlu̍ mɔ̀ wɔ̌n-a se̍e̍-ɛ.

1 Chɔɔn 3:2

Ǎn tìh kma nyɔ̍, àɔ̀ Nyɔsoa-a nynuu̍ nɔ̀ɔ̍ wɛ̀, jɛ ka à mu̍-a nɛ dě nya̍-ɛ, ɛ̍ se̍ we̍i̍ flɔn ke̍. Jɛ à juo ka à mu̍-a nɛ-ɛ, ti̍ ɔ̍ mu̍-a àɔ̀ kɛ̍n wlǔh-iɛ, nɛ̀ à mu̍ ɔ̍ wɔ̀. Dɛ̍nu̍ɛ, ka ɔ̍ nɛ-aɛ, nɛ̀ à mu̍ ɛ̍ jě.

1 Chɔɔn 3:20

Pò à chɛ̀-a wlùh sà à kɛ̀n-ɛ, jɛ Nyɔsoa ku̍ wɔ̍n ɔ̍ sìì à wlùh, iě ɔ̍ juo dɛ̍ᵻ kli̍hgbɛ̍.

1 Chɔɔn 4:17

Ti̍ jbɛɛ-a mu̍-a gblɛ̍ja̍i̍ wɛ̀ nɔ̌ à nynɛ̌-ɛ, nɛ̀ à mu̍ faɔn wɛ̀ dǒ sàwi̍h sì weɛ̍ di̍i̍. Dɛ̍nu̍ɛ, ka Klai nɛ-aɛ, nɛ̀ kǎ à nɛ wɛ̀ ke nɔ̌ kmɔ̌ la we̍.

1 Chɔɔn 5:14

À bɛ̌ wlì i̍ dǒ Nyɔsoa jǔ, dɛ̍nu̍ɛ, à juo ɛ̍-ɛ, pò à jbǎ-ɛ ɔ̍ dɛ̍-o-dɛ̍ ɛ̀ nu̍-a ɔ̍ wlùh dɛ̍-ɛ, nɛ̀ ɔ̍ wɔ̌n à wlu̍.