19 À nyɔ̍-ɔ jbɛɛ-ɛ bo ɛ̀ nu̍ ɛ̍ wɛ̀ à juo-o dɛ̍ i̍ ka à kɔn-a dǒ tìh-a taǐn we̍-ɛ, wɛ̀ à wɛ̀ faɔn dǒ Nyɔsoa jǔ.
Pò mɔ̀ jbɛɛ we̍-ɛ, nɛ̀ nyɔ̍ kli̍hgbɛ̍-a mu̍ ɛ̍ i̍ juo ka mɔ̀ nu̍-a ǎn kòà-ɛ.”
Pale la̍a̍, “Iě nɛ̀ mɔ̀ blǔh baa lě.” Jusu la̍a̍, “Nàa̍, mɔ̍ blǔh baa. Ɛ̍ kɔn tìh ǐn wlǔh iě ǐn ji̍ da̍a kmɔ̌ la we̍, wɛ̀ iě tìh-a taǐn-a sàànsi̍i̍h nu̍. Nyɔ̍ juh kɔn-a dǒ tìh-a taǐn we̍-ɛ, u̍h bo ùh-a wɔ̌n ǎn wlu̍-i i̍.”
Ɔ̍ juo ɛ̍ kleǐn Nyɔsoa se̍ ɔ̍ tɔ̀ma̍a̍ wlu̍ kɛ̍n gblìh-ɛ bɛ̌ɛ.
Dɛ̍nu̍ɛ, ǐn juo ɛ̍-ɛ kleǐn dɛ̍ dɛɛ se̍ ɔ̍ ke à jbɛɛ i̍ che̍ɛ̍ɛn bɛ̌ɛ. À jɛ mɛ̌, iě pò à nɛ kmɔ̌-a chɛ̀-ɛ, ɛ̍ se̍ nɛ mu̍. Nyɔsoa-a ǐnchɔ̀ ke jeědih se̍ ɛ̍ bɛ̌ɛ. Kaka ke dě nya̍ se̍ ɛ̍ bɛ̌ɛ. Ɛ̍ se̍ gbǐh diih-a chɛ̀ kɔn.
Ɛ̍ kɔn ǎn sàɛ̀-a ka jua̍i̍. Jɛ ǐn juo nyɔ̍ ǐn gbaɛ-a wlùh-ɛ, ɛ̍ bo ɛ̀ sà ǐn faɔn. Nɛ̀ ǐn juo ɛ̍-ɛ gblagblǎ dɛ̍ ɔ̍ po̍-a dě ǐn kwa̍a̍-ɛ, ɔ̍ bɛ̌ɛ ɛ̍ sɛ̍sɛ̍ nu̍-ɛ te̍e̍ wɛ̀ ɛ̍ iě bɔ̌ɛ-o weɛ̍ laa̍ jɛɛ.
Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.
Ùh kli̍hgbɛ̍ la dě u̍h-a wlùh gbaɛ blě-ɛ di̍i̍ bo u̍h mɛ̌-ɛ. U̍h se̍ dɛ̍ kɔn wlu̍ Nyɔsoa po̍-a tɔ̀ma̍a̍-ɛ jě, jɛ u̍h jě ɛ̍ dě nya̍ wɛ̀ u̍h nu̍ ɛ̍ dɛ̍i̍. Ka u̍h nu̍-a dakɔ̍ pàɔ̀n nɔ̌ bloɔ̍-ɛ, u̍h juo ɛ̍ i̍, iě u̍h sà ɛ̍-ɛ.
Pò à la̍ à-a nu̍ gblɛ̍n sɔ̀ɛ̀n-ɛ, nɛ̀ à boe à chɛ̀ i̍. Nɛ̀ tìh-a taǐn se̍ dě à ja̍a̍ nɛ.
Chlǐh-ɛ ǎn chlǐh-a mɔ̀ we̍-ɛ, ɛ̍ se̍ nɛ̀ mɔ̀ se̍ tìh-a taǐn juo kai. Jɛ mɔ̀-a ɛ̍ juo-o tìh bo ǎn chlǐh mɔ̀ we̍. Wɛ̀ mɔ̀ juo ɛ̍ ke ka si̍h-i sɔ-a dě tìh-a taǐn di̍i̍-ɛ.
À juo ɛ̍-ɛ à sì dě mɛ̌ɛ di̍i̍ wɛ̀ iě à jɛɛ feɛ, dɛ̍nu̍ɛ, à jbɛɛ à de̍di̍i̍ᵻ. Jɛ nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ, nɛ̀ ɔ̍ nɛ dě mɛ̌ɛ di̍i̍ ke̍.
Pò à chɛ̀-a wlùh sà à kɛ̀n-ɛ, jɛ Nyɔsoa ku̍ wɔ̍n ɔ̍ sìì à wlùh, iě ɔ̍ juo dɛ̍ᵻ kli̍hgbɛ̍.
Ǎn tìh kma nyɔ̍, pò à wlùh se̍ à kɛ̀n sà-ɛ, nɛ̀ à mu̍ wlì i̍ bɛ̌ dǒ Nyɔsoa jǔ.