1 Chɔɔn 3:18 - Ku̍o̍ Delee 1999

¹⁸ Nɛ̀ɛ̍, ǎn nynuu̍, à jbɛɛ-ɛ bɔ̌ dǒ wɔ̍i̍n nɛ-ɛ sǔh. Jɛ mɔ̀ à nu̍ ɛ̍ sɔ̍nᵻ dě tìh-a taǐn di̍i̍.

1 Chɔɔn 3:18 Iomraidhean Croise

Pɔ̀n Chɛ̀ Luu To-a La 7:5

Dɛ̍nu̍ɛ, ɔ̍ jbɛɛ à nyɔ̍-ɔ, iě ɔ̍ po̍ à wɛɛ sà gbò.”

Chɔɔn 17:19

U̍h-a tìh bo ǐn tè-e ǎn chɛ̀ pɔ̌, wɛ̀ ǎn tìh-a taǐn iě u̍h pɔ̌ tè-e ke.

Wloma 12:9

Mɔ̀-a jbɛɛ bɔ̌ kǐh i̍ nɛ-ɛ. Mɔ̀ faɛn dɛ̍ sɔ̀n-ɔ, mɔ̀ iě dɛ̍ chɛ̀ sɔ̍nᵻ sɔɔ̌n i̍ gbɛ̍n-ɛ.

Kelesea 5:13

Ǐn de̍di̍i̍ᵻ, mɔ̀ɔ̍ nɔ̀ɔ̍, mɔ̀ dǎ-ɛ mɔ̀ iě de̍e̍ i̍ flɔn. Jɛ mɔ̀ bɔ̌ mɔ̀-a de̍e̍ i̍ flɔn-ɛ dǔ-ɛ, wɛ̀ mɔ̀ bɔ̌ ɛ̍ gblɛ̍n sɔ̀ɛ̀n nui-ɛ. Jɛ jɔ-ɛ, nɛ̀ ɔ̍ dbee ɔ̍ ba̍ jǔ dě jbɛɛ di̍i̍.

Ɛfɛsɔ 4:15

Jɛ pò à ja la̍ tìh-a taǐn sà dě jbɛɛ di̍i̍-ɛ, nɛ̀ à mu̍ ku̍ tà kli̍hgbɛ̍ wɛ̀ à iě Klai wɔ̀ ɔ̀ nu̍-a chɔchi̍h-a dlǔ-ɛ.

1 Tɛsoloniɔn 1:3

Mɔ̀-a wlùh gbaɛ ɛ̀ blě-a nu̍-dɛ̍ᵻ ke jbɛɛ ɛ̀ nɛ-a kmu-u dbo̍ de̍e̍-ɛ, ɛ̍ ke mɔ̀-a à Joi Jusu Klai wlì tè-ɛ ɛ̀ ku̍-ae klì i̍-ɛ, pò à nɛ dǒ à Baa Nyɔsoa jǔ-ɛ, nɛ̀ à nu̍ i̍h wlùh we̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Chɔɔn 2:1

Ǎn nynuu̍, ǎn chlǐh mɔ̀ ɛ̀ la we̍ wɛ̀ mɔ̀-ɔ je̍e gblɛ̍n sɔ̀ɛ̀n nu̍. Jɛ pò mɔ̀-a nyɔ̍ nu̍ gblɛ̍n sɔ̀ɛ̀n-ɛ, à blě à we̍ gbǎ nyɔ̍ dě Baa Nyɔsoa we̍. Ɔ̍ bo ɔ̀ nu̍-a Jusu Klai ɔ̀ slɛ̌-a i̍-ɛ.

1 Chɔɔn 3:7

Ǎn nynuu̍, mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ. Nyɔ̍ jɔ nu̍-a i̍ slɛ̌-dɛ̍-ɛ, nɛ̀ ka Klai nu̍-a i̍ slɛ̌-ɛɛ, nɛ̀ kǎ ɔ̍ nɛ wɛ̀ ke.

2 Chɔɔn 1:1

Chlǐh-dɛ̍ la ɛ̍ sɔ nɔ̌ mɔ̍ ɔ̀ nu̍-a mɔ̀-a Klaa-ɛ we̍. Ɛ̍ mu̍ dě Nynɔ̌ Chɛ̀ ɔ̀ Nyɔsoa tba̍-a chèɛ̀-ɛ ke ɔ̍ nynuu̍ we̍. Ǐn jbɛɛ mɔ̀-ɔ dě tìh-a taǐn di̍i̍. Ɛ̍ se̍ ǐn nɛ due, jɛ nyɔ̍ kli̍hgbɛ̍ ùh juo-a tìh-a taǐn-ɛ, u̍h jbɛɛ mɔ̀-ɔ ke.

3 Chɔɔn 1:1

Chlǐh-dɛ̍ la ɛ̍ sɔ nɔ̌ mɔ̍ ɔ̀ nu̍-a mɔ̀-a Klaa-ɛ we̍. Ɛ̍ mu̍ dě ǎn tìh kma nyɔ̍ Kaeɔ we̍, ɔ̀ kɔn tìh ǐn kma-a dě tìh-a taǐn di̍i̍-ɛ.