1 Chɔɔn 3:17 - Ku̍o̍ Delee 1999

¹⁷ Pò nyɔ̍ pàn da̍a kmɔ̌ la we̍, wɛ̀ ɔ̍ iě ɔ̍ de̍di̍i̍ jě ɔ̍ iě dɛ̍ ɔ̍ nɛ-a blě ka̍-a i̍ pɔ̀n, wɛ̀ ɔ̍ iě wlùh kàà po̍ dǒ ɔ̍ we̍-ɛ, nɛ̀ ka ɔ̍ nu̍ Nyɔsoa-a jbɛɛ dluwe̍ i̍ gba̍-a ɛ?

1 Chɔɔn 3:17 Iomraidhean Croise

Pɔ̀n Chɛ̀ Luu To-a La 3:11

Iě ɔ̍ sà u̍h-a wlu̍ pɔ̀n we̍. Ɔ̍ la̍a̍, “Nyɔ̍ ɔ̀ blě-a wola̍ᵻ sɔɔ̌n-ɛ, ɔ̍ nyǐ nyɔ̍ ɔ̀ se̍-a wola̍ blě-ɛ due. Nɛ̀ nyɔ̍ ɔ̀ blě-a di̍-dɛ̍ᵻɛ́, kǎ ɔ̍ iě nu̍ ke.”

2 Kɔwlɛntiɔn 8:9

Mɔ̀ juo à Joi Jusu Klai-a blɛ nɛ-ɛ. Ɔ̍ pàn-ɛ de, jɛ ɔ̍ nu̍ ɔ̍ chɛ̀ nyɔ̍gbà nyɔ̍ we̍i̍ mɔ̀-a tìh, wɛ̀ ɔ̍ nyɔ̍gbà pa̍-a iě ɛ̍ nu̍ mɔ̀ iě pàn.

Iblu 13:16

Mɔ̀ kɔn mɔ̀ iě dɛ̍ᵻ chɛ̀ nu̍. Dɛ̍ᵻ mɔ̀ blě-aɛ, mɔ̀ nmɔ-ɛ i̍h wlùh, dɛ̍nu̍ɛ, dɛ̍ᵻ kaɛn laa̍ bo ìh wɔ̀ slaǎ sà-a ìh-a tè-ea Nyɔsoa-a wlùh i̍-ɛ.

Chiin 2:15

Nɛ̀ pò ìn de̍di̍i̍ᵻ jɔ̍gbauᵻ àe̍e̍ ìn de̍di̍i̍ᵻ nynɔ̌gbaɔᵻ se̍ jlii̍ àe̍e̍ di̍-dɛ̍ blě

Chiin 2:16

wɛ̀ mɔ̀-a nyɔ̍ iě ka dǎ dě u̍h we̍, “Mɔ̀ mu̍ mɔ̀-a dɛ̍ pɛlɛpɛ, seɔn bɔ̌ mɔ̀ nu̍-ɛ mɔ̀ iě dbo̍-oɛ,” nɛ̀ dɛ̍ àn wlu̍-a sǔh gbǎ-ɛ u̍h we̍ ɛ? Dɛ̍nu̍ɛ, ìn se̍ u̍h dɛ̍ᵻ u̍h nɛ-a blě ka̍-a nyǐ.

1 Chɔɔn 4:20

Pò nyɔ̍ la̍ ɔ̍ jbɛɛ Nyɔsoa wɛ̀ ɔ̍ iě ɔ̍ de̍di̍i̍ faɛn-ɛ, nɛ̀ si̍h nyɔ̍ bo. Dɛ̍nu̍ɛ, pò ɔ̍ faɛn ɔ̍ de̍di̍i̍ jɔ ɔ̍ jě-aɛ, nɛ̀ ɔ̍ se̍ Nyɔsoa jɔ ɔ̍-ɔ se̍a jě-ɛ jbɛɛ bɛ̌ɛ.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.