1 Chɔɔn 3:15 - Ku̍o̍ Delee 1999

¹⁵ Nyɔ̍-o-nyɔ̍ ɔ̀ faɛn-a ɔ̍ de̍di̍i̍-ɛ, nɛ̀ nyɔ̍ gbe̍ja̍a̍ po̍ nyɔ̍ bo. Mɔ̀ juo ɛ̍-ɛ nyɔ̍ gbe̍ja̍a̍ po̍ nyɔ̍ se̍ kmɔ̌ sie feɛ blě.

1 Chɔɔn 3:15 Iomraidhean Croise

Matio 5:28

Jɛ mɔ̍ɔ, kǎ ǐn dǎ ka o, nyɔ̍ ɔ̀ mu̍-a ɔ̍ ba̍-a nynɔ̌-a chɛ̀ ja̍ gbɛ̀n wɛ̀ nynɛ̌à dɛ iě-a dě ɔ̍ di̍i̍ gbǎ dǒ nynɔ̌ laa̍ we̍-ɛ, nɛ̀ ɔ̍ wɔ̀ ɔ̍ nynɛ̌à we̍ nu̍-ɛ wɛ̀ se̍e̍ dǒ ɔ̍ wlùh kɛ̍n.

Pɔ̀n Chɛ̀ Maɛ To-a La 6:19

Sɔ Ɛlodia blě-e Chɔɔn di̍i̍ i̍ wɛ̀ sǔh, iě ɔ̍ pɔ̀n ɔ̍ dbǎ-a i̍. Jɛ nɛ̀ ɔ̍-ɔ jě ɛ̍ ka̍,

Chɔɔn 4:14

Jɛ nyɔ̍-o-nyɔ̍ ǎn mu̍-a nǐ nyǐ wɛ̀ ɔ̍ iě ɛ̍ nǎ-ɛ, nɛ̀ dǒ ɔ̍ wlì se̍ gba̍ bǔ dɛ. Nǐ ǎn mu̍-a ɔ̍ nyǐ-ɛ, ɛ̍ mu̍ kao̍dlu nu̍ dě ɔ̍ ja̍a̍, wɛ̀ ɛ̍ klɛ̀nklɛ̀n iě ɔ̍ kmɔ̌ sie feɛ nyǐ.”

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

Nu̍-dɛ̍ᵻ 23:12

Wɛ̀ Juu nyɔ̍-a gbɔ̍ sɔ̌ klàɛ̍we̍ iě u̍h tè u̍h-a chɛ̀ di̍i̍h. U̍h la̍ u̍h se̍ niɛ̍ nǎ mu̍ te̍e̍ wɛ̀ u̍h iě Pɔɔ dbǎ-a wɔ̀.

Nu̍-dɛ̍ᵻ 23:14

Wɛ̀ u̍h mu̍ dě slaǎ sà nyɔ̍ klaaᵻ ke nyɔ̍ klaaᵻ we̍, u̍h la̍a̍, “À tè à chɛ̀ di̍i̍h slèěslè, à la̍ à se̍ niɛ̍ nǎ mu̍ te̍e̍ wɛ̀ à iě Pɔɔ dbǎ.

Chiin 1:15

Nɛ̀ pò ɔ̍ wlùh dɛ̍ᵻ nɛ kwlǐ-ɛ, nɛ̀ i̍h wlǔh-i gblɛ̍n sɔ̀ɛ̀n. Nɛ̀ pò gblɛ̍n sɔ̀ɛ̀n ku̍ gbo̍gbo̍-ɛ, nɛ̀ ɛ̍ wlǔh-i mɛ̌ɛ.

1 Pitɛ 1:23

Ɛ̍ se̍ baa jɔ-a mu̍-a mɛ̌-ɛ ja̍a̍ mɔ̀ se̍ wlǔh-i, jɛ dě jɔ se̍-a mɛ̌ mu̍-ɛ ja̍a̍ bo mɔ̀ wlǔh-i. Dɛ̍nu̍ɛ, Nyɔsoa-a wlu̍ ɛ̀ nɛ-a kmɔ̌, ɛ̀ se̍-a i̍ wɛ̀ la̍ kɔn-ɛ, dě ɛ̍ di̍i̍ bo mɔ̀ wlǔh-i wɛ̀ dode̍.

1 Chɔɔn 2:11

Jɛ nyɔ̍ ɔ̀ faɛn-a ɔ̍ de̍di̍i̍-ɛ, nɛ̀ ɔ̍ nɛ dě kwile-e, iě ɔ̍ na-ɛ dě kwile-e. Nɛ̀ ɔ̍ se̍ ɔ̍ chɛ̀-a mu̍-i la̍ juo, dɛ̍nu̍ɛ, kwile gbe-e dě ɔ̍ jlǐh.

1 Chɔɔn 2:9

Nyɔ̍ jɔ ɔ̀ la̍ ɔ̀ nɛ-a dě sɔ̀npli di̍i̍ wɛ̀ ɔ̀ faɛn-a ɔ̍ de̍di̍i̍-ɛ, nɛ̀ ɔ̍ nɛ dě kwile-e ke̍.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”