1 Chɔɔn 3:14 - Ku̍o̍ Delee 1999

¹⁴ À juo ɛ̍-ɛ à sì dě mɛ̌ɛ di̍i̍ wɛ̀ iě à jɛɛ feɛ, dɛ̍nu̍ɛ, à jbɛɛ à de̍di̍i̍ᵻ. Jɛ nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ, nɛ̀ ɔ̍ nɛ dě mɛ̌ɛ di̍i̍ ke̍.

1 Chɔɔn 3:14 Iomraidhean Croise

Matio 25:40

Nɛ̀ Blǔh Baa-a mu̍ ka dǎ dě u̍h we̍, ‘Bɔ̌ ǐn sèàɛ̍ mɔ̀ wlùh, dɛ̍ jɛ mɔ̀ nu̍-a dǒ ǐn de̍di̍i̍ᵻ la u̍h-a bla̍-a jlǐhɛ̍ dlǔ-ɛ we̍-ɛ, nɛ̀ mɔ̀ nu̍ ɛ̍ ǐn pùn wɛ̀.’

Pɔ̀n Chɛ̀ Luu To-a La 15:24

Dɛ̍nu̍ɛ, ǎn jǔ la ɔ̍ mɛ̌-ɛ de, wɛ̀ ɔ̍ wlǔh-e. Ɔ̍ mǎ-ɛ de, wɛ̀ ɔ̍ jě-ɛ wɛ̀.’ Wɛ̀ u̍h tè mɔna̍ nu̍-ɛ gbɔ̀.

Pɔ̀n Chɛ̀ Luu To-a La 15:32

À kɔn à iě mɔna̍ nu̍ à iě de̍le. Dɛ̍nu̍ɛ, ìn deǐ la ɔ̍ mɛ̌-ɛ de, wɛ̀ ɔ̍ wlǔh-e. Ɔ̍ mǎ-ɛ de, wɛ̀ ɔ̍ jě-ɛ wɛ̀.’ ”

Pɔ̀n Chɛ̀ Luu To-a La 7:5

Dɛ̍nu̍ɛ, ɔ̍ jbɛɛ à nyɔ̍-ɔ, iě ɔ̍ po̍ à wɛɛ sà gbò.”

Chɔɔn 13:35

Pò mɔ̀ jbɛɛ we̍-ɛ, nɛ̀ nyɔ̍ kli̍hgbɛ̍-a mu̍ ɛ̍ i̍ juo ka mɔ̀ nu̍-a ǎn kòà-ɛ.”

Chɔɔn 15:12

Ɛ̀ la bo ɛ̀ nu̍ ǎn telě, ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Chɔɔn 15:17

Ɛ̀ la bo ɛ̀ nu̍ telě ǐn siee mɔ̀, ɛ̍ nu̍ mɔ̀ jbɛɛ we̍.

Chɔɔn 5:24

“Tìh-a taǐn ǎn sèàɛ̍ mɔ̀ wlùh, pò nyɔ̍ wɔ̌n ǎn wlu̍ wɛ̀ ɔ̍ iě nyɔ̍ ɔ̀ dbo̍-a m-ɛ wlùh gbaɛ-ɛ, nɛ̀ ɔ̍ blě kmɔ̌ sie feɛ. Nɛ̀ tìh se̍ ɔ̍ gbɛ̍n mu̍ dɛ, nɛ̀ ɔ̍ chɛ̍n dǒ mɛ̌ɛ we̍ tìè iě ɔ̍ jɛɛ feɛ.

2 Kɔwlɛntiɔn 5:1

À juo ka pò à nyi̍ɔ̍ku la ɛ̀ wɔ̀-a wɛ̀ɛ̀ sɔ̍n wlù à tǐn-ae di̍i̍-ɛ, pò ɛ̍ gbɔ̀lɔ-ɛ, Nyɔsoa-a mu̍ gbò blě dě ja̍i̍wlɔ̀ à iě dě ɛ̍ di̍i̍ tǐn. Gbò ɔ̍ chɛ̀ po̍-a ɛ̀ se̍-a gbɔ̀lɔ mu̍ nɔ̌ kmɔ̌-a kmɔ̌-ɛ bo.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Ɛfɛsɔ 1:15

Ka Nyɔsoa nyǐ-a à pɔ̀ìě la-ɛ, ti̍ ǐn wɔ̌n-a mɔ̀-a nynɛ̌ ka mɔ̀ gbaɛ-a Joi Jusu wlùh iě mɔ̀ jbɛɛ-a Nyɔsoa nyɔ̍ kli̍hgbɛ̍-ɛ,

Ɛfɛsɔ 2:1

Ti̍ mɔ̀-a nu̍-a gblɛ̍n sɔ̀ɛ̀n mɔ̀-a wa̍-a Nyɔsoa-a telě-ɛ, nɛ̀ mɔ̀ mɛ̌ wlɔ̀ i̍ de.

Ɛfɛsɔ 2:5

Ɛ̍ kɔn ti̍ à mɛ̌-a dě à telě wa̍-a di̍i̍-ɛ, wɛ̀ ɔ̍ nu̍ ɛ̍ iě à ke Klai wlǔh-e dǒ tàdùè. Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀.

Kalase 1:4

Ka mɔ̀ gbaɛ-a Jusu Klai wlùh-ɛ, ɛ̍ kɔn pɔ̀n bo à wɔ̌n, ɛ̍ ke ka mɔ̀ kma-a Nyɔsoa nyɔ̍ kli̍hgbɛ̍-a tìh-ɛ ke.

1 Tɛsoloniɔn 4:9

Nyɔ̍-o-nyɔ̍ se̍ kɔn ɔ̍ iě mɔ̀ we̍ chlǐh dǒ mɔ̀ de̍di̍i̍ᵻ jbɛɛ dɛ we̍. Dɛ̍nu̍ɛ, mɔ̀ɔ̍ bo Nyɔsoa po̍ nǎ wɛ̀ dǒ we̍ jbɛɛ dɛ we̍.

Iblu 13:1

Ka Klai nu̍-a mɔ̀ de̍di̍i̍ᵻ we̍i̍-ɛ, nɛ̀ we̍ jbɛɛ bo mɔ̀ iě dluwe̍ i̍ gba̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Pitɛ 3:8

Nɛ̀ɛ̍, mɔ̀ kli̍hgbɛ̍ mɔ̀ blě wlùh due, mɔ̀-a ku̍-a chlɛ̌n-ɛ iě due nɛ. Mɔ̀ jbɛɛ mɔ̀ ba̍ᵻ Nyɔsoa nyɔ̍-ɔ, nɛ̀ mɔ̀ nmɔ gblɛ̍n-ɛ, mɔ̀ bɔ̌ mɔ̀-a chɛ̀ i̍ bɛ̌-ɛ.

2 Pitɛ 1:7

Dǒ Nyɔsoa dɛ-ɛ nɛ-ɛ de̍e̍ laa̍ mɔ̀ iě-o kɛ̍n i̍ gbe̍ɛ̍ɛn po̍, wɛ̀ dǒ kɛ̍n i̍ gbe̍ɛ̍ɛn de̍e̍ laa̍ mɔ̀ iě-o nyɔ̍ tìh kma-a po̍.

1 Chɔɔn 2:3

Pò à tè-o Nyɔsoa-a telě i̍-ɛ, nɛ̀ à juo-o dɛ̍ i̍ wɛ̀ ka à juo-a ɔ̍-ɛ.

1 Chɔɔn 3:23

Ɔ̍ telě-a chɛ̀ nu̍, à gbaɛ ɔ̍ Jǔ Jusu Klai wlùh, à iě we̍ jbɛɛ. Kǎ ɔ̍ nu̍ à wlùh sèàɛ̍.

1 Chɔɔn 4:12

Nyɔ̍-ɔ se̍a Nyɔsoa jě. Jɛ pò à jbɛɛ we̍-ɛ, nɛ̀ Nyɔsoa nɛ dě à ja̍a̍, iě ɔ̍ jbɛɛ wɛ̀ gblɛ̍ja̍i̍ dě à ja̍a̍.

1 Chɔɔn 5:13

Mɔ̀ɔ̍ ùh gbaɛ-a Nyɔsoa-a Jǔ wlùh-ɛ, ǎn chlǐh mɔ̀ ɛ̀ la we̍ wɛ̀ mɔ̀ iě ɛ̍ juo ka mɔ̀ blě-a kmɔ̌ sie feɛ-ɛ.

1 Chɔɔn 5:2

À jbɛɛ Nyɔsoa-a iě à jě ɔ̍ telě dɛ̍ɛ̍, dǒ à juo-e dɛ̍ i̍ ka à jbɛɛ-a ɔ̍ nynuu̍-ɛ.