1 Chɔɔn 3:13 - Ku̍o̍ Delee 1999

¹³ Ǐn de̍di̍i̍ᵻ, pò kmɔ̌-a nyɔ̍ faɛn mɔ̀ɔ̍-ɛ, nɛ̀ ɛ̍ bɔ̌ mɔ̀ i̍ kèle-ɛ.

1 Chɔɔn 3:13 Iomraidhean Croise

Matio 10:22

Nɛ̀ ǎn tìh-ɛ nyɔ̍ kli̍hgbɛ̍-a mu̍ mɔ̀ faɛn. Jɛ nyɔ̍ ɔ̀ mu̍-ae klì i̍ ku̍ wɛ̀ ɛ̍ iě-a dlǔ i̍ chlà-ɛ, nɛ̀ ɔ̍ mu̍ pǔh.

Matio 24:9

“Nɛ̀ mɔ̀-a mu̍ gbɛ̍n-ɛ, u̍h iě mɔ̀ klě jě-e, wɛ̀ mɔ̀ iě ɛ̍ sɔ̀n mɛ̌-ɛ. Nɛ̀ ǎn tìh-ɛ nyɔ̍ kli̍hgbɛ̍-a mu̍ mɔ̀ faɛn.

Pɔ̀n Chɛ̀ Maɛ To-a La 13:13

Nɛ̀ ǎn tìh-ɛ nyɔ̍ kli̍hgbɛ̍-a mu̍ mɔ̀ faɛn. Jɛ nyɔ̍ ɔ̀ mu̍-ae klì i̍ ku̍ wɛ̀ ɛ̍ iě-a dlǔ i̍ chlà-ɛ, nɛ̀ ɔ̍ mu̍ pǔh.

Pɔ̀n Chɛ̀ Luu To-a La 21:17

Nyɔ̍ kli̍hgbɛ̍-a mu̍ mɔ̀ faɛn ǎn tìh.

Pɔ̀n Chɛ̀ Luu To-a La 6:22

“Mɔ̀ɔ̍ ùh nyɔ̍ɔ faɛn-a, u̍h-a chlèe-a u̍h-a dǎɛ-a dɛ̍ᵻ sɔ̀nᵻ nyɔ̍ wɛ̀ u̍h se̍-a jě-ɛ jbǎ Nyi̍ɔ̍-a Jǔ tìh-ɛ, nɛ̀ mɔ̀ nmɔ i̍.

Chɔɔn 16:2

U̍h-a mu̍ mɔ̀ sɔ̀n i̍ po̍ wɛɛ sà gbòᵻ sɔ̀n i̍. Ɛ̍ mu̍ ti̍ kɔn wɛ̀ nyɔ̍ ɔ̀ mu̍-a mɔ̀ dbǎ-ɛ ɔ̍ iě ɛ̍ Nyɔsoa wɛɛ sà-a dǎɛ.

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Chɔɔn 17:14

Ǐn po̍ àn tu̍owli wɛ̀ dě u̍h we̍, iě kmɔ̌ faɛn u̍h ka. Dɛ̍nu̍ɛ, ɛ̀ kɔn ba̍ ǐn se̍-a dǒ kmɔ̌ we̍ kɔn-ɛ, kǎ u̍h nɛ wɛ̀ ke.

Chɔɔn 3:7

Nyɔ̍ kɔn nyɔ̍ iě wlǔh dode̍ tìh ǎn sà-a dě ìn we̍-ɛ, ɛ̍ bɔ̌ ìn i̍ kèle-ɛ.

Chɔɔn 7:7

Mɔ̀ɔ̍ nɔ̀ɔ̍, kmɔ̌ se̍ mɔ̀-ɔ faɛn, jɛ mɔ̍ɔ, ɛ̍ faɛn m. Dɛ̍nu̍ɛ, ǎn sèàɛ̍ ɛ̍ wlùh ma̍u̍ ka ɛ̍ nu̍-a dɛ̍ᵻ sɔ̀nᵻɛ́.

Nu̍-dɛ̍ᵻ 3:12

Dɛ̍ u̍h nu̍-a dǒ u̍h we̍ wlǎ-aɛ, ɛ̍ bo Pitɛ jě wɛ̀ ɔ̍ la̍a̍, “Mɔ̀ɔ̍ Eslɔɛ nyɔ̍, dɛ̍nu̍ ɛ̍ kèle mɔ̀ i̍ iě mɔ̀-a gbɛ̀n à ja̍ sòo̍sòo̍ ɛ? Jɔ̍gbau la mɔ̀ jajeɛ̍ à chɛ̀-ɛ gbǐh ke Nyɔsoa nyɔ̍ chɛ̀ nu̍-ɛ bo ɛ̀ na-ɛ ɔ̍ ae?

Wloma 8:7

Nɛ̀ɛ̍, nyɔ̍ ɔ̀ kɔn wlùh gblɛ̍n sɔ̀ɛ̀n-a tu̍ kɔn-a wlu̍ i̍-ɛ, nɛ̀ ɔ̍ tbaɛ Nyɔsoa bu̍hᵻ i̍. Ɔ̍ se̍ Nyɔsoa-a telě dɛ̍ɛ̍ jě-ɛ bɛ̌ɛ, ka ɛ̍ nɛ chɛ̀.

2 Timote 3:12

Ɛ̍ se̍ pàɔ̀n, nyɔ̍-o-nyɔ̍ ɔ̀ pɔ̀n-a dě Nyɔsoa-a kmɔ̌ di̍i̍ nɛ-ɛ i̍ dě Jusu Klai ja̍a̍-ɛ, u̍h-a mu̍ ɔ̍ klě jě-e gbɔ̀gbɔ̀.

Chiin 4:4

Mɔ̀ɔ̍ la ùh sɔ-a dǒ Nyɔsoa de̍e̍-ɛ, ka pò nyɔ̍ jbɛɛ kmɔ̌-ɛ, nɛ̀ ɔ̍ nu̍-a Nyɔsoa-a nyɛ̌-nyɔ̍-ɛ, mɔ̀ se̍ i̍h juo ae? Nyɔ̍ jɔ pɔ̀n-a kmɔ̌-a jbɛɛ nyɔ̍ nu̍-ɛ i̍-ɛ, nɛ̀ ɔ̍ nu̍ ɔ̍ chɛ̀ Nyɔsoa-a nyɛ̌-nyɔ̍ we̍i̍.

Wlɛfeleseɔn 17:7

Wɛ̀ ǐnchɔ̀ la̍a̍ dě ǐn we̍, “Dɛ̍nu̍ ɛ̍ flɔn-ɛ ìn wɔ̍n ɛ? Ǎn mu̍ ìn nynɔ̌ la ɔ̍ sìle dɛ̍-a gbɔ̀ wlùh sèàɛ̍, ɛ̍ ke nmi̍ɛ̍ ɛ̀ blě-a dlǔᵻ mɛ̀sɔɔ̌n ke gbɔ̀nᵻ pùè ɛ̀ kɔn kɛ̍n ɔ̍ tè-a i̍-ɛ ke.