1 Chɔɔn 3:12 - Ku̍o̍ Delee 1999

¹² Mɔ̀ à bɔ̌ Kein-a dɛ nu̍-ɛ. Ɔ̍ kɔn dǒ Nyɔ̍ Sɔ̀n we̍, ɛ̍ kɔn ɔ̍ po̍ ɔ̍ de̍di̍i̍ gbe̍ja̍a̍. Kein po̍ ɔ̍ gbe̍ja̍a̍, dɛ̍nu̍ɛ, Kein naɛ nu̍-dɛ̍ᵻ klǐ-i, iě ɔ̍ de̍di̍i̍ naɛ slɛ̌ i̍.

1 Chɔɔn 3:12 Iomraidhean Croise

Matio 13:19

Nyɔ̍ ùh wɔ̌n-a Nyɔsoa-a kmɔ̌ wlu̍ i̍ kɔn-ɛa tu̍owli wɛ̀ u̍h se̍-a ɛ̍ i̍ wɔ̌n-ɛ, nɛ̀ Nyɔ̍ Sɔ̀n laa̍ bo ɔ̀ ji̍ wɛ̀ ɔ̍ sà ɛ̍ dǒ u̍h wlùh kɛ̍n. Ɛ̍ bo ɛ̀ nu̍-a dɛ̍ᵻ jɔ̌ ìh gbǎ-a dǒ wìè gblùh i̍ laa̍ na̍wɛ̍ᵻ sà-o.

Matio 13:38

Klè bo ɛ̀ nu̍ kmɔ̌, nɛ̀ dɛ̍ᵻ jɔ̌ chɛ̀ laa̍ bo ìh nu̍ nyɔ̍ ùh kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ. Pei laa̍ bo ìh nu̍ nyɔ̍ ùh kɔn-a dǒ Nyɔ̍ Sɔ̀n laa̍ we̍-ɛ.

Matio 23:35

Ka ɛ̍ nɛ-a ka-ɛ, i̍ slɛ̌-nyɔ̍ ùh kɔn nymɔ̍ wlǎ-a i̍ nɔ̌ bloɔ̍-ɛ, ɛ̀ sɔ-a dě i̍ slɛ̌-nyɔ̍ Ebɛ we̍ wɛ̀ ɛ̍ iě-a Bɛwlekaɛ-a jǔ Sɛɛkewlaɛɔ jɛɛ-ɛ, ɔ̀ mɔ̀ poe-a gbe̍ja̍a̍ dǒ gblǒ ke Nyɔsoa-a slaǎ sà gbò nynɛ̌ we̍-ɛ, u̍h-a tìh-a mu̍ dǒ mɔ̀ dlǔ i̍ tè.

Matio 27:23

Wɛ̀ Pale tèle u̍h i̍, ɔ̍ la̍a̍, “Dɛ̍ ɛ? Dɛ̍ sɔ̀n we̍ ɔ̍ nu̍ ɛ?” Sɔ u̍h sà slɛ̀ wɔ̍n dɛ chɛ̀ɛ̌chɛ̀, u̍h la̍a̍, “À la̍a̍, kɔ̍ ɔ̍ dǒ gbàɛ̍ kɛ̍n i̍ tu̍ wlì.”

Matio 5:37

Ɛ̍ tìh pò ìn ja dɛ̍ we̍ wɔ̌ɛn mu̍-ɛ, nɛ̀ nàa̍, ‘Ào̍,’ iě pò ìn se̍ wɔ̌n mu̍-ɛ, nɛ̀ nàa̍, ‘Iěe.’ Jɛ pò dɛ̍ dɛɛ gbǎ-oɛ, nɛ̀ ɛ̍ sɔ dě Nyɔ̍ Sɔ̀n laa̍ we̍.”

Pɔ̀n Chɛ̀ Luu To-a La 11:51

sɔ dě Ebɛ-a nymɔ̍ we̍ wɛ̀ ìè Sɛɛkewlaɛɔ jɔ u̍h dbǎ-ɛa dǒ gblǒ ke Nyɔsoa-a slaǎ sà gbò nynɛ̌-ɛ, ìè ɔ̍ naɛ jɛɛ-ɛ. I̍i̍n, ǎn sèàɛ̍ mɔ̀ wlùh, u̍h-a tìh-a mu̍ dǒ ti̍laa nyɔ̍ dlǔ i̍ tè.

Chɔɔn 10:32

Wɛ̀ Jusu la̍a̍ dě u̍h we̍, “Dbo̍ chɛ̀ dɔu ǐn Baa nyǐ-a m iě-a nu̍-ɛ, ǐn nu̍ i̍h iě mɔ̀ jě i̍h. I̍h-a jɛwe̍ kɔn tìh mɔ̀-a pɔ̀n ǐn sɔɔ̌ᵻ i̍ tbaɛ-ɛ i̍ ɛ?”

Chɔɔn 8:40

Tìh-a taǐn ǐn wɔ̌n-a dě Nyɔsoa we̍-ɛ, ɛ̍ bo ǐn sèàɛ̍ mɔ̀ wlùh. Jɛ mɔ̀-a pɔ̀n ǐn dbǎ-a i̍. Ìh la mɔ̀-a nu̍-aɛ, Eblaɛɛn se̍ i̍h nu̍.

Chɔɔn 8:41

Mɔ̀ baa we̍ dɛ̍ᵻ bo mɔ̀-a nu̍.” Iě u̍h la̍a̍, “Nyɔsoa due bo ɔ̀ nu̍ à Baa, àɔ̀ ɔ̍ chɛ̀-a tèkɛ̍n gbe̍i̍n.”

Nu̍-dɛ̍ᵻ 7:52

Nyɔsoa-a tu̍owli po̍ nyɔ̍ jɔwe̍ bo mɔ̀ baaᵻ se̍ klě jě-e ɛ? Kǎ u̍h nu̍ tɛin wɛ̀ ùh po̍-a gbànwli I̍ Slɛ̌ Nyɔ̍-a ji̍-i tìh-ɛ, iě u̍h dbǎ u̍h. Ɔ̍ chɛ̀ bo mɔ̀ sà-a kwlǎ, iě mɔ̀ poe-a gbe̍ja̍a̍.

1 Tɛsoloniɔn 2:14

Ǐn de̍di̍i̍ᵻ, Nyɔsoa-a chɔchi̍h nyɔ̍ ùh nɛ-a dě Jusu Klai ja̍a̍ dě Judia fɔɔ-ɛ, mɔ̀-a sà-e u̍h-a wɔ̀ɔ̀ i̍. Ɛ̀ kɔn ba̍ mɔ̀-a chɛ̀-a blǐ nyɔ̍ nu̍-a mɔ̀ jua̍i̍ sàɛ̀-ɛ, ɛ̍ kɔn ba̍ bo u̍h nu̍ jua̍i̍ sàɛ̀ ke dě Juu nyɔ̍ kwa̍a̍.

Iblu 11:4

Ebɛ-a wlùh gbaɛ blě-ɛ bo ɛ̀ nu̍ ɛ̍ iě ɔ̍ sà slaǎ chɛ̀ ɛ̍ sìì Kein naɛ. Ebɛ-a wlùh gbaɛ blě-ɛ bo ɛ̀ nu̍ ɛ̍ iě Nyɔsoa po̍ ɔ̍ i̍ slɛ̌-ɛ tìh-a kòò dǒ ti̍ ɔ̍ gbɛ̍n-a ɔ̍ nyǐ-dɛ̍ᵻ i̍-ɛ we̍. Ɔ̍ mɛ̌-ɛ nɔ̀ɔ̍, jɛ à cheǎn-ɛ ɔ̍ wlùh gbaɛ blě-ɛ dɛ̍ we̍ ke̍.

Iblu 12:24

Jusu ɔ̀ nu̍-a tùna̍-i̍-tu̍ iě ku̍o̍ delee poe-aɛ, mɔ̀ ji̍ nɔ̌ ɔ̍ we̍ wɛ̀, ɛ̍ ke nɔ̌ ɔ̍ nymɔ̍ ɛ̀ wlǎ-a i̍-ɛ we̍ ke. Ɔ̍ nymɔ̍ bo ɛ̀ ja wlu̍ chɛ̀ ɛ̍ sìì Ebɛ naɛ nymɔ̍.

1 Pitɛ 4:4

Nyɔ̍ ùh se̍-a Nyɔsoa juo-ɛ, ka mɔ̀ se̍-a u̍h nynɛ̌ gbǎ dě u̍h-a se̍ dɛ̍kɛ̍n gbǎ kmɔ̌ di̍i̍-ɛ, ɛ̍ wlǔh i̍ u̍h de̍e̍. Ɛ̍ kɔn u̍h-a chlèe mɔ̀.

1 Chɔɔn 3:8

Nyɔ̍ jɔ gba̍-a gblɛ̍n sɔ̀ɛ̀n dluwe̍ i̍-ɛ, nɛ̀ ɔ̍ kɔn dǒ Kǔ we̍. Dɛ̍nu̍ɛ, Kǔ sà gblɛ̍n sɔ̀ɛ̀n nu̍-ɛ dě tɔ̀blɔ̍ɔ̍. Ɛ̍ kɔn Nyɔsoa-a Jǔ ji̍ wɛ̀ ɔ̍ iě Kǔ-a nu̍-dɛ̍ᵻ i̍ gbɔ̀lɔ.

Judi 1:11

Chlě dǒ u̍h we̍, dɛ̍nu̍ɛ, u̍h-a sà-e Kein-a wɔ̀ɔ̀ i̍. U̍h iě wlǐ jě klùh tìh, ɛ̍ kɔn u̍h-a tèwe. Iě u̍h sìì wìè ka Belɛm-ɛ. U̍h-a blaɛ tùn blě nyɔ̍ wɔ̍n ka Kɔwla-ɛ, ɛ̍ bo ɛ̀ mu̍ u̍h-u gbɔ̀lɔ.

Wlɛfeleseɔn 17:6

Nyɔsoa nyɔ̍ ùh dbǎ-ɛa Jusu-a tìh i̍ sà tìh-ɛ, ǐn jě nynɔ̌-a chɛ̀, nɛ̀ ɔ̍ nǎ u̍h-a nymɔ̍, iě ɛ̍ sìèè ɔ̍ wlì. Ǐn jě-a ɔ̍-ɛ, sɔ ɛ̍ flɔn-ɛ ǐn wɔ̍n kaa̍.