1 Chɔɔn 3:11 - Ku̍o̍ Delee 1999

¹¹ Ɛ̀ nu̍-a tu̍owli mɔ̀ sà-a wɔ̌n-ɛ dě tɔ̀blɔ̍ɔ̍-ɛ, ɛ̍ nu̍, à iě we̍ jbɛɛ.

1 Chɔɔn 3:11 Iomraidhean Croise

Chɔɔn 13:4

Wɛ̀ Jusu sɔ bloɔ̍ dǒ teble̍ gbɔ̀, iě ɔ̍ sà plɛ̀i̍ i̍. Wɛ̀ ɔ̍ tù dle-e baɔ we̍.

Chɔɔn 15:12

Ɛ̀ la bo ɛ̀ nu̍ ǎn telě, ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Kelesea 6:2

Pò jɔ kɔn ba̍ ja tìh jě-ɛ, nɛ̀ ɔ̍ gbǎ ɔ̍ we̍ u̍h iě ɛ̍ kwa̍a̍ i̍ gblè-e. Ɛ̍ ja laan nɛ-ɛ, nɛ̀ mɔ̀-a jě la̍ Klai-a telě kli̍hgbɛ̍ dɛ̍ɛ̍.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

1 Tɛsoloniɔn 4:9

Nyɔ̍-o-nyɔ̍ se̍ kɔn ɔ̍ iě mɔ̀ we̍ chlǐh dǒ mɔ̀ de̍di̍i̍ᵻ jbɛɛ dɛ we̍. Dɛ̍nu̍ɛ, mɔ̀ɔ̍ bo Nyɔsoa po̍ nǎ wɛ̀ dǒ we̍ jbɛɛ dɛ we̍.

1 Timote 1:5

Jbɛɛ ɛ̀ sɔ-a dě pɔluh wlaǎwla we̍-ɛ ke wlùh ɛ̀ se̍-a kɛ̍ i̍ nɛ-ɛ ke wlùh gbaɛ ɛ̀ wɛ̀-a nɛi̍-ɛ, ɛ̍ kɔn tìh ǎn po̍ ìn slɛ̌ chèɛ̀ i̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Pitɛ 3:8

Nɛ̀ɛ̍, mɔ̀ kli̍hgbɛ̍ mɔ̀ blě wlùh due, mɔ̀-a ku̍-a chlɛ̌n-ɛ iě due nɛ. Mɔ̀ jbɛɛ mɔ̀ ba̍ᵻ Nyɔsoa nyɔ̍-ɔ, nɛ̀ mɔ̀ nmɔ gblɛ̍n-ɛ, mɔ̀ bɔ̌ mɔ̀-a chɛ̀ i̍ bɛ̌-ɛ.

1 Pitɛ 4:8

Mɔ̀-a we̍ jbɛɛ-ɛ bo ɛ̀ iě i̍ tìè, ɛ̍ iě dɛ̍ᵻ kli̍hgbɛ̍ sìì. Dɛ̍nu̍ɛ, jbɛɛ-ɛ bo ɛ̀ kaɛn gblɛ̍n sɔ̀ɛ̀n dɔu kɛ̍n.

1 Chɔɔn 1:5

Tu̍owli à wɔ̌n-a dě ɔ̍ Jǔ wɔ̍ɔ̍n wɛ̀ à bla̍-a dě mɔ̀ we̍-ɛ, ɛ̍ nu̍, Nyɔsoa bo ɔ̀ nu̍ sɔ̀npli. Kwile se̍ dě ɔ̍ ja̍a̍ nɛ fu̍u̍.

1 Chɔɔn 4:11

Ǎn tìh kma nyɔ̍, pò Nyɔsoa nu̍ ka à-a jbɛɛ-ɛ, nɛ̀ à kɔn à iě we̍ jbɛɛ ke.

1 Chɔɔn 4:21

Telě la bo Nyɔsoa nyǐ àɔ̀. Ɔ̍ la̍ nyɔ̍ jɔ jbɛɛ-a ɔ̍-ɛ, nɛ̀ ɔ̍ kɔn ɔ̍ iě ɔ̍ de̍di̍i̍ jbɛɛ ke.

1 Chɔɔn 4:7

Ǎn tìh kma nyɔ̍, mɔ̀ à jbɛɛ we̍, dɛ̍nu̍ɛ, jbɛɛ sɔ dě Nyɔsoa we̍. Nyɔ̍ jɔ blě-a jbɛɛ-ɛ, nɛ̀ ɔ̍-ɔ Nyɔsoa-a jǔ, iě ɔ̍ juo Nyɔsoa.

2 Chɔɔn 1:5

Nɛ̀ɛ̍, Nynɔ̌ Chɛ̀, ǐn gbɛ̍n àn bu̍hᵻ i̍, mɔ̀ à iě we̍ jbɛɛ. Ɛ̀ la ɛ̍ se̍ telě delee ǐn se̍ ìn we̍ chlǐh. Jɛ telě à blě-a se̍e̍ sɔ dě tɔ̀blɔ̍ɔ̍-ɛ, ɛ̍-ɛ bo.