1 Chɔɔn 3:10 - Ku̍o̍ Delee 1999

¹⁰ Kǎ à nu̍ ka Nyɔsoa ke Kǔ-a nynuu̍ we̍ sèàɛ̍-ɛ. Nyɔ̍ ɔ̀-ɔ nu̍-a i̍ slɛ̌-dɛ̍-ɛ, nɛ̀ ɔ̍ se̍ Nyɔsoa-a jǔ, ɛ̍ ke nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ ke.

1 Chɔɔn 3:10 Iomraidhean Croise

Matio 13:38

Klè bo ɛ̀ nu̍ kmɔ̌, nɛ̀ dɛ̍ᵻ jɔ̌ chɛ̀ laa̍ bo ìh nu̍ nyɔ̍ ùh kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ. Pei laa̍ bo ìh nu̍ nyɔ̍ ùh kɔn-a dǒ Nyɔ̍ Sɔ̀n laa̍ we̍-ɛ.

Pɔ̀n Chɛ̀ Luu To-a La 6:35

Jɛ mɔ̀ jbɛɛ mɔ̀-a nyɛ̌-nyɔ̍-ɔ, nɛ̀ mɔ̀ nu̍ u̍h dɛ̍ chɛ̀ pùn. Mɔ̀ po̍ u̍h gba̍-aɛ, nɛ̀ mɔ̀ bɔ̌ ɛ̍ sà-a tìh gbàɛ̀. Nɛ̀ mɔ̀-a jě-dɛ̍-a mu̍ wɔ̍n ku̍, wɛ̀ mɔ̀ iě Sìì Nyɔ̍ Wɔ̍n Nyɔsoa-a nynuu̍ nu̍. Dɛ̍nu̍ɛ, ɔ̍ nmɔ gblɛ̍n-ɛa chɛ̀ dǒ nyɔ̍-a nynɛ̌ kɔ̌-ɛ nyɔ̍ ke kà kɔn nyɔ̍ we̍.

Chɔɔn 1:12

Jɛ nyɔ̍ juh gbɛ̍n-a ɔ̍ tìh i̍ iě u̍h gbaɛ-a ɔ̍ wlùh-ɛ, ɔ̍ nu̍ ɛ̍ iě u̍h nu̍ Nyɔsoa-a nynuu̍.

Chɔɔn 11:52

Jɛ ɛ̍ se̍ Juu bloa̍ nɛ due-a tìh ɔ̍ se̍ mɛ̌ mu̍. Jɛ ɔ̍ mɛ̌ɛ-a mu̍ Nyɔsoa-a nynuu̍ ùh gbà-a ja̍i̍-ɛ i̍ gbòe. Wɛ̀ u̍h iě nyɔ̍ due nu̍.

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

Chɔɔn 8:47

Nyɔ̍ ɔ̀ kɔn-a dǒ Nyɔsoa we̍-ɛ, nɛ̀ ɔ̍ wɔ̌n Nyɔsoa-a wlu̍. Ɛ̀ kɔn mɔ̀-ɔ wɔ̌n-a ɔ̍ wlu̍-ɛ, ɛ̍ nu̍ mɔ̀ se̍ dǒ ɔ̍ we̍ kɔn dɛbo.”

Nu̍-dɛ̍ᵻ 13:10

Ɔ̍ la̍a̍, “Mɔ̀ Kǔ-a jǔ, iě ìn faɛn jii̍ nmɔ dɛ̍ᵻ kli̍hgbɛ̍. Nyɔ̍ i̍ boe-ɛ ke gblàa̍ kaɛn kaɛn-a di̍i̍chì bo àn chɛ̍n. Àn chɛ̀ la ìn se̍ Joi-a wlu̍-a klě-e fiǎn-a bɔ̌ mu̍ sǔh ae?

Wloma 13:8

Bɔ̌ nyɔ̍-o-nyɔ̍-a gba̍ gbɛ̍n-ɛ. We̍ jbɛɛ-ɛ tɛ̀ bo ǐn sà-o. Dɛ̍nu̍ɛ, nyɔ̍ ɔ̀ jbɛɛ-a ɔ̍ pònyɔ̍-ɛ, nɛ̀ ɔ̍ jě telě kli̍hgbɛ̍ dɛ̍ɛ̍ wɛ̀.

Ɛfɛsɔ 5:1

Ka mɔ̀ nu̍-a Nyɔsoa-a tìh kma nynuu̍-ɛ, nɛ̀ ɔ̍ wɔ̀ɔ̀ bo mɔ̀ iě-e i̍ sà.

Kalase 3:14

Nɛ̀ dǒ ìh kli̍hgbɛ̍ la kɛ̍n-ɛ, jbɛɛ bo mɔ̀ iě-o po̍. Dɛ̍nu̍ɛ, ɛ̍ bo ɛ̀ ja kɛ̍n i̍ gbe̍ɛ̍ɛn dǒ tà, iě ɛ̍ wɛ̀ kwlǎ.

1 Timote 1:5

Jbɛɛ ɛ̀ sɔ-a dě pɔluh wlaǎwla we̍-ɛ ke wlùh ɛ̀ se̍-a kɛ̍ i̍ nɛ-ɛ ke wlùh gbaɛ ɛ̀ wɛ̀-a nɛi̍-ɛ, ɛ̍ kɔn tìh ǎn po̍ ìn slɛ̌ chèɛ̀ i̍.

1 Chɔɔn 2:29

Pò mɔ̀ juo ɛ̍ ka Klai slɛ̌-a i̍-ɛ, nɛ̀ mɔ̀ juo ɛ̍ ke la̍ sǔh ka nyɔ̍ jɔ ɔ̀ nu̍-a i̍ slɛ̌-dɛ̍-ɛ, nɛ̀ ɔ̍ nu̍-a Nyɔsoa-a jǔ wɛ̀-ɛ.

1 Chɔɔn 3:1

Mɔ̀ jě ka Baa Nyɔsoa nu̍-a à tìh kma-a kaa̍-ɛ. Ɛ̍ tìh ɔ̍ dǎɛ àɔ̀ ɔ̍ nynuu̍. Àɔ̀ Nyɔsoa-a nynuu̍, ɛ̍ kɔn kmɔ̌ se̍ à juo, dɛ̍nu̍ɛ, ɛ̍ se̍ ɔ̍ juo.

1 Chɔɔn 3:2

Ǎn tìh kma nyɔ̍, àɔ̀ Nyɔsoa-a nynuu̍ nɔ̀ɔ̍ wɛ̀, jɛ ka à mu̍-a nɛ dě nya̍-ɛ, ɛ̍ se̍ we̍i̍ flɔn ke̍. Jɛ à juo ka à mu̍-a nɛ-ɛ, ti̍ ɔ̍ mu̍-a àɔ̀ kɛ̍n wlǔh-iɛ, nɛ̀ à mu̍ ɔ̍ wɔ̀. Dɛ̍nu̍ɛ, ka ɔ̍ nɛ-aɛ, nɛ̀ à mu̍ ɛ̍ jě.

1 Chɔɔn 4:21

Telě la bo Nyɔsoa nyǐ àɔ̀. Ɔ̍ la̍ nyɔ̍ jɔ jbɛɛ-a ɔ̍-ɛ, nɛ̀ ɔ̍ kɔn ɔ̍ iě ɔ̍ de̍di̍i̍ jbɛɛ ke.

1 Chɔɔn 4:6

Jɛ àɔ̀ nɔ̀ɔ̍, à sɔ dě Nyɔsoa we̍. Nyɔ̍ juh juo-a Nyɔsoa-ɛ, nɛ̀ u̍h-a po̍ nɔ̌ àɔ̀ we̍ dounᵻ. Jɛ nyɔ̍ ùh se̍-a dě Nyɔsoa we̍ sɔ-ɛ, nɛ̀ u̍h-u po̍ nɔ̌ àɔ̀ we̍ dounᵻ. Dǒ à ju̍o̍e tìh-a taǐn sùù ke ɛ̍ si̍h naɛ we̍ i̍.

1 Chɔɔn 4:8

Nyɔ̍ jɔ se̍-a jbɛɛ blě-ɛ, nɛ̀ ɔ̍ se̍ Nyɔsoa juo, dɛ̍nu̍ɛ, Nyɔsoa mɔ jbɛɛ.

1 Chɔɔn 5:19

À juo ɛ̍-ɛ, àɔ̀ nɔ̀ɔ̍, à sɔ dě Nyɔsoa we̍, jɛ kmɔ̌ gbài̍ la Nyɔ̍ Sɔ̀n bo ɔ̀ kɔn ɛ̍ wlu̍ i̍.

1 Chɔɔn 5:2

À jbɛɛ Nyɔsoa-a iě à jě ɔ̍ telě dɛ̍ɛ̍, dǒ à juo-e dɛ̍ i̍ ka à jbɛɛ-a ɔ̍ nynuu̍-ɛ.

3 Chɔɔn 1:11

Ǎn tìh kma nyɔ̍, bɔ̌-e dɛ̍ sɔ̀n-a wɔ̀ɔ̀ i̍ sà-a, jɛ dɛ̍ chɛ̀-a wɔ̀ɔ̀ bo ìè-e i̍ sà. Nyɔ̍ jɔ nu̍-a dɛ̍ chɛ̀-ɛ, nɛ̀ ɔ̍ sɔ dě Nyɔsoa we̍. Jɛ nyɔ̍ ɔ̀ nu̍-a dɛ̍ sɔ̀n-ɛ, nɛ̀ ɔ̍-ɔ se̍a Nyɔsoa jě.