1 Chɔɔn 2:6 - Ku̍o̍ Delee 1999

⁶ Nyɔ̍ ɔ̀ la̍ ɔ̀ nɛ-a dě Nyɔsoa ja̍a̍-ɛ, nɛ̀ ɔ̍ kɔn ɔ̍ iě Jusu Klai-a dɛ̍ na.

1 Chɔɔn 2:6 Iomraidhean Croise

Matio 11:29

Mɔ̀ gba̍ ǎn kɛ̌n wìè mɔ̀ iě ǐn dɛ̍ we̍ cheǎn-ɛ, dɛ̍nu̍ɛ, ǐn gbɛ̍n gba̍n, wɛ̀ ǐn ja ǎn chɛ̀ wlù. Pò mɔ̀ nu̍ la̍a̍n-ɛ, nɛ̀ mɔ̀-a wlùh-a mu̍ i̍ tè.

Chɔɔn 13:15

Ɛ̀ ǎn nu̍-a mɔ̀ pùn-ɛ, nɛ̀ wìè bo ǎn toe mɔ̀, wɛ̀ mɔ̀ iě-e ǎn wɔ̀ɔ̀ i̍ sà.

Chɔɔn 15:10

Pò mɔ̀ ja-o ǎn telě i̍ tè-ɛ, nɛ̀ mɔ̀-a mu̍ dě ǎn jbɛɛ di̍i̍ sie ɛ̀ kɔn ba̍ ǎn tè-ao ǐn Baa-a telě i̍ wɛ̀ ǐn nɛ-a dě ɔ̍ jbɛɛ di̍i̍-ɛ.

1 Kɔwlɛntiɔn 11:1

Mɔ̀ sà-e ǎn wɔ̀ɔ̀ i̍, ka ǎn nu̍-ae Klai-a wɔ̀ɔ̀ i̍ sà-aɛ.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

1 Pitɛ 2:21

Ɛ̍ kɔn tìh bo Nyɔsoa dǎ mɔ̀, dɛ̍nu̍ɛ, Klai-a chɛ̀ sàɛ̀ jua̍i̍ ke dǒ mɔ̀ we̍. Mɔ̀ɔ̍ bo ùh nu̍ ɔ̍ blaiɛ̍ ɔ̍ si̍e̍ mɔ̀ iě-e ɔ̍ wɔ̀ɔ̀ i̍ sà.

1 Chɔɔn 2:28

Nɛ̀ɛ̍, ǎn nynuu̍, mɔ̀ nɛ dě ɔ̍ ja̍a̍, wɛ̀ ti̍ ɔ̍ mu̍-a à kɛ̍n wlǔh-iɛ, wɛ̀ à iě faɔn wɛ̀. Iě tɛ̀n-ɛ je̍e à nu̍, wɛ̀ à-a je̍e sìle dǒ ɔ̍ ji̍ la̍-a.

1 Chɔɔn 2:4

Nɛ̀ pò nyɔ̍ la̍ ɔ̍ juo Nyɔsoa wɛ̀ ɔ̍ se̍-o ɔ̍ telě i̍ tè-ɛ, nɛ̀ nyɔ̍ kaɛn laa̍ si̍h nyɔ̍ bo, iě tìh-a taǐn se̍ dě ɔ̍ ja̍a̍ nɛ.

1 Chɔɔn 3:24

Nyɔ̍ jɔ tè-ao Nyɔsoa-a telě i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ ɔ̍-ɔ. Nyɔsoa-a Sùù ɔ̍ nyǐ-a àɔ̀-ɛ bo ɛ̀ nu̍ ɛ̍ iě à juo-o dɛ̍ i̍ ka ɔ̍ nɛ-a dě à ja̍a̍-ɛ.

1 Chɔɔn 3:6

Nyɔ̍ jɔ nɛ-a dě Klai ja̍a̍-ɛ, ɔ̍-ɔ gba̍ gblɛ̍n sɔ̀ɛ̀n dluwe̍ i̍. Jɛ nyɔ̍ ɔ̀ gba̍-a gblɛ̍n sɔ̀ɛ̀n dluwe̍ i̍-ɛ, nɛ̀ ɔ̍-ɔ se̍a ɔ̍ jě, àe̍e̍ ɔ̍ se̍ ɔ̍ juo.

1 Chɔɔn 4:17

Ti̍ jbɛɛ-a mu̍-a gblɛ̍ja̍i̍ wɛ̀ nɔ̌ à nynɛ̌-ɛ, nɛ̀ à mu̍ faɔn wɛ̀ dǒ sàwi̍h sì weɛ̍ di̍i̍. Dɛ̍nu̍ɛ, ka Klai nɛ-aɛ, nɛ̀ kǎ à nɛ wɛ̀ ke nɔ̌ kmɔ̌ la we̍.