1 Chɔɔn 2:5 - Ku̍o̍ Delee 1999

⁵ Jɛ nyɔ̍ ɔ̀ nu̍-a ɔ̍ wlu̍-ɛ, nɛ̀ ɔ̍-ɔ bo ɔ̀ kɔn Nyɔsoa-a jbɛɛ-ɛ wɛ̀ gblɛ̍ja̍i̍ wɛ̀. Pò ɛ̍ nɛ ka-ɛ, nɛ̀ à juo-o dɛ̍ i̍ wɛ̀ ka à nɛ-a dě Nyɔsoa ja̍a̍-ɛ.

1 Chɔɔn 2:5 Iomraidhean Croise

Pɔ̀n Chɛ̀ Luu To-a La 11:28

Jɛ Jusu la̍a̍, “I̍i̍n, jɛ nyɔ̍ ùh wɔ̌n-a Nyɔsoa-a wlu̍ iě ùh nu̍-a ɛ̍-ɛ, u̍h bo ùh nmɔ i̍ kaa̍.”

Chɔɔn 14:21

“Nyɔ̍ jɔ tè-ao telě ǐn po̍-a i̍-ɛ, nɛ̀ ɔ̍-ɔ bo ɔ̀ jbɛɛ m. Nyɔ̍ ɔ̀ jbɛɛ-a m-ɛ, nɛ̀ ǐn Baa-a mu̍ ɔ̍-ɔ jbɛɛ ke. Nɛ̀ ǎn mu̍ ɔ̍-ɔ jbɛɛ ke, wɛ̀ iě ǎn chɛ̀ tà sà dě ɔ̍ we̍.”

Chɔɔn 14:23

Iě Jusu la̍a̍, “Pò nyɔ̍ jbɛɛ m-ɛ, nɛ̀ ɔ̍ mu̍ ǎn wlu̍ nu̍, nɛ̀ ǐn Baa-a mu̍ ɔ̍-ɔ jbɛɛ. Nɛ̀ à mu̍ dě ɔ̍ we̍ ji̍, wɛ̀ dě ɔ̍ we̍ iě à blǐ nu̍.

Chɔɔn 15:5

“Mɔ̍ bo ɔ̀ nu̍ tlo-dɛ̍ᵻá tu̍, mɔ̀ɔ̍ bo ùh nu̍ ɛ̍ bu̍hᵻ. Nyɔ̍ ɔ̀ nɛ-a dě ǐn ja̍a̍-ɛ, nɛ̀ ǐn nɛ dě ɔ̍ ja̍a̍ ke. Nɛ̀ ɔ̍-ɔ bo ɔ̀ mu̍ buǒᵻ dɔu tlo. Pò mɔ̀ sà ǐn sɔ̍nᵻ i̍-ɛ, nɛ̀ mɔ̀ se̍ dɛ̍ nu̍-ɛ bɛ̌ɛ mu̍.

Chɔɔn 6:56

Nyɔ̍ jɔ di̍-a ǎn ku̍, iě ɔ̍ nǎ-a ǎn nymɔ̍-ɛ, nɛ̀ ɔ̍ nɛ dě ǐn ja̍a̍, iě ǐn nɛ dě ɔ̍ ja̍a̍.

Wloma 8:1

Nɛ̀ɛ̍, kaka la̍, nyɔ̍ ùh ke Jusu Klai nɛ-a due-ɛ, u̍h se̍ kɛ̀n sà-ɛɛ.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

2 Kɔwlɛntiɔn 5:17

Pò nyɔ̍-o-nyɔ̍ ke Klai nɛ due-ɛ, nɛ̀ nyɔ̍ laa̍ ɔ̍ nu̍ nyɔ̍ delee wɛ̀. Ɔ̍ kmɔ̌ soa sì-i, wɛ̀ delee naɛ ji̍.

2 Kɔwlɛntiɔn 5:21

Klai se̍ gblɛ̍n sɔ̀ɛ̀n nu̍ nyɔ̍. Jɛ à tìh bo Nyɔsoa po̍ ka à gblɛ̍n sɔ̀ɛ̀n dǒ ɔ̍ dlǔ, wɛ̀ dě ɔ̍ ke à due nɛ-ɛ di̍i̍-ɛ, à iě i̍ slɛ̌-nyɔ̍ nu̍ dě Nyɔsoa jlǐh.

Chiin 2:22

Àn jě-e, kǎ ɔ̍ wlùh gbaɛ ke ɔ̍ nu̍-dɛ̍ᵻ nu̍ we̍ nɛ̍aɛ. Ɔ̍ wlùh gbaɛ wɛ̀ kwlǎ dǒ ɔ̍ nu̍-dɛ̍ᵻ we̍.

1 Chɔɔn 3:24

Nyɔ̍ jɔ tè-ao Nyɔsoa-a telě i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ ɔ̍-ɔ. Nyɔsoa-a Sùù ɔ̍ nyǐ-a àɔ̀-ɛ bo ɛ̀ nu̍ ɛ̍ iě à juo-o dɛ̍ i̍ ka ɔ̍ nɛ-a dě à ja̍a̍-ɛ.

1 Chɔɔn 4:17

Ti̍ jbɛɛ-a mu̍-a gblɛ̍ja̍i̍ wɛ̀ nɔ̌ à nynɛ̌-ɛ, nɛ̀ à mu̍ faɔn wɛ̀ dǒ sàwi̍h sì weɛ̍ di̍i̍. Dɛ̍nu̍ɛ, ka Klai nɛ-aɛ, nɛ̀ kǎ à nɛ wɛ̀ ke nɔ̌ kmɔ̌ la we̍.

1 Chɔɔn 4:18

Faɔn se̍ dě jbɛɛ di̍i̍ nɛ. Jbɛɛ ɛ̀ wɛ̀-a gblɛ̍ja̍i̍-ɛ, nɛ̀ ɛ̍ sà faɔn kli̍hgbɛ̍ i̍. Faɔn ple̍-ɛ sɔ dě kàn gbɛ̍n-ɛ di̍i̍. Nyɔ̍ ɔ̀ ple̍-a faɔn-ɛ, nɛ̀ ɔ̍ jbɛɛ se̍ gblɛ̍ja̍i̍ wɛ̀.

1 Chɔɔn 5:2

À jbɛɛ Nyɔsoa-a iě à jě ɔ̍ telě dɛ̍ɛ̍, dǒ à juo-e dɛ̍ i̍ ka à jbɛɛ-a ɔ̍ nynuu̍-ɛ.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.

2 Chɔɔn 1:6

Ɛ̀ nu̍-a jbɛɛ-ɛ, ɛ̍ nu̍ à iě dǒ Nyɔsoa-a telě de̍e̍ wɔ̀. Ɛ̀ nu̍-a telě mɔ̀ sà-a wɔ̌n-ɛ dě tɔ̀blɔ̍ɔ̍-ɛ, ɛ̍ nu̍ mɔ̀ iě dǒ jbɛɛ de̍e̍ wɔ̀.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 14:12

Ka ɛ̍ nɛ-a ka-ɛ, nɛ̀ Nyɔsoa-a nyɔ̍ ùh-a tè-ao ɔ̍ telě i̍, iě u̍h gbaɛ-a Jusu wlùh-ɛ, nɛ̀ u̍h kɔn u̍h iě-e klì i̍ ku̍.