1 Chɔɔn 2:3 - Ku̍o̍ Delee 1999

³ Pò à tè-o Nyɔsoa-a telě i̍-ɛ, nɛ̀ à juo-o dɛ̍ i̍ wɛ̀ ka à juo-a ɔ̍-ɛ.

1 Chɔɔn 2:3 Iomraidhean Croise

Pɔ̀n Chɛ̀ Luu To-a La 6:46

“Dɛ̍nu̍ mɔ̀-a dǎɛ ǐn Joi wɛ̀ mɔ̀-ɔ nu̍ dɛ̍ ǎn sèàɛ̍-a mɔ̀ wlùh ɛ?

Chɔɔn 14:15

“Pò mɔ̀ jbɛɛ m-ɛ, nɛ̀ mɔ̀-a mu̍-o ǎn telě i̍ tè,

Chɔɔn 15:10

Pò mɔ̀ ja-o ǎn telě i̍ tè-ɛ, nɛ̀ mɔ̀-a mu̍ dě ǎn jbɛɛ di̍i̍ sie ɛ̀ kɔn ba̍ ǎn tè-ao ǐn Baa-a telě i̍ wɛ̀ ǐn nɛ-a dě ɔ̍ jbɛɛ di̍i̍-ɛ.

Chɔɔn 15:14

Dɛ̍ ǐn poe-a mɔ̀ slǔh-ɛ, pò mɔ̀ ja ɛ̍ nu̍-ɛ, nɛ̀ mɔ̀ɔ̍ ǎn jbɛɛ nyɔ̍.

Chɔɔn 17:3

Ɛ̀ nu̍-a kmɔ̌ sie feɛ-ɛ, ɛ̍ nu̍ u̍h iě mɔ̀ due gbài̍ ɔ̀ nu̍-a tìh-a taǐn Nyɔsoa-a juo, ɛ̍ ke Jusu Klai ìn dbo̍-a ke.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

Iblu 5:9

Ti̍ ɔ̍ wɛ̀-a nɛi̍ dě jua̍i̍ sàɛ̀ di̍i̍-ɛ, iě ɔ̍ dǔ ka nyɔ̍ ɔ̀ pǔh-ia nyɔ̍ iě ɔ̀ nyǐ-a nyɔ̍ kmɔ̌ sie feɛ-ɛ nu̍-ɛɛ dǒ nyɔ̍ kli̍hgbɛ̍ ùh-a nu̍-a ɔ̍ wlu̍-ɛ we̍.

1 Chɔɔn 2:13

Baaᵻ, ǎn chlǐh mɔ̀ we̍, dɛ̍nu̍ɛ, mɔ̀ juo nyɔ̍ ɔ̀ sɔ-a dě tɔ̀blɔ̍ɔ̍-ɛ. Nynuu̍gbèè, ǎn chlǐh mɔ̀ we̍, dɛ̍nu̍ɛ, mɔ̀ sà Nyɔ̍ Sɔ̀n klà wɛ̀.

1 Chɔɔn 3:14

À juo ɛ̍-ɛ à sì dě mɛ̌ɛ di̍i̍ wɛ̀ iě à jɛɛ feɛ, dɛ̍nu̍ɛ, à jbɛɛ à de̍di̍i̍ᵻ. Jɛ nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ, nɛ̀ ɔ̍ nɛ dě mɛ̌ɛ di̍i̍ ke̍.

1 Chɔɔn 3:19

À nyɔ̍-ɔ jbɛɛ-ɛ bo ɛ̀ nu̍ ɛ̍ wɛ̀ à juo-o dɛ̍ i̍ ka à kɔn-a dǒ tìh-a taǐn we̍-ɛ, wɛ̀ à wɛ̀ faɔn dǒ Nyɔsoa jǔ.

1 Chɔɔn 3:6

Nyɔ̍ jɔ nɛ-a dě Klai ja̍a̍-ɛ, ɔ̍-ɔ gba̍ gblɛ̍n sɔ̀ɛ̀n dluwe̍ i̍. Jɛ nyɔ̍ ɔ̀ gba̍-a gblɛ̍n sɔ̀ɛ̀n dluwe̍ i̍-ɛ, nɛ̀ ɔ̍-ɔ se̍a ɔ̍ jě, àe̍e̍ ɔ̍ se̍ ɔ̍ juo.

1 Chɔɔn 4:13

Nyɔsoa nyǐ àɔ̀ ɔ̍ Sùù. Ɛ̍ bo ɛ̀ nu̍ ɛ̍ iě à juo-o dɛ̍ i̍ ka à nɛ-a dě ɔ̍ ja̍a̍ wɛ̀ ɔ̍ nɛ-a dě à ja̍a̍-ɛ.

1 Chɔɔn 4:7

Ǎn tìh kma nyɔ̍, mɔ̀ à jbɛɛ we̍, dɛ̍nu̍ɛ, jbɛɛ sɔ dě Nyɔsoa we̍. Nyɔ̍ jɔ blě-a jbɛɛ-ɛ, nɛ̀ ɔ̍-ɔ Nyɔsoa-a jǔ, iě ɔ̍ juo Nyɔsoa.

1 Chɔɔn 5:19

À juo ɛ̍-ɛ, àɔ̀ nɔ̀ɔ̍, à sɔ dě Nyɔsoa we̍, jɛ kmɔ̌ gbài̍ la Nyɔ̍ Sɔ̀n bo ɔ̀ kɔn ɛ̍ wlu̍ i̍.

1 Chɔɔn 5:2

À jbɛɛ Nyɔsoa-a iě à jě ɔ̍ telě dɛ̍ɛ̍, dǒ à juo-e dɛ̍ i̍ ka à jbɛɛ-a ɔ̍ nynuu̍-ɛ.

1 Chɔɔn 5:3

Nyɔsoa-a telě dɛ̍ɛ̍ jě-ɛ bo ɛ̀ nu̍ à Nyɔsoa-a jbɛɛ. Ɔ̍ telě dɛ̍ɛ̍ jě-ɛ se̍ wɔ̍n kma.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 14:12

Ka ɛ̍ nɛ-a ka-ɛ, nɛ̀ Nyɔsoa-a nyɔ̍ ùh-a tè-ao ɔ̍ telě i̍, iě u̍h gbaɛ-a Jusu wlùh-ɛ, nɛ̀ u̍h kɔn u̍h iě-e klì i̍ ku̍.

Wlɛfeleseɔn 22:14

Nyɔ̍ ùh wɔ̍lɔ-a u̍h-a dɛ̍wlo̍o̍ᵻ pihpǐh-ɛ, nɛ̀ u̍h nmɔ i̍. U̍h-a mu̍ dǒ wlɔ̀ laa̍ di̍i̍ i̍ sǐ ka̍ nɛ dǒ saǎn-a pa̍la̍ wɔ̍nᵻ laa̍ di̍i̍ jii-ɛ we̍, wɛ̀ u̍h iě tu̍ ɛ̀ nyǐ-a nyɔ̍ feɛ-ɛ ɛ̍ buǒ di̍.