1 Chɔɔn 2:29 - Ku̍o̍ Delee 1999

²⁹ Pò mɔ̀ juo ɛ̍ ka Klai slɛ̌-a i̍-ɛ, nɛ̀ mɔ̀ juo ɛ̍ ke la̍ sǔh ka nyɔ̍ jɔ ɔ̀ nu̍-a i̍ slɛ̌-dɛ̍-ɛ, nɛ̀ ɔ̍ nu̍-a Nyɔsoa-a jǔ wɛ̀-ɛ.

1 Chɔɔn 2:29 Iomraidhean Croise

Chɔɔn 1:13

Nyɔsoa-a chɛ̀ bo ɔ̀ nu̍ u̍h ɔ̍ nynuu̍ we̍i̍. U̍h se̍ wlǔh plǒai ka. U̍h-a wlǔh-ɛ se̍ dě nyi̍ɔ̍ we̍ sɔ-ɛ.

Chɔɔn 7:18

Nyɔ̍ ɔ̀ wlu-ia dǒ ɔ̍ chɛ̀-a sɔ̍n kɛ̍n-ɛ, nɛ̀ ɔ̍ chɛ̀-a ja̍ tè-ɛ bo ɔ̍ pɔ̀n i̍. Jɛ pò ɔ̍ ja ɛ̍ nu̍ wɛ̀ nyɔ̍ɔ iě nyɔ̍ dbo̍-a ɔ̍-ɛ ja̍ tè-ɛ, nɛ̀ tìh-a taǐn nyɔ̍ bo. Nɛ̀ ɔ̍ dɛ se̍ si̍h i̍ nɛ fu̍u̍.

Nu̍-dɛ̍ᵻ 10:35

Bloa̍ kli̍hgbɛ̍ kɛ̍n i̍ nyɔ̍-o-nyɔ̍ ɔ̀ ple̍-a Nyɔsoa-a faɔn wɛ̀ ɔ̍ nu̍-dɛ̍ iě i̍ slɛ̌-ɛ, nɛ̀ Nyɔsoa wɔ̌ɛn ɔ̍ tìh i̍ wɛ̀.

Nu̍-dɛ̍ᵻ 22:14

Ɔ̍ la̍a̍, ‘À baaᵻá Nyɔsoa tba̍ ìn chèɛ̀ ìè ɔ̍ wlùh juo, ìè ɔ̍ Pòi̍ju ɔ̀ slɛ̌-a i̍-ɛ jě, wɛ̀ ìè wlu̍-a mu̍-a dě ɔ̍ wɔ̍ɔ̍n sɔ-ɛ wɔ̌n.

Nu̍-dɛ̍ᵻ 3:14

Ɔ̀ nu̍-a i̍ slɛ̌-nyɔ̍ ɔ̀ wɛ̀-a nɛi̍-ɛ, ɔ̍ bo mɔ̀ tba̍ chla iě mɔ̀ sèàɛ̍ Pale wlùh ɔ̍ iě nyɔ̍ gbe̍ja̍a̍ poe nyɔ̍ sɔ̍n kɛ̍n sà dǒ mɔ̀ we̍.

2 Kɔwlɛntiɔn 5:21

Klai se̍ gblɛ̍n sɔ̀ɛ̀n nu̍ nyɔ̍. Jɛ à tìh bo Nyɔsoa po̍ ka à gblɛ̍n sɔ̀ɛ̀n dǒ ɔ̍ dlǔ, wɛ̀ dě ɔ̍ ke à due nɛ-ɛ di̍i̍-ɛ, à iě i̍ slɛ̌-nyɔ̍ nu̍ dě Nyɔsoa jlǐh.

Iblu 7:2

Wɛ̀ gbɛ̍n-dɛ̍ᵻ kli̍hgbɛ̍-a gbɔ̍ᵻ gbɔ̍ᵻ Eblaɛɛn sà-a dě tu̍h we̍-ɛ, jɛ po̍ i̍h-a pùè-ɛ, nɛ̀ ɔ̍ nyǐ ɛ̍ Mɛokeslɛ. (Mɛokeslɛ-a nynɛ̌ la, ɛ̍ gbɔ̀ nu̍ I̍ Slɛ̌-ɛ Blǔh Baa. Ɔ̍ nynɛ̌ dɛɛ nu̍ Kmɔ̌ I̍ Gbe̍ɛ̍ɛn Blǔh Baa. Dɛ̍nu̍ɛ, ɔ̍ nu̍ Selɛn-a Blǔh Baa. Selɛn-a gbɔ̀ nu̍ Kmɔ̌ I̍ Gbe̍ɛ̍ɛn.)

Iblu 7:26

Jusu laa̍ bo ɔ̀ nu̍ ka Slaǎ Sà Nyɔ̍-a Dlǔtu à kɔn à iě blě. Ɔ̍ wɛ̀ nɛi̍. Nyɔ̍ se̍ ɔ̍ kɔ̌-ɛ nynɛ̌ blě, ɔ̍ se̍ gblɛ̍n sɔ̀ɛ̀n nu̍. Ɔ̍ tè-ɛ pɔ̌ dě gblɛ̍n sɔ̀ɛ̀n nyɔ̍ nynɛ̌, iě ɔ̍ dǔ-iɛ ja̍i̍ dě ja̍i̍wlɔ̀.

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

1 Pitɛ 1:23

Ɛ̍ se̍ baa jɔ-a mu̍-a mɛ̌-ɛ ja̍a̍ mɔ̀ se̍ wlǔh-i, jɛ dě jɔ se̍-a mɛ̌ mu̍-ɛ ja̍a̍ bo mɔ̀ wlǔh-i. Dɛ̍nu̍ɛ, Nyɔsoa-a wlu̍ ɛ̀ nɛ-a kmɔ̌, ɛ̀ se̍-a i̍ wɛ̀ la̍ kɔn-ɛ, dě ɛ̍ di̍i̍ bo mɔ̀ wlǔh-i wɛ̀ dode̍.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

2 Pitɛ 1:4

Ɛ̍ kɔn ɔ̍ wlu̍ ɛ̀ gbǎ-a dɛ̍kɛ̍n iě ɛ̀ ku̍-a wɔ̍n-ɛ, wɛ̀ ɔ̍ po̍ ɛ̍ tɔ̀ma̍a̍ dǒ à we̍. Ɛ̍ bo ɛ̀ mu̍ kmɔ̌ nɛ wɛ̀ mɔ̀ iě kmɔ̌-a tba̍ɛ kɛ̍n i̍ la wɔ̍i̍n wa̍n, wɛ̀ mɔ̀ iě Nyɔsoa wɔ̀.

1 Chɔɔn 2:1

Ǎn nynuu̍, ǎn chlǐh mɔ̀ ɛ̀ la we̍ wɛ̀ mɔ̀-ɔ je̍e gblɛ̍n sɔ̀ɛ̀n nu̍. Jɛ pò mɔ̀-a nyɔ̍ nu̍ gblɛ̍n sɔ̀ɛ̀n-ɛ, à blě à we̍ gbǎ nyɔ̍ dě Baa Nyɔsoa we̍. Ɔ̍ bo ɔ̀ nu̍-a Jusu Klai ɔ̀ slɛ̌-a i̍-ɛ.

1 Chɔɔn 3:5

Mɔ̀-a chɛ̀ juo ɛ̍-ɛ Klai ji̍-i ɔ̍ iě à gblɛ̍n sɔ̀ɛ̀n i̍ sà. Dě ɔ̍ ja̍a̍ bo gblɛ̍n sɔ̀ɛ̀n se̍ nɛ.

1 Chɔɔn 3:7

Ǎn nynuu̍, mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ. Nyɔ̍ jɔ nu̍-a i̍ slɛ̌-dɛ̍-ɛ, nɛ̀ ka Klai nu̍-a i̍ slɛ̌-ɛɛ, nɛ̀ kǎ ɔ̍ nɛ wɛ̀ ke.

1 Chɔɔn 4:7

Ǎn tìh kma nyɔ̍, mɔ̀ à jbɛɛ we̍, dɛ̍nu̍ɛ, jbɛɛ sɔ dě Nyɔsoa we̍. Nyɔ̍ jɔ blě-a jbɛɛ-ɛ, nɛ̀ ɔ̍-ɔ Nyɔsoa-a jǔ, iě ɔ̍ juo Nyɔsoa.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.

1 Chɔɔn 5:18

À juo ɛ̍-ɛ, nyɔ̍ ùh nu̍-a Nyɔsoa-a nynuu̍-ɛ, u̍h-u gba̍ gblɛ̍n sɔ̀ɛ̀n nu̍-ɛ dluwe̍ i̍. Dɛ̍nu̍ɛ, Nyɔsoa-a Jǔ-a gbɛ̀n dǒ u̍h we̍ i̍. Sɔ nɛ̀ Nyɔ̍ Sɔ̀n se̍ u̍h i̍ tǔh-ɛ bɛ̌ɛ.

1 Chɔɔn 5:4

Dɛ̍nu̍ɛ, nyɔ̍ jɔ nu̍-a Nyɔsoa-a jǔ-ɛ, nɛ̀ ɔ̍ sà kmɔ̌-a dɛ̍ᵻ sɔ̀nᵻ klà wɛ̀. Dɛ̍ à du̍ i̍-a kmɔ̌ tu̍h-uɛ, ɛ̍ nu̍ à wlùh gbaɛ.

3 Chɔɔn 1:11

Ǎn tìh kma nyɔ̍, bɔ̌-e dɛ̍ sɔ̀n-a wɔ̀ɔ̀ i̍ sà-a, jɛ dɛ̍ chɛ̀-a wɔ̀ɔ̀ bo ìè-e i̍ sà. Nyɔ̍ jɔ nu̍-a dɛ̍ chɛ̀-ɛ, nɛ̀ ɔ̍ sɔ dě Nyɔsoa we̍. Jɛ nyɔ̍ ɔ̀ nu̍-a dɛ̍ sɔ̀n-ɛ, nɛ̀ ɔ̍-ɔ se̍a Nyɔsoa jě.