1 Chɔɔn 2:26 - Ku̍o̍ Delee 1999

²⁶ Ǎn chlǐh mɔ̀ ìh la we̍ dǒ ùh la ùh-a pɔ̀n-a mɔ̀ i̍ boe-ɛ i̍-ɛ u̍h-a dɛ we̍.

1 Chɔɔn 2:26 Iomraidhean Croise

Pɔ̀n Chɛ̀ Maɛ To-a La 13:22

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Kalase 2:18

Nyɔ̍ duuh-a ja u̍h-a chɛ̀ wlù fɔɔ ka iě u̍h-a sà Nyɔsoa-a ǐnchɔ̀ wɛɛ. Mɔ̀ bɔ̌ wɔ̌n-ɛ u̍h bɔ̌ mɔ̀-a wɔ̍n klèɛ̍-ɛ sà-a. Nyɔ̍ kaɛn laa̍ u̍h-a se̍ mɔ̌ ja̍ᵻ u̍h-a ja̍-a bo u̍h tè wlì. Wlɔ̀ nyi̍ɔ̍-a flɔ̍nwlùh bo u̍h-a blɔ̌-ɛ i̍ bu̍ɛ̍i̍.

Kalase 2:8

Mɔ̀ nu̍ nɛnɛ̌ wɛ̀ nyɔ̍ɔ je̍e mɔ̀ kèi̍ᵻ we̍i̍ nu̍ dǒ wlɔ̀ nyi̍ɔ̍-a pɔ̀ɔ̍pìe̍ flɔ̍nwlùh ɛ̀ boe-a nyɔ̍ i̍-ɛ we̍. I̍h tba̍ dǒ kmɔ̌ nyɔ̍-a nu̍-dɛ̍ᵻ kɛ̍n i̍, i̍h se̍ dǒ Klai naɛ kɛ̍n i̍ tba̍. Gbǐh jih kɔn-a kmɔ̌ la wlu̍ i̍-ɛ bo.

1 Timote 4:1

Nyɔsoa-a Sùù sà ɛ̍-ɛ te̍gbe̍i̍n ka nyɔ̍ duuh-a mu̍-a wlùh gbaɛ kɛ̍n i̍ poe dě nya̍-ɛ, wɛ̀ u̍h iě kǔ sùù ìh-a boe-a nyɔ̍ i̍-ɛ dounᵻ we̍ po̍, u̍h iě i̍h-a nǎ po̍ wlu̍ de̍e̍ gbǎ.

2 Timote 3:13

Nɛ̀ dɛ̍ᵻ sɔ̀nᵻ nyɔ̍ ke de̍ sì nyɔ̍-a mu̍ dě de̍i̍ gbǎ. U̍h-a boe nyɔ̍ɔ i̍, iě u̍h-a boe u̍h-a chɛ̀ i̍ ke.

1 Chɔɔn 3:7

Ǎn nynuu̍, mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ. Nyɔ̍ jɔ nu̍-a i̍ slɛ̌-dɛ̍-ɛ, nɛ̀ ka Klai nu̍-a i̍ slɛ̌-ɛɛ, nɛ̀ kǎ ɔ̍ nɛ wɛ̀ ke.

2 Chɔɔn 1:7

Nyɔ̍ i̍ boe nyɔ̍ dɔu-a sì la̍ blǔh we̍. Ka Jusu Klai ji̍-a dě nyi̍ɔ̍tu di̍i̍-ɛ, nyɔ̍ ùh se̍-a ɛ̍ tìh i̍ wɔ̌ɛn-ɛ, nɛ̀ nyɔ̍ i̍ boe nyɔ̍ ke Klai-a nyɛ̌-nyɔ̍ bo.