1 Chɔɔn 2:24 - Ku̍o̍ Delee 1999

²⁴ Dɛ̍ mɔ̀ wɔ̌n-a sɔ dě tɔ̀blɔ̍ɔ̍-ɛ, ɛ̍ bo ɛ̀ iě dě mɔ̀ ja̍a̍ nɛ. Dɛ̍ mɔ̀ wɔ̌n-a sɔ dě tɔ̀blɔ̍ɔ̍-ɛ, pò ɛ̍ nɛ dě mɔ̀ ja̍a̍-ɛ, nɛ̀ mɔ̀ nɛ dě Jǔ ke Baa ja̍a̍ wɛ̀.

1 Chɔɔn 2:24 Iomraidhean Croise

Pɔ̀n Chɛ̀ Luu To-a La 1:2

Nyɔ̍ ùh jě-a ìh la sɔ dě i̍h-a gbɔ̀ tè la̍-ɛ, iě u̍h bla̍-a Nyɔsoa-a pɔ̀n chɛ̀-ɛ, ìh kɔn taǐn u̍h sèàɛ̍-a àɔ̀ wlùh-ɛ, i̍h bo nyɔ̍ dɔu laa̍ u̍h chlǐh.

Pɔ̀n Chɛ̀ Luu To-a La 9:44

“Mɔ̀ tù dɛ̍ ǎn ji̍-a mɔ̀ wlùh sèàɛ̍ la̍-ɛ dounᵻ. Nyi̍ɔ̍-a Jǔ-a mu̍ kwlǎ sà-ɛ dě nyɔ̍ɔ kwa̍a̍.”

Chɔɔn 14:23

Iě Jusu la̍a̍, “Pò nyɔ̍ jbɛɛ m-ɛ, nɛ̀ ɔ̍ mu̍ ǎn wlu̍ nu̍, nɛ̀ ǐn Baa-a mu̍ ɔ̍-ɔ jbɛɛ. Nɛ̀ à mu̍ dě ɔ̍ we̍ ji̍, wɛ̀ dě ɔ̍ we̍ iě à blǐ nu̍.

Chɔɔn 15:7

Pò mɔ̀ nɛ dě ǐn ja̍a̍ iě ǎn wlu̍ iě dě mɔ̀ ja̍a̍ nɛ ke-ɛ, nɛ̀ dɛ̍-o-dɛ̍ mɔ̀-a pɔ̀n-aɛ, mɔ̀ jbǎ ɛ̍, nɛ̀ mɔ̀-a mu̍ ɛ̍ jě.

Chɔɔn 6:56

Nyɔ̍ jɔ di̍-a ǎn ku̍, iě ɔ̍ nǎ-a ǎn nymɔ̍-ɛ, nɛ̀ ɔ̍ nɛ dě ǐn ja̍a̍, iě ǐn nɛ dě ɔ̍ ja̍a̍.

Chɔɔn 8:25

U̍h la̍a̍ dě ɔ̍ we̍, “Mɔ̀ nyɔ̍we̍ ɛ?” Iě Jusu la̍a̍, “Mɔ̍ nyɔ̍ ɔ̀ kɔn tìh ǐn sèàɛ̍-a mɔ̀ wlùh se̍e̍-ɛ, ɛ̍ bo ǎn gba̍ kɛ̍n i̍ ke̍.

Felepai 4:15

Mɔ̀ɔ̍ Felepai nyɔ̍, mɔ̀-a chɛ̀ juo ɛ̍-ɛ, sɔ dǒ ti̍ iě-a pɔ̀n chɛ̀ la bla̍-a gbɔ̀ tè ti̍ ǐn sɔ-a dě mɔ̀ we̍ Mɛsedonia bloa̍ kɛ̍n-ɛ, chɔchi̍h nyɔ̍ duuh se̍a ǐn sɔ̍n we̍ po̍. Mɔ̀ nɛ due gbài̍ bo ùh gbǎ ǐn we̍, wɛ̀ mɔ̀ nyǐ ǐn dɛ̍.

Kalase 3:16

Mɔ̀ nu̍ ɛ̍ wlu̍ Klai bla̍-a ɛ̍ iě mɔ̀ nya̍ pàn-ɛ. Mɔ̀ po̍ nǎ mɔ̀ iě slɛ̌ chèɛ̀ we̍ i̍ poe dǒ flɔ̍nwlùh kli̍hgbɛ̍ we̍. Mɔ̀ ble̍ duǐh ìh sɔ-a dě Duǐh Chlǐh-dɛ̍ di̍i̍-ɛ. Nɛ̀ mɔ̀ ble̍ Nyɔsoa-a tìhwe̍ po̍ duǐh ke ɔ̍ Sùù duǐh, wɛ̀ mɔ̀ iě ɔ̍ tlɔ̌ po̍ dǒ mɔ̀ wlùh kɛ̍n.

Iblu 2:1

Nɛ̀ɛ̍, dɛ̍ à wɔ̌n-aɛ, mɔ̀ à gbɛ̍n-ɛ ɛ̍ sɔ̍nᵻ sɔɔ̌n i̍ wɛ̀ à-a je̍e tàmlain gbǎ-ɛ.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

1 Chɔɔn 1:3

Dɛ̍ kɔn tìh à wɔ̌n-a iě à tba̍-a jlǐhɛ̍-ɛ, ɛ̍ bo à sèàɛ̍ mɔ̀ wlùh ke. Wɛ̀ mɔ̀ iě à kɛ̍n gbǎ iě à ke Baa Nyɔsoa ke ɔ̍ Jǔ Jusu Klai iě we̍ nɛ̍aɛ.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.

1 Chɔɔn 2:7

Ǎn tìh kma nyɔ̍, telě la ɛ̀ kɔn tìh ǎn chlǐh-a mɔ̀ we̍-ɛ, ɛ̍ se̍ telě delee. Dɛ̍ soa bo, mɔ̀ wɔ̌n ɛ̍-ɛ se̍e̍ sɔ dě tɔ̀blɔ̍ɔ̍. Telě soa la, ɛ̍ bo ɛ̀ nu̍ wlu̍ mɔ̀ wɔ̌n-a se̍e̍-ɛ.

1 Chɔɔn 3:24

Nyɔ̍ jɔ tè-ao Nyɔsoa-a telě i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ ɔ̍-ɔ. Nyɔsoa-a Sùù ɔ̍ nyǐ-a àɔ̀-ɛ bo ɛ̀ nu̍ ɛ̍ iě à juo-o dɛ̍ i̍ ka ɔ̍ nɛ-a dě à ja̍a̍-ɛ.

1 Chɔɔn 4:13

Nyɔsoa nyǐ àɔ̀ ɔ̍ Sùù. Ɛ̍ bo ɛ̀ nu̍ ɛ̍ iě à juo-o dɛ̍ i̍ ka à nɛ-a dě ɔ̍ ja̍a̍ wɛ̀ ɔ̍ nɛ-a dě à ja̍a̍-ɛ.

1 Chɔɔn 4:15

Ka Jusu nu̍-a Nyɔsoa-a Jǔ-ɛ, nyɔ̍-o-nyɔ̍ ɔ̀ mu̍-a ɛ̍ tìh i̍ wɔ̌ɛn-ɛ, nɛ̀ Nyɔsoa nɛ dě ɔ̍ ja̍a̍ wɛ̀ ɔ̍ nɛ dě Nyɔsoa ja̍a̍.

1 Chɔɔn 4:16

Jbɛɛ Nyɔsoa blě-a dǒ à we̍-ɛ, à chɛ̀-a gbǎ juo ɛ̍ i̍ iě à gbaɛ ɛ̍ wlùh. Nyɔsoa mɔ jbɛɛ nɛ̀ nyɔ̍ jɔ nɛ-a dě jbɛɛ di̍i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ dě ɔ̍ ja̍a̍.

2 Chɔɔn 1:2

À jbɛɛ mɔ̀-ɔ, dɛ̍nu̍ɛ, tìh-a taǐn nɛ dě à ja̍a̍, iě ɛ̍ ke à mu̍ na nɔ̌ kmɔ̌-a kmɔ̌.

2 Chɔɔn 1:9

Nyɔ̍ jɔ se̍-a dǒ Klai-a nǎ po̍ wlu̍ de̍e̍ wɔ̀ wɛ̀ ɔ̍ tàn-ɛa ɛ̍ kɛ̍n-ɛ, nɛ̀ ɔ̍ tba̍ Nyɔsoa chla. Jɛ nyɔ̍ ɔ̀ nɛ-a dǒ ɔ̍ nǎ po̍-ɛ de̍e̍-ɛ, nɛ̀ Baa Nyɔsoa ke ɔ̍ Jǔ-a tìh bo ɔ̍ wɔ̌ɛn-ɛ.

3 Chɔɔn 1:3

À de̍di̍i̍ᵻ duuh sǐ-a da̍a i̍-ɛ, wɛ̀ ka àn nu̍-a tìh-a taǐn dɛ̍ɛ̍ jě-ɛ, iě àn wɔ̀-a dǒ ɛ̍ de̍e̍ ke̍ ma̍u̍-ɛ, u̍h sèàɛ̍ ǐn wlùh. Sɔ ɛ̍ po̍ ǐn mɔna̍-a kaa̍.

Wlɛfeleseɔn 3:11

Ǎn mu̍ ji̍ suei̍. Tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n wɛ̀ nyɔ̍ dɔɔ je̍e mɔ̀-a blawɛ̌ mɔ̀ kwa̍a̍ sà.

Wlɛfeleseɔn 3:3

Dɛ̍ᵻ ǐn poe-a mɔ̀ nǎ wɛ̀ mɔ̀ cheǎn-aɛ, mɔ̀ nu̍ i̍h wlùh we̍. Nɛ̀ mɔ̀ jě i̍h dɛ̍ɛ̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe. Jɛ pò mɔ̀ se̍ bloɔ̍ sɔ mu̍-ɛ, nɛ̀ ǎn ji̍-ɛa mu̍ nyɔ̍ kɛ̍n kèè ka jlǐ-nyɔ̍-ɛ. Nɛ̀ mɔ̀ se̍ ti̍ ǎn mu̍-a ja-ɛ juo mu̍.