1 Chɔɔn 2:22 - Ku̍o̍ Delee 1999

²² Nyɔ̍ bo ɔ̀ nu̍ ka si̍h nyɔ̍ ɛ? Nyɔ̍ ɔ̀ la̍ Jusu se̍-a Nyɔsoa-a Chèɛ̀ Tba̍ju-ɛ, ɔ̍-ɔ bo ɔ̀ tmɔ̌ si̍h. Nyɔ̍ kaɛn laa̍ nɛ̀ Klai-a Nyɛ̌-nyɔ̍ bo. Nɛ̀ ɔ̍ tba̍ Baa Nyɔsoa ke ɔ̍ Jǔ chla dɛbo.

1 Chɔɔn 2:22 Iomraidhean Croise

Matio 24:24

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍-a chɛ̀ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Matio 24:5

Dɛ̍nu̍ɛ, nyɔ̍ dɔu-a mu̍ dǒ ǎn nynɛ̌ kɛ̍n jii, u̍h iě ka dǎ, ‘Mɔ̍ bo ɔ̀ nu̍ Nyɔsoa-a Chèɛ̀ Tba̍ju.’ Wɛ̀ u̍h iě nyɔ̍ dɔu i̍ boe.

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

1 Chɔɔn 1:6

Pò à la̍ ɔ̍ ke à nɛ̍aɛ la̍ we̍ wɛ̀ à iě dě kwile-e na-ɛ ke̍ ma̍u̍-ɛ, nɛ̀ à tmɔ̌ si̍h, iě à-a jě tìh-a taǐn dɛ̍ɛ̍.

1 Chɔɔn 2:18

Ǎn nynuu̍, ti̍-a dlǔ i̍ chlà-a kɔǎn we̍ wɛ̀. Mɔ̀ wɔ̌n i̍h se̍e̍ ka Klai-a Nyɛ̌-nyɔ̍-a mu̍-a ji̍-ɛ. Kaka la̍ u̍h-a dɔu ji̍ wɛ̀. Ɛ̍-ɛ bo à juo i̍ ka ti̍-a chlà-a la̍ dlǔ i̍-ɛ.

1 Chɔɔn 2:23

Nyɔ̍ jɔ tba̍-a Jǔ chla-ɛ, nɛ̀ ɔ̍ tba̍ Baa chla. Jɛ nyɔ̍ ɔ̀ wɔ̌ɛn-a Jǔ-a tìh i̍-ɛ, nɛ̀ ɔ̍ wɔ̌ɛn Baa-a tìh i̍ wɛ̀ ke.

1 Chɔɔn 2:4

Nɛ̀ pò nyɔ̍ la̍ ɔ̍ juo Nyɔsoa wɛ̀ ɔ̍ se̍-o ɔ̍ telě i̍ tè-ɛ, nɛ̀ nyɔ̍ kaɛn laa̍ si̍h nyɔ̍ bo, iě tìh-a taǐn se̍ dě ɔ̍ ja̍a̍ nɛ.

1 Chɔɔn 4:20

Pò nyɔ̍ la̍ ɔ̍ jbɛɛ Nyɔsoa wɛ̀ ɔ̍ iě ɔ̍ de̍di̍i̍ faɛn-ɛ, nɛ̀ si̍h nyɔ̍ bo. Dɛ̍nu̍ɛ, pò ɔ̍ faɛn ɔ̍ de̍di̍i̍ jɔ ɔ̍ jě-aɛ, nɛ̀ ɔ̍ se̍ Nyɔsoa jɔ ɔ̍-ɔ se̍a jě-ɛ jbɛɛ bɛ̌ɛ.

1 Chɔɔn 4:3

Jɛ nyɔ̍ ùh se̍-a Jusu-a tìh i̍ wɔ̌ɛn-ɛ, nɛ̀ u̍h se̍ dě Nyɔsoa we̍ sɔ. Klai-a Nyɛ̌-nyɔ̍ kɔn nynɛ̌ mɔ̀ wɔ̌n-a ɔ̀ mu̍-a ji̍-ɛ, nɛ̀ dě ɔ̍ we̍ bo u̍h sɔ-ɔ. Ɔ̍ chɛ̀ nɛ da̍a kmɔ̌ we̍ wɛ̀.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.

2 Chɔɔn 1:7

Nyɔ̍ i̍ boe nyɔ̍ dɔu-a sì la̍ blǔh we̍. Ka Jusu Klai ji̍-a dě nyi̍ɔ̍tu di̍i̍-ɛ, nyɔ̍ ùh se̍-a ɛ̍ tìh i̍ wɔ̌ɛn-ɛ, nɛ̀ nyɔ̍ i̍ boe nyɔ̍ ke Klai-a nyɛ̌-nyɔ̍ bo.

Judi 1:4

Nyɔ̍ duuh ùh kɔn kɛ̀n sà tìh chlǐh-a dě Nyɔsoa-a wlu̍ di̍i̍ tɛin-ɛ, u̍h gbǎ mɔ̀ nynɛ̌ soɛɛ. U̍h se̍ Nyɔsoa dɛ-ɛ nɛ, ɛ̍ kɔn u̍h-a bǐi blɛ Nyɔsoa nyǐ-a àɔ̀-ɛ kwa̍ i̍, wɛ̀ u̍h iě ɛ̍ se̍i̍kɔɛn nui. Wɛ̀ Jusu Klai ɔ̀ nɛ due nu̍-a à Joi ke à Dlǔtu-ɛ, iě u̍h tba̍ ɔ̍ chla.

Wlɛfeleseɔn 3:9

Mɔ̀ gbɛ̀n-e, nyɔ̍ ùh kɔn-a dǒ Setɔn-a gbɔ̀ù we̍-ɛ, u̍h nu̍ si̍h nyɔ̍. U̍h la̍ u̍h-u Juu nyɔ̍, jɛ u̍h se̍ Juu nyɔ̍. Jɛ ǎn mu̍ ɛ̍ nu̍ u̍h iě ji̍ wɛ̀ u̍h iě i̍ chlìi dǒ mɔ̀ jǔ. Wɛ̀ u̍h kli̍hgbɛ̍ iě ɛ̍ i̍ juo ka ǐn jbɛɛ-a mɔ̀ɔ̍-ɛ.