1 Chɔɔn 2:19 - Ku̍o̍ Delee 1999

¹⁹ Nyɔ̍ laa̍ u̍h se̍ nɔ̌ àɔ̀ we̍ kɔn, ɛ̍ kɔn u̍h tǎli àɔ̀ i̍. Pò u̍h kɔn nɔ̌ àɔ̀ we̍ de-ɛ, nɛ̀ u̍h-a mu̍ nɔ̌ àɔ̀ we̍ nɛ de. Jɛ u̍h-a mu̍-ɛ bo ɛ̀ flɔn-ɛ ɛ̍ we̍i̍ ka u̍h se̍-a nɔ̌ àɔ̀ we̍ kɔn-ɛ.

1 Chɔɔn 2:19 Iomraidhean Croise

Matio 24:24

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍-a chɛ̀ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Pɔ̀n Chɛ̀ Maɛ To-a La 13:22

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Pɔ̀n Chɛ̀ Luu To-a La 8:13

Jih gbǎ-a dǒ sɔɔ̌ paɔ kɛ̍n-ɛ, i̍h bo ìh wɔ̀ nyɔ̍ ùh wɔ̌n-a Nyɔsoa-a wlu̍ iě u̍h gbɛ̍n-a ɛ̍ i̍ dǒ mɔna̍ we̍-ɛ. Jɛ ɛ̍ se̍ sɛ̌n po̍ dě u̍h ku̍sɔ̀n. Ɛ̍ kɔn u̍h blě wlùh gbaɛ dǒ ti̍ gbɔ̀ di̍i̍. Jɛ nyɔ̍ i̍ tɛ̀n-ɛ ji̍-aɛ, iě u̍h ple̍.

Chɔɔn 15:2

Bu̍h jɛ nɛ-a dǒ ǐn pùn ɛ̀-ɛ tlo-aɛ, nɛ̀ ɔ̍ chɛ̍n ɛ̍ doǒ. Jɛ jɛ tlo-aɛ, nɛ̀ ɔ̍ gbɛ̀n dǒ ɛ̍ we̍ i̍, wɛ̀ ɛ̍ iě dɛ̍ dɔu tlo.

Chɔɔn 4:14

Jɛ nyɔ̍-o-nyɔ̍ ǎn mu̍-a nǐ nyǐ wɛ̀ ɔ̍ iě ɛ̍ nǎ-ɛ, nɛ̀ dǒ ɔ̍ wlì se̍ gba̍ bǔ dɛ. Nǐ ǎn mu̍-a ɔ̍ nyǐ-ɛ, ɛ̍ mu̍ kao̍dlu nu̍ dě ɔ̍ ja̍a̍, wɛ̀ ɛ̍ klɛ̀nklɛ̀n iě ɔ̍ kmɔ̌ sie feɛ nyǐ.”

Nu̍-dɛ̍ᵻ 15:24

À wɔ̌n i̍h nyɔ̍ sɔ nɔ̌ àɔ̀ nynɛ̌ iě u̍h-a bɛ̌ɛ mɔ̀ wɔ̍ɔ̍n i̍, iě ɛ̍ po̍ mɔ̀-a wlùh dě de̍ i̍ dǒ dɛ̍ u̍h-a sà-a we̍. Jɛ u̍h se̍ ɛ̍ dě à wɔ̍ɔ̍n dǔ i̍ o.

Nu̍-dɛ̍ᵻ 20:30

Dě mɔ̀ nynɛ̌ bo nyɔ̍-a mu̍ sɔ u̍h iě kòà dɔu iě dǒ u̍h de̍e̍ gbǎ tìh tù, wɛ̀ u̍h iě tìh-a taǐn-a wɛ̀àn plùn chɛ̍n.

Wloma 9:6

Dɛ̍ ǎn bla̍-aɛ, ɛ̍ se̍ nɛ̀ Nyɔsoa-a wlu̍ gbǎ si̍h i̍ kai. Ɛ̍ se̍ Eslɔɛ nyɔ̍-a tloemlai kli̍hgbɛ̍ à se̍ Eslɔɛ nyɔ̍ dǎɛ.

1 Kɔwlɛntiɔn 11:19

I̍i̍n, mɔ̀-a gblɛ̍n nɔ̀ɔ̍, i̍h kɔn i̍h iě-e sèàɛ̍ wɛ̀ ɛ̍ iě nyɔ̍ ùh nu̍-a Nyɔsoa nyɔ̍ chɛ̀ɛ̌chɛ̀ dě mɔ̀ nynɛ̌-ɛ to.

2 Timote 2:10

Ɛ̍ kɔn wɛ̀ ǎn ku̍-e klì i̍ dǒ dɛ̍ᵻ kli̍hgbɛ̍ we̍ Nyɔsoa-a chèɛ̀ tba̍ nyɔ̍-a tìh. Wɛ̀ u̍h iě pǔh-ɛ nɛ-a dě Jusu Klai ja̍a̍-ɛ jě ke, ɛ̍ ke kmɔ̌ sie tìh-a i̍ bɛ̌-ɛ ke.

2 Timote 2:19

Jɛ Nyɔsoa-a gbo̍tu ɔ̍ po̍-a wlù-ɛ, ɛ̍ nyna i̍ gba̍i̍ngba̍i̍n. Iě wlu̍ la i̍h chlǐh-ɛ dǒ ɛ̍ kɛ̍n. I̍h la̍a̍, “Joi juo ùh nu̍-a ɔ̍ nyɔ̍-ɛ.” Nɛ̀ɛ̍, “Nyɔ̍-o-nyɔ̍ ɔ̀ po̍-a ɔ̍ chɛ̀ dǒ Joi-a nynɛ̌ kɛ̍n-ɛ, nɛ̀ ɔ̍ poe dɛ̍ sɔ̀n nu̍-ɛ kɛ̍n i̍.”

2 Timote 3:9

Jɛ u̍h se̍ nya̍ mu̍ mu̍. Dɛ̍nu̍ɛ, ka u̍h-a pla̍-a bo-ɛ, ɛ̍ mu̍ we̍ i̍ flɔn dǒ nyɔ̍ kli̍hgbɛ̍ we̍, ka nyɔ̍ jě Chɛnɛ ke Janblɛ-ɛ.

Iblu 10:39

À se̍ nyɔ̍ juh chlì-a de̍ wɛ̀ u̍h gbɔ̀lɔ-aɛ, jɛ àɔ̀ wlùh gbaɛ blě nyɔ̍ ùh pǔh-aɛ.

2 Chɔɔn 1:7

Nyɔ̍ i̍ boe nyɔ̍ dɔu-a sì la̍ blǔh we̍. Ka Jusu Klai ji̍-a dě nyi̍ɔ̍tu di̍i̍-ɛ, nyɔ̍ ùh se̍-a ɛ̍ tìh i̍ wɔ̌ɛn-ɛ, nɛ̀ nyɔ̍ i̍ boe nyɔ̍ ke Klai-a nyɛ̌-nyɔ̍ bo.

Judi 1:1

Mɔ̍ Chiin de̍di̍i̍ Judi ɔ̀ nu̍-a Jusu Klai-a pòi̍ju-ɛ. Ǎn chlǐh chlǐh-dɛ̍ la dě nyɔ̍ ùh Nyɔsoa dǎ-aɛ we̍, ɛ̍ ke ùh Baa Nyɔsoa jbɛɛ-aɛ iě Jusu Klai pe̍ɛ-ɛ ka u̍h kɛ̍n i̍-ɛ.

Judi 1:19

Kmɔ̌ we̍ nyɔ̍ la, ùh se̍-a Nyɔsoa-a Sùù blě-ɛ, u̍h-u bo ùh-a po̍ nyɔ̍ sàǎsà nynɛ̌ i̍.