1 Chɔɔn 2:18 - Ku̍o̍ Delee 1999

¹⁸ Ǎn nynuu̍, ti̍-a dlǔ i̍ chlà-a kɔǎn we̍ wɛ̀. Mɔ̀ wɔ̌n i̍h se̍e̍ ka Klai-a Nyɛ̌-nyɔ̍-a mu̍-a ji̍-ɛ. Kaka la̍ u̍h-a dɔu ji̍ wɛ̀. Ɛ̍-ɛ bo à juo i̍ ka ti̍-a chlà-a la̍ dlǔ i̍-ɛ.

1 Chɔɔn 2:18 Iomraidhean Croise

Matio 24:11

Nɛ̀ Nyɔsoa-a tu̍owli po̍ nyɔ̍-a si̍h naɛ dɔu-a mu̍ mɔ̀ kɛ̍n wlǔh-i, u̍h iě nyɔ̍ dɔu i̍ boe.

Matio 24:24

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍-a chɛ̀ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Matio 24:5

Dɛ̍nu̍ɛ, nyɔ̍ dɔu-a mu̍ dǒ ǎn nynɛ̌ kɛ̍n jii, u̍h iě ka dǎ, ‘Mɔ̍ bo ɔ̀ nu̍ Nyɔsoa-a Chèɛ̀ Tba̍ju.’ Wɛ̀ u̍h iě nyɔ̍ dɔu i̍ boe.

Pɔ̀n Chɛ̀ Maɛ To-a La 13:6

Nyɔ̍ dɔu-a mu̍ dǒ ǎn nynɛ̌ kɛ̍n jii, u̍h iě ka nu̍, ‘Mɔ̍ bo ɔ̀ nu̍ Nyɔsoa-a Chèɛ̀ Tba̍ju.’ Nɛ̀ u̍h-a mu̍ nyɔ̍ dɔu-a dlǔ wìè-e sàɛ̀.

Chɔɔn 21:5

Wɛ̀ ɔ̍ la̍a̍ dě u̍h we̍, “Jbɛɛ nyɔ̍, mɔ̀ gbɛ̍n dɛ̍ wɛ̀ ae?” U̍h la̍a̍, “À-a se̍a dɛ̍wɛ-a chɛ̀ gbɛ̍n o.”

Wloma 13:11

Kǎ mɔ̀ iě nu̍, dɛ̍nu̍ɛ, mɔ̀ juo ti̍ à nɛ-a ka kɛ̍n-ɛ. Ti̍ nyni̍-o wɛ̀ mɔ̀ iě nyinɔ̍ jlǐh i̍ sà. Ti̍ Nyɔsoa-a mu̍-a à pǔh-iɛ, ɛ̍ kɔǎn we̍ wɛ̀ kaka ɛ̍ sìì ti̍ jɛ à iě-a wlùh gbaɛ-ɛ blě-ɛ i̍ sàɛ̀-ɛ.

Wloma 13:12

Wlù la ɛ̍ tɛn dlǔ wɛ̀, sɔ̀n-a ji̍ la̍ sɛ̀n la̍. Ɛ̍ tìh-ɛ, mɔ̀ à tǎli kwile-a dɛ̍ᵻ i̍, mɔ̀ à dǔ fɔ̀n-dɛ̍ᵻ i̍ à iě tu̍h fɔ̀n dě sɔ̀npli di̍i̍.

Iblu 1:2

Jɛ da̍a bɔ̌ɛ-o wǐh la di̍i̍-ɛ, ɔ̍ jii dě ɔ̍ Jǔ ja̍a̍ iě ɔ̍ wlu dě à we̍. Dě ɔ̍ ja̍a̍ bo ɔ̍ nui kmɔ̌ la, iě ɔ̍ tba̍ ɔ̍ chèɛ̀ ɔ̍ iě dɛ̍ᵻ kli̍hgbɛ̍ ìh tè-ea i̍ dǒ ɔ̍ we̍-ɛ kɔn.

1 Pitɛ 1:20

Nyɔsoa tba̍ ɔ̍ chèɛ̀ sasǎ iě ɔ̍ dǔ kmɔ̌ la nu̍-ɛ, iě Klai tù mɔ̀-a tìh iě ɔ̍ ji̍ dǒ bɔ̌ɛ-o wǐh la di̍i̍.

1 Pitɛ 1:5

Mɔ̀ɔ̍ bo Nyɔsoa-a gbǐh kaɛn kɛ̍n wɛ̀ ɔ̍ nyɔ̍ sèìe-ɛ ɛ̀ mu̍-a ji̍-ɛ, mɔ̀ iě ɛ̍ jě dǒ ti̍-a dlǔ i̍ chlà la̍. Dɛ̍nu̍ɛ, mɔ̀ blě wlùh gbaɛ-ɛ.

1 Pitɛ 4:7

Dɛ̍ᵻ kli̍hgbɛ̍ i̍h-a dlǔ i̍ chlà-a kɔǎn we̍ wɛ̀. Ɛ̍ tìh-ɛ, mɔ̀ po̍ mɔ̀-a chɛ̀ gba̍a̍, mɔ̀ iě mɔ̀-a chɛ̀ jlǐhɛ̍ tù, wɛ̀ mɔ̀ iě ba̍le-ɛ bɛ̌ɛ.

2 Pitɛ 2:1

Ka Nyɔsoa-a tu̍owli po̍ nyɔ̍-a si̍h naɛ nu̍-a nyɔ̍ɔ nynɛ̌ gbǎ-a tɛin-ɛ, kǎ nǎ po̍ nyɔ̍-a si̍h naɛ-a mu̍ mɔ̀ nynɛ̌ gbǎ-a nu̍ ke ti̍laa. Nɛ̀ si̍h ɛ̀ gbɔ̀lɔ-a dɛ̍ɛ̍-ɛ, ɛ̍ bo u̍h-a mu̍ nyɔ̍gbei nǎ poe. Wɛ̀ Dlǔtu jɔ pùhbɔ-a u̍h kɛ̍ɛ̍n-ɛ, u̍h iě ɔ̍ chla tba̍. Wɛ̀ i̍-i gbɔ̀lɔ-ɛ ɛ̀ kèè-a nyɔ̍ kɛ̍n-ɛ, u̍h iě ɛ̍ u̍h-a chɛ̀ we̍ ja.

2 Pitɛ 3:3

Sàǐtòò dɛ ǎn pɔ̀n-a mɔ̀ iě-a juo-ɛ, dǒ bɔ̌ɛ-o wǐh di̍i̍-ɛ, jlii̍h nu̍ nyɔ̍-a mu̍ mɔ̀ kɛ̍n wlǔh-i. U̍h-a chɛ̀-a dɛ̍ᵻ sɔ̀nᵻá mu̍ u̍h wlu̍ i̍ kɔn wɛ̀ u̍h iě mɔ̀ jlii̍h kɛ̍n i̍ nui.

1 Chɔɔn 2:22

Nyɔ̍ bo ɔ̀ nu̍ ka si̍h nyɔ̍ ɛ? Nyɔ̍ ɔ̀ la̍ Jusu se̍-a Nyɔsoa-a Chèɛ̀ Tba̍ju-ɛ, ɔ̍-ɔ bo ɔ̀ tmɔ̌ si̍h. Nyɔ̍ kaɛn laa̍ nɛ̀ Klai-a Nyɛ̌-nyɔ̍ bo. Nɛ̀ ɔ̍ tba̍ Baa Nyɔsoa ke ɔ̍ Jǔ chla dɛbo.

1 Chɔɔn 4:1

Ǎn tìh kma nyɔ̍, mɔ̀ bɔ̌ nyɔ̍ kli̍hgbɛ̍ ùh la̍ ùh blě-a Nyɔsoa-a Sùù-ɛ wlùh gbaɛ. Mɔ̀ tɛ̀n u̍h-u pò u̍h sɔ dě Nyɔsoa we̍-ɛ. Dɛ̍nu̍ɛ, Nyɔsoa-a tu̍owli po̍ nyɔ̍-a si̍h naɛ dɔu-a sì la̍ blǔh we̍.

1 Chɔɔn 4:3

Jɛ nyɔ̍ ùh se̍-a Jusu-a tìh i̍ wɔ̌ɛn-ɛ, nɛ̀ u̍h se̍ dě Nyɔsoa we̍ sɔ. Klai-a Nyɛ̌-nyɔ̍ kɔn nynɛ̌ mɔ̀ wɔ̌n-a ɔ̀ mu̍-a ji̍-ɛ, nɛ̀ dě ɔ̍ we̍ bo u̍h sɔ-ɔ. Ɔ̍ chɛ̀ nɛ da̍a kmɔ̌ we̍ wɛ̀.

2 Chɔɔn 1:7

Nyɔ̍ i̍ boe nyɔ̍ dɔu-a sì la̍ blǔh we̍. Ka Jusu Klai ji̍-a dě nyi̍ɔ̍tu di̍i̍-ɛ, nyɔ̍ ùh se̍-a ɛ̍ tìh i̍ wɔ̌ɛn-ɛ, nɛ̀ nyɔ̍ i̍ boe nyɔ̍ ke Klai-a nyɛ̌-nyɔ̍ bo.

Judi 1:18

Dɛ̍ u̍h sèàɛ̍-a mɔ̀ wlùh-ɛ, u̍h la̍a̍, “Dǒ bɔ̌ɛ-o wǐh di̍i̍-ɛ, jlii̍h nu̍ nyɔ̍ ùh se̍-a Nyɔsoa dɛ-ɛ nɛ, ùh-a nu̍-a u̍h-a chɛ̀-a wlùh-ɛ, u̍h-a mu̍ mɔ̀ kɛ̍n wlǔh-i.”