1 Chɔɔn 2:17 - Ku̍o̍ Delee 1999

¹⁷ Kmɔ̌ la ke ɛ̍ dɛ̍ᵻ ìh nu̍-a nyɔ̍-a wlùh dɛ̍ᵻɛ́, i̍h-a sì la̍ i̍. Jɛ nyɔ̍ ɔ̀ nu̍-a Nyɔsoa-a wlùh-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌.

1 Chɔɔn 2:17 Iomraidhean Croise

Matio 21:31

Nɛ̀ u̍h nɛ-a sɔɔ̌n-ɛ, nyɔ̍ bo ɔ̀ nu̍ ɔ̍ baa-a wlu̍ ɛ?” U̍h la̍a̍, “Klaa naɛ bo ɔ̀ nu̍ ɔ̍ wlu̍.” Wɛ̀ Jusu la̍a̍ dě u̍h we̍, “Bɔ̌ ǐn sèàɛ̍ mɔ̀ tìh-a taǐn wlùh, taa̍sìh sà nyɔ̍ ke kàìà nynɔ̌gbaɔᵻá mu̍ la̍ mɔ̀ jǔ dě Nyɔsoa-a kmɔ̌ wlu̍ i̍ kɔn-ɛ di̍i̍.

Matio 24:35

Blǔh ke ja̍u̍n-a tìh-a mu̍ i̍ sì, jɛ ǎn wlu̍ nɔ̀ɔ̍, ɛ̍ se̍ i̍ sì mu̍.

Matio 7:21

Jusu la̍a̍, “Ɛ̍ se̍ nyɔ̍ kli̍hgbɛ̍ ùh-a nu̍-a, ‘Joi, Joi-ɛ,’ ùh se̍ dě Nyɔsoa-a kmɔ̌ wlu̍ i̍ kɔn la nyni̍ mu̍. Jɛ nyɔ̍ ɔ̀ mu̍-a ǐn Baa nɛ-a dě ja̍i̍wlɔ̀-ɛ, ɔ̍ wlùh nu̍-ɛ, ɔ̍ bo ɔ̀ mu̍ deě nyni̍.

Pɔ̀n Chɛ̀ Maɛ To-a La 3:35

Nyɔ̍ ɔ̀ nu̍-a Nyɔsoa-a wlùh dɛ̍-ɛ, nɛ̀ ɔ̍-ɔ bo ɔ̀ nu̍ ǐn de̍di̍i̍ jɔ̍gbau ke ǐn de̍di̍i̍ nynɔ̌gbaɔ ke ǐn de̍.”

Chɔɔn 4:14

Jɛ nyɔ̍-o-nyɔ̍ ǎn mu̍-a nǐ nyǐ wɛ̀ ɔ̍ iě ɛ̍ nǎ-ɛ, nɛ̀ dǒ ɔ̍ wlì se̍ gba̍ bǔ dɛ. Nǐ ǎn mu̍-a ɔ̍ nyǐ-ɛ, ɛ̍ mu̍ kao̍dlu nu̍ dě ɔ̍ ja̍a̍, wɛ̀ ɛ̍ klɛ̀nklɛ̀n iě ɔ̍ kmɔ̌ sie feɛ nyǐ.”

Chɔɔn 6:58

Blèe̍ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ, ɛ̍ se̍ jih à baaᵻá baaᵻ di̍-a iě u̍h mɛ̌-aɛ wɔ̀. Nyɔ̍ jɔ di̍-a blèe̍ jɛ la nɔ̀ɔ̍-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌.”

Chɔɔn 7:17

Nyɔ̍-o-nyɔ̍ ɔ̀ pɔ̀n-a Nyɔsoa-a wlùh nu̍-ɛ i̍-ɛ, nɛ̀ pò ǎn nǎ po̍-ɛ sɔ dě Nyɔsoa we̍ o, iě pò ǐn ja nyɔ̍ nǎ po̍ dǒ ǎn chɛ̀-a sɔ̍n kɛ̍n-ɛ, nɛ̀ ɔ̍ mu̍ ɛ̍ juo.

Wloma 12:2

Mɔ̀ bɔ̌ kmɔ̌ la ɛ̍ we̍ dɛ̍ᵻ nu̍-ɛ dɛ, jɛ nɛ̀ wlùh-a delee i̍ gbǎ-a Nyɔsoa nyǐ-a mɔ̀-ɛ bo mɔ̀ iě dě di̍i̍ nɛ la̍ sǔh. Nɛ̀ mɔ̀-a mu̍ Nyɔsoa-a wlùh juo-ɛ bɛ̌ɛ. I̍h bo ìh nu̍-a dɛ̍ chɛ̀ ke, ɔ̍ gbǐh po̍ dɛ̍ ke gblɛ̍ja̍i̍ wɛ̀-ɛ.

1 Kɔwlɛntiɔn 7:31

Nɛ̀ nyɔ̍ ùh kɔn sɔ̍n sì-a da̍a kmɔ̌ we̍-ɛ, ka nyɔ̍ kɔn sɔ̍n se̍ sì-ɛ. Dɛ̍nu̍ɛ, kmɔ̌ la tu̍ ɛ̍ nɛ-ae di̍i̍ kaka-ɛ, ɛ̍ sì la̍ i̍.

Kalase 1:9

Ti̍ à wɔ̌n-a mɔ̀-a dɛ we̍ i̍-ɛ, sɔ dǒ ti̍ laa̍ we̍-ɛ, à-a se̍a dǒ mɔ̀-a tàà ba̍le-ɛ bɔ̌. Ɛ̍ kɔn à tèle Nyɔsoa i̍ mɔ̀ iě ɔ̍ wlùh juo, ɛ̍ ke flɔ̍nwlùh kli̍hgbɛ̍ ke dɛ̍ɛ̍ i̍ wɔ̌n-ɛ ɔ̍ Sùù-a nyǐ-a nyɔ̍-ɛ ke.

Kalase 4:12

Ipafla ɔ̀ nu̍-a mɔ̀-a chɛ̀-a nyɔ̍ due ɔ̀ nu̍-a Jusu Klai-a pòi̍ju-ɛ, ɔ̍ la̍ ɔ̍ sà mɔ̀ nyinɔ̍ i̍. Ɔ̍ po̍-e gbǐh, ɔ̍ ba̍le Nyɔsoa dǒ mɔ̀-a tàà te̍e̍ ɔ̍ iě mɔ̀ i̍ kui. Wɛ̀ mɔ̀ iě Nyɔsoa-a wlùh dɛ̍ᵻ kli̍hgbɛ̍ juo, iě mɔ̀ iě ɛ̍ nu̍ te̍kle̍e̍.

1 Tɛsoloniɔn 4:3

Ɛ̀ la bo ɛ̀ nu̍ Nyɔsoa-a wlùh dɛ dǒ mɔ̀ we̍. Ɔ̍ pɔ̀n mɔ̀-a kmɔ̌ iě ɔ̍ we̍ fòè-e, mɔ̀ iě gbǎn nu̍-ɛ we̍ i̍ ti̍ɛ̍ɛn.

1 Tɛsoloniɔn 5:18

Ka jɛ ɛ̍ nɛ-ɛ, mɔ̀ po̍ Nyɔsoa tlɔ̌. Ɛ̍-ɛ bo ɛ̀ nu̍ Nyɔsoa-a wlùh dɛ dě Jusu Klai ja̍a̍ dǒ mɔ̀ we̍.

Iblu 10:36

Mɔ̀ kɔn mɔ̀ iě-e klì i̍ ku̍ wɛ̀ mɔ̀ iě Nyɔsoa-a wlùh nu̍, nɛ̀ mɔ̀-a mu̍ ɔ̍ tɔ̀ma̍a̍ wlu̍ jě.

Chiin 4:14

dɛ̍ mu̍-a mɔ̀ pùn nɛ-a chɛ̀ klàe̍-ɛ, mɔ̀ juo ɛ̍-ɛ ae? Mɔ̀ wɔ̀ chlùu̍n. Klàɛ̍we̍-ɛ, nɛ̀ ɛ̍ po̍-e slàà sǔh iě ɛ̍ gbà ja̍i̍.

1 Pitɛ 1:5

Mɔ̀ɔ̍ bo Nyɔsoa-a gbǐh kaɛn kɛ̍n wɛ̀ ɔ̍ nyɔ̍ sèìe-ɛ ɛ̀ mu̍-a ji̍-ɛ, mɔ̀ iě ɛ̍ jě dǒ ti̍-a dlǔ i̍ chlà la̍. Dɛ̍nu̍ɛ, mɔ̀ blě wlùh gbaɛ-ɛ.

1 Pitɛ 4:2

Nɛ̀ sɔ da̍a sèàn blǐ, Nyɔsoa bo ɔ̀ iě mɔ̀-a kmɔ̌ kli̍hgbɛ̍ wlu̍ i̍ kɔn la̍ sǔh nɔ̌ bloɔ̍. Mɔ̀-a chɛ̀-a wlùh dɛ̍ᵻ bɔ̌ mɔ̀ wlu̍ i̍ kɔn-ɛ dɛ.