1 Chɔɔn 2:16 - Ku̍o̍ Delee 1999

¹⁶ Dɛ̍ᵻ kli̍hgbɛ̍ ìh nɛ-a nɔ̌ kmɔ̌ la we̍-ɛ, ìh nu̍-a nyɔ̍-a chɛ̀-a wlùh dɛ̍ᵻ ke, jlǐh-a nɛ̀ sì dɛ̍ i̍ ke kɔn-dɛ̍ᵻ i̍ blɔ̌-ɛ ke, i̍h se̍ dě Baa Nyɔsoa we̍ sɔ. I̍h sɔ nɔ̌ kmɔ̌ la we̍.

1 Chɔɔn 2:16 Iomraidhean Croise

Matio 4:8

Wɛ̀ ɛ̍ gba̍ Jusu dě tlu̍h tɔ̀ɔ̀n dlǔ dɛ, iě ɛ̍ toe ɔ̍ bloa̍ kli̍hgbɛ̍, ɛ̍ ke i̍h-a wɔ̍n ku̍ dɛ̍ᵻ nɛ-a i̍h di̍i̍ i̍-ɛ ke.

Matio 5:28

Jɛ mɔ̍ɔ, kǎ ǐn dǎ ka o, nyɔ̍ ɔ̀ mu̍-a ɔ̍ ba̍-a nynɔ̌-a chɛ̀ ja̍ gbɛ̀n wɛ̀ nynɛ̌à dɛ iě-a dě ɔ̍ di̍i̍ gbǎ dǒ nynɔ̌ laa̍ we̍-ɛ, nɛ̀ ɔ̍ wɔ̀ ɔ̍ nynɛ̌à we̍ nu̍-ɛ wɛ̀ se̍e̍ dǒ ɔ̍ wlùh kɛ̍n.

Pɔ̀n Chɛ̀ Luu To-a La 4:5

Iě Kǔ gba̍ ɔ̍ dě ja̍i̍. Kli-a ka-aɛ, nɛ̀ ɛ̍ wɔ̀ ɔ̍ bloa̍ kli̍hgbɛ̍ toe-ɛ wɛ̀.

Wloma 13:14

Jɛ Joi Jusu Klai bo ɔ̀ iě jliɛ̍ nu̍ mɔ̀ iě-e pa̍, nɛ̀ mɔ̀ bɔ̌ mɔ̀-a gblɛ̍n sɔ̀ɛ̀n nu̍ ku̍-a wlùh-a i̍ pɔ̀n-ɔ dɛ̍ᵻ nu̍-ɛ dɛ.

1 Kɔwlɛntiɔn 10:6

Nɛ̀ɛ̍, ìh kli̍hgbɛ̍ la i̍h-a gbòɛ̀ɛ̀ àɔ̀ wɛ̀ à je̍e dɛ̍ᵻ sɔ̀nᵻ nu̍-ɛ i̍ pɔ̀n ka u̍h nu̍-aɛ.

Kelesea 5:17

Dɛ̍nu̍ɛ, tu̍ laa̍ ɛ̍ pɔ̀n-dɛ̍ᵻá fɔ̀n Sùù naɛ we̍, wɛ̀ Sùù naɛ-a fɔ̀n à naɛ we̍. I̍h nɛ-a sɔɔ̌n-ɛ, i̍h-a se̍ jbɛɛ bo ɛ̀ nu̍ ɛ̍ iě dɛ̍ mɔ̀-a pɔ̀n-a nu̍ ɛ̍ i̍ de-ɛ, wɛ̀ mɔ̀-ɔ nu̍ ɛ̍.

Kelesea 5:24

Nyɔ̍ ùh kɔn-a dǒ Jusu Klai we̍-ɛ, nɛ̀ u̍h dbǎ u̍h-a gblɛ̍n sɔ̀ɛ̀n-a ku̍ ke, ɛ̍ wlùh dɛ̍ᵻ ke, ɛ̍ pɔ̀n-dɛ̍ᵻ kli̍hgbɛ̍ wɛ̀.

Ɛfɛsɔ 2:3

Ka u̍h nɛ-aɛ, kǎ à nɛ ke de. Dɛ̍ᵻ à gblɛ̍n sɔ̀ɛ̀n ku̍ ke, à wlùh ke à nyi̍ɔ̍ku-a pɔ̀n-aɛ, i̍h bo à nu̍. Ka nyɔ̍ kli̍hgbɛ̍ nɛ-aɛ, kǎ à nɛ de, iě Nyɔsoa-a mu̍ à kli̍hgbɛ̍ jlu̍h po̍-e ke de à gblɛ̍n sɔ̀ɛ̀n-a tìh.

Taitɔ 2:12

Iě ɛ̍ toe àɔ̀ dɛ̍, à iě se̍ Nyɔsoa dɛ-ɛ nɛ ke kmɔ̌-a pɔ̀n-dɛ̍ᵻ sɔ̍n we̍ sà. Wɛ̀ à iě à chɛ̀ i̍ gbɛ̍n, à iě i̍ slɛ̌, wɛ̀ à iě Nyɔsoa dɛ-ɛ nɛ da̍a kmɔ̌ la we̍.

Taitɔ 3:3

Sàì laa̍ nɛ̀ à bo we̍i̍ ke, nɛ̀ à-a nu̍ nyɔ̍-a wlu̍, iě à sìì wìè. Nɛ̀ à nu̍ gbale̍e̍ gbǎ-a ke wlùh dɛ̍ᵻ kaɛn kaɛn-a kèi̍. Nɛ̀ gblɛ̍n-ɛ nyni-ɛ ke wlɛ̀n kɔn-ɛ bo à ja-ɛ ja̍-a. Nɛ̀ nyɔ̍ɔ faɛn àɔ̀, iě à faɛn nyɔ̍ɔ.

Chiin 3:15

Flɔ̍nwlùh kaɛn la, nɛ̀ ɛ̍ se̍ dě ja̍i̍wlɔ̀ sɔ. Kmɔ̌ naɛ flɔ̍nwlùh bo. Ɛ̍ se̍ dě Nyɔsoa we̍ sɔ, dě Kǔ we̍ bo ɛ̍ sɔ-ɔ.

Chiin 4:16

Jɛ mɔ̀-a po̍ wɔ̍i̍n, iě mɔ̀-a blɔ̌. Wɔ̍i̍n po̍-ɛ kaɛn la i̍h kli̍hgbɛ̍ nu̍ dɛ̍ᵻ sɔ̀nᵻ.

1 Pitɛ 1:14

Mɔ̀ nu̍ Nyɔsoa-a wlu̍, nɛ̀ mɔ̀-a chɛ̀-a wlùh dɛ̍ᵻ mɔ̀-a nu̍-a tɛin ti̍ mɔ̀ se̍-a Klai juo-ɛ, mɔ̀ bɔ̌ wɔ̌n-ɛ i̍h bɔ̌ dě mɔ̀-a kmɔ̌ di̍i̍ nɛ-ɛ dɛ.

1 Pitɛ 2:11

Ǎn tìh kma nyɔ̍, ǎn ba̍le mɔ̀ɔ̍-ɛ, ka mɔ̀ nu̍-a dihwi̍hᵻ ke kwlǎ-gbǎ-kèi̍ᵻ nɔ̌ kmɔ̌ la we̍-ɛ, mɔ̀ sà mɔ̀-a sɔ̍n dě gblɛ̍n sɔ̀ɛ̀n nu̍ dɛ di̍i̍, dɛ̍nu̍ɛ, i̍h-a pa̍-ɛ mɔ̀-a wlùh tu̍h we̍.

2 Pitɛ 2:10

Nyɔ̍ ùh wɔ̀-a dǒ u̍h-a chɛ̀-a wlùh dɛ̍ᵻ de̍e̍, iě u̍h-a nu̍-a se̍i̍kɔɛn, wɛ̀ ùh-u jě-a tùn blě nyɔ̍ dɛ̍ɛ̍-ɛ, u̍h-u bo Nyɔsoa-a mu̍ kàn gbɛ̍n chɛ̀ɛ̌chɛ̀. Nǎ po̍ nyɔ̍-a si̍h naɛ la u̍h bɛ̌ wlì i̍, iě u̍h-a chɛ̍n ko̍o̍. Tìh-a i̍ bɛ̌-ɛ nyɔ̍ nɛ-a dě à dlǔwèàì-ɛ, u̍h-u ple̍ faɔn dǒ u̍h wlu̍ pùn i̍ po̍ la̍.

2 Pitɛ 2:18

U̍h-a chɛ̍n blɔ̌-ɛ ke bo-sɔ̀ìn. Wɛ̀ u̍h-a nu̍ se̍i̍kɔɛn, nyɔ̍ ùh-a ple̍-a la̍ de ùh-a sɔ-a dě dɛ̍ᵻ sɔ̀nᵻ di̍i̍ tǐn nyɔ̍ we̍-ɛ, u̍h-u bo u̍h-a po̍ dě de̍ biě laa̍ di̍i̍.