1 Chɔɔn 2:14 - Ku̍o̍ Delee 1999

¹⁴ Ǎn nynuu̍, ǎn chlǐh mɔ̀ we̍, dɛ̍nu̍ɛ, mɔ̀ juo Baa Nyɔsoa. Baaᵻ, ǎn chlǐh mɔ̀ we̍, dɛ̍nu̍ɛ, mɔ̀ juo nyɔ̍ ɔ̀ sɔ-a dě tɔ̀blɔ̍ɔ̍-ɛ. Nynuu̍gbèè, ǎn chlǐh mɔ̀ we̍, dɛ̍nu̍ɛ, mɔ̀ kmu i̍ wɛ̀ Nyɔsoa-a wlu̍ nɛ dě mɔ̀ ja̍a̍, iě mɔ̀ sà Nyɔ̍ Sɔ̀n klà wɛ̀.

1 Chɔɔn 2:14 Iomraidhean Croise

Chɔɔn 15:7

Pò mɔ̀ nɛ dě ǐn ja̍a̍ iě ǎn wlu̍ iě dě mɔ̀ ja̍a̍ nɛ ke-ɛ, nɛ̀ dɛ̍-o-dɛ̍ mɔ̀-a pɔ̀n-aɛ, mɔ̀ jbǎ ɛ̍, nɛ̀ mɔ̀-a mu̍ ɛ̍ jě.

Chɔɔn 5:38

Mɔ̀-ɔ gbɛ̍n-ɛ ɔ̍ wlu̍ dounᵻ i̍, dɛ̍nu̍ɛ, nyɔ̍ ɔ̍ dbo̍-aɛ, mɔ̀ se̍ ɔ̍ wlùh gbaɛ.

Chɔɔn 8:31

Wɛ̀ Jusu la̍a̍ dě nyɔ̍ juh gbaɛ-a ɔ̍ wlùh-ɛ we̍, “Pò mɔ̀ gbɛ̍n ǎn nǎ po̍ wlu̍ la i̍-ɛ, nɛ̀ mɔ̀ɔ̍ ǎn kòà-a gblangbai̍.

Chɔɔn 8:37

Ǐn juo ka mɔ̀ nu̍-a Eblaɛɛn-a nynuu̍-ɛ, jɛ mɔ̀-a pɔ̀n ǐn dbǎ-a i̍. Dɛ̍nu̍ɛ, mɔ̀ se̍ ǎn nǎ po̍ wlu̍ i̍ gbɛ̍n.

Ɛfɛsɔ 6:10

Ɛ̍ bɔ̌ɛ-aoɛ, mɔ̀ po̍-e gbǐh dě mɔ̀ ke Joi-a due nɛ-ɛ di̍i̍ dǒ ɔ̍ kmu-u gbǐh we̍.

Felepai 4:13

Ǐn bɛ̌ɛ dɛ̍ᵻ kli̍hgbɛ̍ nu̍-ɛ dǒ gbǐh Klai nyǐ-a m-ɛ we̍.

Kalase 1:11

Ǎn sà nǐ wɔ̍n Joi-a tìh-a i̍ bɛ̌-ɛ gbǐh iě ɛ̍ nu̍ mɔ̀-a kmu-ɛ iě gbǐh kɛ̍n nɛ. Wɛ̀ mɔ̀ iě-e klì i̍ ku̍ dǒ dɛ̍ᵻ kli̍hgbɛ̍ we̍ dě wlùh i̍ gbɛ̍n-ɛ di̍i̍, mɔ̀ iě nmɔ.

Kalase 3:16

Mɔ̀ nu̍ ɛ̍ wlu̍ Klai bla̍-a ɛ̍ iě mɔ̀ nya̍ pàn-ɛ. Mɔ̀ po̍ nǎ mɔ̀ iě slɛ̌ chèɛ̀ we̍ i̍ poe dǒ flɔ̍nwlùh kli̍hgbɛ̍ we̍. Mɔ̀ ble̍ duǐh ìh sɔ-a dě Duǐh Chlǐh-dɛ̍ di̍i̍-ɛ. Nɛ̀ mɔ̀ ble̍ Nyɔsoa-a tìhwe̍ po̍ duǐh ke ɔ̍ Sùù duǐh, wɛ̀ mɔ̀ iě ɔ̍ tlɔ̌ po̍ dǒ mɔ̀ wlùh kɛ̍n.

2 Timote 2:1

Ɛ̍ tìh-ɛ, ǎn jǔ, Nyɔsoa-a blɛ ɛ̀ nɛ-a dě Jusu Klai ja̍a̍-ɛ, bɔ̌ ɛ̍ iě ìn kmu i̍.

Iblu 8:10

Ku̍o̍ la ǎn mu̍-a po̍ dě nya̍ dǒ ǐn ke Eslɔɛ nyɔ̍ nynɛ̌-ɛ, ɛ̍-ɛ la. Ǎn mu̍ ǎn telě dǒ u̍h wlùh kɛ̍n po̍, wɛ̀ iě i̍h chlǐh dǒ u̍h pɔluh kɛ̍n. Nɛ̀ ǎn mu̍ u̍h-a Nyɔsoa nu̍, wɛ̀ u̍h iě ǎn nyɔ̍ nu̍.

1 Chɔɔn 1:1

Nyɔ̍ ɔ̀ kɔn tìh à chlǐh-a mɔ̀ we̍-ɛ, ɔ̍-ɔ bo ɔ̀ kɔn nynɛ̌ nu̍ Wlu̍ ɔ̀ nyǐ-a nyɔ̍ feɛ-ɛ. Sɔ dě tɔ̀blɔ̍ɔ̍-ɛ, nɛ̀ ɔ̍ nɛ kmɔ̌ wɛ̀ se̍e̍. À wɔ̌n ɔ̍ wlu̍ iě à chɛ̀ tba̍ ɔ̍ jlǐhɛ̍. À gbɛ̀n ɔ̍ ja̍ iě à tǔh i̍ ɔ̍ sɔ̍n i̍.

1 Chɔɔn 1:10

Pò à la̍ à-a se̍a gblɛ̍n sɔ̀ɛ̀n nu̍-ɛ, nɛ̀ Nyɔsoa bo à jě si̍h-i, iě ɔ̍ wlu̍ se̍ dǒ à wlùh kɛ̍n nɛ.

1 Chɔɔn 2:13

Baaᵻ, ǎn chlǐh mɔ̀ we̍, dɛ̍nu̍ɛ, mɔ̀ juo nyɔ̍ ɔ̀ sɔ-a dě tɔ̀blɔ̍ɔ̍-ɛ. Nynuu̍gbèè, ǎn chlǐh mɔ̀ we̍, dɛ̍nu̍ɛ, mɔ̀ sà Nyɔ̍ Sɔ̀n klà wɛ̀.

2 Chɔɔn 1:2

À jbɛɛ mɔ̀-ɔ, dɛ̍nu̍ɛ, tìh-a taǐn nɛ dě à ja̍a̍, iě ɛ̍ ke à mu̍ na nɔ̌ kmɔ̌-a kmɔ̌.

3 Chɔɔn 1:3

À de̍di̍i̍ᵻ duuh sǐ-a da̍a i̍-ɛ, wɛ̀ ka àn nu̍-a tìh-a taǐn dɛ̍ɛ̍ jě-ɛ, iě àn wɔ̀-a dǒ ɛ̍ de̍e̍ ke̍ ma̍u̍-ɛ, u̍h sèàɛ̍ ǐn wlùh. Sɔ ɛ̍ po̍ ǐn mɔna̍-a kaa̍.

Wlɛfeleseɔn 2:3

Mɔ̀ gbɛ̍n wlùh i̍ iě mɔ̀ sàɛ̀ jua̍i̍ wɛ̀ ǎn tìh, iě mɔ̀ se̍ se̍a̍.

Wlɛfeleseɔn 2:7

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, tu̍ ɛ̀ nɛ-a dě Nyɔsoa-a wlɔ̀ plǔ di̍i̍ ɛ̀ nyǐ-a nyɔ̍ feɛ-ɛ, nɛ̀ ǎn mu̍ ɛ̍ buǒᵻ ɔ̍ nyǐ ɔ̍ iě i̍h di̍.”