1 Chɔɔn 2:13 - Ku̍o̍ Delee 1999

¹³ Baaᵻ, ǎn chlǐh mɔ̀ we̍, dɛ̍nu̍ɛ, mɔ̀ juo nyɔ̍ ɔ̀ sɔ-a dě tɔ̀blɔ̍ɔ̍-ɛ. Nynuu̍gbèè, ǎn chlǐh mɔ̀ we̍, dɛ̍nu̍ɛ, mɔ̀ sà Nyɔ̍ Sɔ̀n klà wɛ̀.

1 Chɔɔn 2:13 Iomraidhean Croise

Matio 11:27

Ɔ̍ la̍a̍, “Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ ùh Jǔ tba̍-a chèɛ̀ ɔ̍ iě-a Baa toe-ɛ ke.

Matio 13:19

Nyɔ̍ ùh wɔ̌n-a Nyɔsoa-a kmɔ̌ wlu̍ i̍ kɔn-ɛa tu̍owli wɛ̀ u̍h se̍-a ɛ̍ i̍ wɔ̌n-ɛ, nɛ̀ Nyɔ̍ Sɔ̀n laa̍ bo ɔ̀ ji̍ wɛ̀ ɔ̍ sà ɛ̍ dǒ u̍h wlùh kɛ̍n. Ɛ̍ bo ɛ̀ nu̍-a dɛ̍ᵻ jɔ̌ ìh gbǎ-a dǒ wìè gblùh i̍ laa̍ na̍wɛ̍ᵻ sà-o.

Matio 13:38

Klè bo ɛ̀ nu̍ kmɔ̌, nɛ̀ dɛ̍ᵻ jɔ̌ chɛ̀ laa̍ bo ìh nu̍ nyɔ̍ ùh kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ. Pei laa̍ bo ìh nu̍ nyɔ̍ ùh kɔn-a dǒ Nyɔ̍ Sɔ̀n laa̍ we̍-ɛ.

Matio 5:37

Ɛ̍ tìh pò ìn ja dɛ̍ we̍ wɔ̌ɛn mu̍-ɛ, nɛ̀ nàa̍, ‘Ào̍,’ iě pò ìn se̍ wɔ̌n mu̍-ɛ, nɛ̀ nàa̍, ‘Iěe.’ Jɛ pò dɛ̍ dɛɛ gbǎ-oɛ, nɛ̀ ɛ̍ sɔ dě Nyɔ̍ Sɔ̀n laa̍ we̍.”

Pɔ̀n Chɛ̀ Luu To-a La 10:22

“Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ Jǔ tba̍-a chèɛ̀ ɔ̍ iě-a Baa toe-ɛ ke.”

Chɔɔn 14:7

Pò mɔ̀ juo m-ɛ, nɛ̀ mɔ̀ juo ǐn Baa wɛ̀ ke. Sɔ da̍a sèàn blǐ, mɔ̀ juo ɔ̍-ɛ, iě mɔ̀ jě ɔ̍ wɛ̀.”

Chɔɔn 14:9

Iě Jusu la̍a̍, “Felɔ, ǐn wlè nɔ̌ mɔ̀ nynɛ̌ wɛ̀ de gbɛɛ̍. Ìn se̍ ǐn juo ke̍ sǔh ae? Nyɔ̍ jɔ jě-a m-ɛ, nɛ̀ ɔ̍ wɔ̀ ǐn Baa jě-ɛ wɛ̀. Ka ɛ̍ nu̍ wɛ̀ nàa̍ iě mɔ̀ Baa toe ke̍ gbɔ̀ɔ ɛ?

Chɔɔn 16:3

U̍h-a mu̍ mɔ̀ ìh la pùn i̍ nu̍, dɛ̍nu̍ɛ, u̍h se̍ ǐn ke Baa juo.

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Chɔɔn 17:21

wɛ̀ u̍h kli̍hgbɛ̍ iě due nɛ. Baa, ka ìn nɛ-a m, iě ǐn nɛ-a m̀-ɛ, kǎ u̍h iě à-a nɛ-ɛ nu̍ ke. Wɛ̀ kmɔ̌ iě ɛ̍ tìh chɛ̀ po̍ ka ìn dbo̍-a m-ɛ.

Chɔɔn 17:3

Ɛ̀ nu̍-a kmɔ̌ sie feɛ-ɛ, ɛ̍ nu̍ u̍h iě mɔ̀ due gbài̍ ɔ̀ nu̍-a tìh-a taǐn Nyɔsoa-a juo, ɛ̍ ke Jusu Klai ìn dbo̍-a ke.

Chɔɔn 8:19

Wɛ̀ u̍h la̍a̍, “Tà ìn Baa nɛ ɛ?” Jusu la̍a̍, “Ka mɔ̀ se̍-a ǐn juo-ɛ, nɛ̀ mɔ̀ se̍ ǐn Baa juo ke. Pò mɔ̀ juo m de-ɛ, nɛ̀ mɔ̀-a mu̍ ǐn Baa juo ke de.”

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

1 Timote 5:1

Bɔ̌ nyɔ̍ klaa dlǔ wǐi-ɛ, jɛ tù ɔ̍ slɛ̌n ka àn mu̍-a ìn baa slɛ̌n tù-ɛ nu̍-ɛ. Juo nynuu̍gbèè-a gbɛ̍n ka̍ ka ìn de̍di̍i̍ᵻ jɔ̍gbauᵻɛ́.

Taitɔ 2:6

Kǎ ìè nynuu̍gbèè wɔ̍i̍n gbɛ̍n-ɛ nu̍ ke, u̍h iě u̍h-a chɛ̀ i̍ gbɛ̍n.

1 Chɔɔn 1:1

Nyɔ̍ ɔ̀ kɔn tìh à chlǐh-a mɔ̀ we̍-ɛ, ɔ̍-ɔ bo ɔ̀ kɔn nynɛ̌ nu̍ Wlu̍ ɔ̀ nyǐ-a nyɔ̍ feɛ-ɛ. Sɔ dě tɔ̀blɔ̍ɔ̍-ɛ, nɛ̀ ɔ̍ nɛ kmɔ̌ wɛ̀ se̍e̍. À wɔ̌n ɔ̍ wlu̍ iě à chɛ̀ tba̍ ɔ̍ jlǐhɛ̍. À gbɛ̀n ɔ̍ ja̍ iě à tǔh i̍ ɔ̍ sɔ̍n i̍.

1 Chɔɔn 2:1

Ǎn nynuu̍, ǎn chlǐh mɔ̀ ɛ̀ la we̍ wɛ̀ mɔ̀-ɔ je̍e gblɛ̍n sɔ̀ɛ̀n nu̍. Jɛ pò mɔ̀-a nyɔ̍ nu̍ gblɛ̍n sɔ̀ɛ̀n-ɛ, à blě à we̍ gbǎ nyɔ̍ dě Baa Nyɔsoa we̍. Ɔ̍ bo ɔ̀ nu̍-a Jusu Klai ɔ̀ slɛ̌-a i̍-ɛ.

1 Chɔɔn 2:12

Ǎn nynuu̍, ǎn chlǐh mɔ̀ we̍, dɛ̍nu̍ɛ, mɔ̀-a gblɛ̍n sɔ̀ɛ̀n-a tìh tǎli-ɛ i̍ Klai-a tìh.

1 Chɔɔn 2:14

Ǎn nynuu̍, ǎn chlǐh mɔ̀ we̍, dɛ̍nu̍ɛ, mɔ̀ juo Baa Nyɔsoa. Baaᵻ, ǎn chlǐh mɔ̀ we̍, dɛ̍nu̍ɛ, mɔ̀ juo nyɔ̍ ɔ̀ sɔ-a dě tɔ̀blɔ̍ɔ̍-ɛ. Nynuu̍gbèè, ǎn chlǐh mɔ̀ we̍, dɛ̍nu̍ɛ, mɔ̀ kmu i̍ wɛ̀ Nyɔsoa-a wlu̍ nɛ dě mɔ̀ ja̍a̍, iě mɔ̀ sà Nyɔ̍ Sɔ̀n klà wɛ̀.

1 Chɔɔn 3:12

Mɔ̀ à bɔ̌ Kein-a dɛ nu̍-ɛ. Ɔ̍ kɔn dǒ Nyɔ̍ Sɔ̀n we̍, ɛ̍ kɔn ɔ̍ po̍ ɔ̍ de̍di̍i̍ gbe̍ja̍a̍. Kein po̍ ɔ̍ gbe̍ja̍a̍, dɛ̍nu̍ɛ, Kein naɛ nu̍-dɛ̍ᵻ klǐ-i, iě ɔ̍ de̍di̍i̍ naɛ slɛ̌ i̍.

1 Chɔɔn 4:4

Ǎn nynuu̍, mɔ̀ɔ̍ nɔ̀ɔ̍, mɔ̀ sɔ dě Nyɔsoa we̍, iě mɔ̀ sà tu̍owli po̍ nyɔ̍-a si̍h naɛ klà. Dɛ̍nu̍ɛ, Nyɔsoa-a Sùù ɛ̀ nɛ-a dě mɔ̀ ja̍a̍-ɛ, ɛ̍ gbǐh ku̍ wɔ̍n ɛ̍ sìì Nyɔ̍ Sɔ̀n jɔ nɛ-a nɔ̌ kmɔ̌ we̍-ɛ.

1 Chɔɔn 5:18

À juo ɛ̍-ɛ, nyɔ̍ ùh nu̍-a Nyɔsoa-a nynuu̍-ɛ, u̍h-u gba̍ gblɛ̍n sɔ̀ɛ̀n nu̍-ɛ dluwe̍ i̍. Dɛ̍nu̍ɛ, Nyɔsoa-a Jǔ-a gbɛ̀n dǒ u̍h we̍ i̍. Sɔ nɛ̀ Nyɔ̍ Sɔ̀n se̍ u̍h i̍ tǔh-ɛ bɛ̌ɛ.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.

Wlɛfeleseɔn 2:7

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, tu̍ ɛ̀ nɛ-a dě Nyɔsoa-a wlɔ̀ plǔ di̍i̍ ɛ̀ nyǐ-a nyɔ̍ feɛ-ɛ, nɛ̀ ǎn mu̍ ɛ̍ buǒᵻ ɔ̍ nyǐ ɔ̍ iě i̍h di̍.”