1 Chɔɔn 2:1 - Ku̍o̍ Delee 1999

¹ Ǎn nynuu̍, ǎn chlǐh mɔ̀ ɛ̀ la we̍ wɛ̀ mɔ̀-ɔ je̍e gblɛ̍n sɔ̀ɛ̀n nu̍. Jɛ pò mɔ̀-a nyɔ̍ nu̍ gblɛ̍n sɔ̀ɛ̀n-ɛ, à blě à we̍ gbǎ nyɔ̍ dě Baa Nyɔsoa we̍. Ɔ̍ bo ɔ̀ nu̍-a Jusu Klai ɔ̀ slɛ̌-a i̍-ɛ.

1 Chɔɔn 2:1 Iomraidhean Croise

Pɔ̀n Chɛ̀ Luu To-a La 10:22

“Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ Jǔ tba̍-a chèɛ̀ ɔ̍ iě-a Baa toe-ɛ ke.”

Chɔɔn 10:15

Ka ǐn Baa nu̍-a ǐn juo-ɛɛ, kǎ ǐn nu̍ ɔ̍ juo-ɛ ke. Ǎn sà ǎn feɛ kwlǎ dǒ blawɛ̌ᵻ we̍.

Chɔɔn 13:33

Ǎn jbɛɛ nyɔ̍, ti̍ ǎn mu̍-a da̍a mɔ̀ we̍ nu̍-ɛ, ɛ̍ se̍ dlǔ tɛn dɛ. Nɛ̀ mɔ̀-a mu̍ ǐn i̍ pɔ̀n, jɛ dɛ̍ due ǐn sèàɛ̍-a Juu nyɔ̍-a nyɔ̍ klaaᵻ wlùh-ɛ, ɛ̍ bo ǎn ji̍ la̍ mɔ̀ wlùh sèàɛ̍ la̍ ke. Na̍a̍, ‘Tà ǎn mu̍-aɛ, mɔ̀ se̍-e mu̍-ɛ bɛ̌ɛ mu̍.’

Chɔɔn 14:16

wɛ̀ iě Baa i̍ tèle ɔ̍ iě mɔ̀ Sùù ɛ̀ naɛ-a nyɔ̍ sɔ̍nᵻ we̍ i̍-ɛ we̍ dbo̍. Wɛ̀ Sùù ɛ̀ sèàɛ̍-a nyɔ̍ Nyɔsoa-a tìh-a taǐn tìh wlùh-ɛ ɛ̍ iě dǒ mɔ̀ we̍ nɛ kleǐnklein. Ɛ̀ kɔn tìh kmɔ̌ nyɔ̍ se̍-a ɛ̍ tìh i̍ wɔ̌ɛn-ɛ, ɛ̍ nu̍, u̍h-u se̍a ɛ̍ jě, iě u̍h se̍ ɛ̍ juo. Jɛ mɔ̀ɔ̍ nɔ̀ɔ̍, mɔ̀ juo ɛ̍-ɛ, dɛ̍nu̍ɛ, ɛ̍ nɛ dǒ mɔ̀ we̍, iě ɛ̍ mu̍ dě mɔ̀ ja̍a̍ nɛ ma̍u̍.

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Chɔɔn 21:5

Wɛ̀ ɔ̍ la̍a̍ dě u̍h we̍, “Jbɛɛ nyɔ̍, mɔ̀ gbɛ̍n dɛ̍ wɛ̀ ae?” U̍h la̍a̍, “À-a se̍a dɛ̍wɛ-a chɛ̀ gbɛ̍n o.”

Chɔɔn 5:14

Ɛ̀ la ɛ̍ wɔ̀-a nɛ-ɛ, wɛ̀ Jusu jě ɔ̍ dě Nyɔsoa-a slaǎ sà gbò sɔ̀n. Iě Jusu la̍a̍ dě ɔ̍ we̍, “Gbɛ̀n-e, ìn nɛ blee wɛ̀. Bɔ̌ gblɛ̍n sɔ̀ɛ̀n nu̍-ɛ dɛ wɛ̀ gboklan dɛ̍ je̍e ìn pùn nɛ.”

Chɔɔn 5:36

Jɛ ǎn sàànsi̍i̍h ǐn blě-aɛ, ɛ̍ ku̍ wɔ̍n ɛ̍ sìì Chɔɔn naɛ. Dɛ̍nu̍ɛ, dbo̍ ǐn Baa nyǐ-a m iě-a i̍ wɔ̀ ɛ̀ ǎn nu̍-a ka-ɛ, ɛ̍ bo ɛ̀ nu̍ ǎn sàànsi̍i̍h ka Baa dbo̍-a m-ɛ.

Chɔɔn 6:27

Di̍-dɛ̍ᵻ jih-a mu̍-a sɔ̀n-ɛ, mɔ̀ bɔ̌ i̍h-a dbo̍ nu̍-ɛ. Jɛ di̍-dɛ̍ jɛ mu̍-a mɔ̀ i̍ kui wɛ̀ mɔ̀ iě-a kmɔ̌ sie feɛ blě-ɛ, ɛ̍ kɔn dbo̍ bo mɔ̀ iě nu̍. Di̍-dɛ̍ ǎn dǎ-aɛ, ɛ̍ bo ɔ̀ nu̍-a Nyi̍ɔ̍-a Jǔ-ɛ ɔ̍ mu̍-a mɔ̀ nyǐ. Dɛ̍nu̍ɛ, ɔ̍ bo Baa Nyɔsoa wɔ̌ɛn we̍.”

Chɔɔn 8:11

Ɔ̍ la̍a̍, “I̍i̍n, nyɔ̍ klaa, u̍h-a nyɔ̍ se̍ da̍a nɛ dɛ.” Wɛ̀ Jusu la̍a̍, “Ǎn chɛ̀ ǐn se̍ ìn tìh gbɛ̍n-ɛ ke. Mu̍, jɛ bɔ̌ gblɛ̍n sɔ̀ɛ̀n nu̍-ɛ dɛ o.”]

Nu̍-dɛ̍ᵻ 7:52

Nyɔsoa-a tu̍owli po̍ nyɔ̍ jɔwe̍ bo mɔ̀ baaᵻ se̍ klě jě-e ɛ? Kǎ u̍h nu̍ tɛin wɛ̀ ùh po̍-a gbànwli I̍ Slɛ̌ Nyɔ̍-a ji̍-i tìh-ɛ, iě u̍h dbǎ u̍h. Ɔ̍ chɛ̀ bo mɔ̀ sà-a kwlǎ, iě mɔ̀ poe-a gbe̍ja̍a̍.

Wloma 5:10

À nu̍ Nyɔsoa nyɛ̌-nyɔ̍ de, jɛ ɔ̍ Jǔ-a mɛ̌-ɛ bo ɛ̀ gbe̍ɛ̍ɛn ɔ̍ ke à kɛ̍n i̍ dode̍. Ka ɔ̍ gbe̍ɛ̍ɛn-a à kɛ̍n i̍ wɛ̀ dode̍-ɛ, jɛ nɛ̀ ɔ̍ kmɔ̌ i̍ tè naɛ bo ɛ̀ se̍ à pǔh-i mu̍ ae?

Wloma 6:15

Ka à se̍-a dǒ telě sɔ̀n nɛ dɛ, wɛ̀ à nɛ-a dě Nyɔsoa-a blɛ di̍i̍ wɛ̀-ɛ, nɛ̀ ka à iě dǎ ɛ? Nɛ̀ à nu̍ gblɛ̍n sɔ̀ɛ̀n la̍ sǔh ae? Iěe tììh.

Wloma 8:34

Nyɔ̍we̍ bo ɔ̀ bɛ̌ɛ àɔ̀ kɛ̀n sà-a ɛ? Jusu Klai ae? Iěe, ɔ̍ jɔ mɛ̌-a wɛ̀ ɔ̍ wlǔh-ae dode̍ iě ɔ̍ tè-a ka i̍ dǒ Nyɔsoa-a di̍na̍ sɔ̍n we̍ wɛ̀ ɔ̍ bla̍-ɛ ɔ̍ gbòɛ̀ i̍ à tìh-ɛ, ɔ̍ bo ɔ̀ mu̍ à kɛ̀n sà ae?

1 Kɔwlɛntiɔn 15:34

Mɔ̀ ja mɔ̀-a wlùh de̍, mɔ̀ iě gblɛ̍n sɔ̀ɛ̀n nu̍ tìh bɔ̌. Dɛ̍nu̍ɛ, mɔ̀-a nyɔ̍ duuh se̍ Nyɔsoa juo. Ǐn bla̍ ɛ̀ la wɛ̀ ɛ̍ iě mɔ̀ tɛ̀n tùi.

2 Kɔwlɛntiɔn 5:21

Klai se̍ gblɛ̍n sɔ̀ɛ̀n nu̍ nyɔ̍. Jɛ à tìh bo Nyɔsoa po̍ ka à gblɛ̍n sɔ̀ɛ̀n dǒ ɔ̍ dlǔ, wɛ̀ dě ɔ̍ ke à due nɛ-ɛ di̍i̍-ɛ, à iě i̍ slɛ̌-nyɔ̍ nu̍ dě Nyɔsoa jlǐh.

Kelesea 4:19

Ǎn nynuu̍, ka kwlǐ nynɔ̌ gbǔh we̍-a nu̍-a chlɛ̌n-ɛ dǒ gbàɔ̀n sà la̍-ɛ, kǎ ǎn ku̍-a nu̍ chlɛ̌n-ɛ ke mɔ̀-a tìh. Kǎ ɛ̍ mu̍ nɛ te̍e̍ wɛ̀ mɔ̀ iě Klai wɔ̀ dě mɔ̀-a kmɔ̌ di̍i̍.

Ɛfɛsɔ 2:18

Dě Klai ja̍a̍ bo à jii wɛ̀ à wìè flɔn ka wɔ̍n dě Baa Nyɔsoa we̍ dǒ ɔ̍ Sùù-a à we̍ gbǎ-a we̍.

Ɛfɛsɔ 4:26

Pò nyɔ̍ gbǎ jlu̍h-ɛ, ɔ̍ bɔ̌ wɔ̌n-ɛ ɔ̍ jlu̍h bɔ̌ ɔ̍ gblɛ̍n sɔ̀ɛ̀n we̍ gba̍-a. Bɔ̌ wɔ̍n-ɛ wlù bɔ̌ àn jlu̍h kɛ̍n i̍ wɔ̀-ɛɛ.

1 Timote 2:5

Dɛ̍nu̍ɛ, Nyɔsoa nɛ due, iě wlu̍ tàdùè po̍ nyɔ̍ nɛ due dǒ wlɔ̀ nyi̍ɔ̍ ke Nyɔsoa nynɛ̌. Jɔ̍gbau ɔ̀ nu̍-a Jusu Klai-ɛ bo.

1 Timote 3:14

Ǎn chlǐh mɔ̀ chlǐh-dɛ̍ la we̍ sǔh, jɛ ǐn tè ɛ̍ wlì iě dě mɔ̀ we̍ ji̍ suei̍.

Iblu 9:24

Wɛɛ sà gbò jɛ nyi̍ɔ̍-a sɔ̍n po̍-a ɛ̀ wɔ̀-a jɛ nu̍-a gblangbai̍ naɛ ɛ̀ nɛ-a dě ja̍i̍wlɔ̀-ɛ, Klai se̍ dě ɛ̍ di̍i̍ pa̍. Jɛ dě ja̍i̍wlɔ̀-a chɛ̀-ɛ gbǎ bo ɔ̍ mu̍, iě ɔ̍ nɛ ka dǒ Nyɔsoa jǔ dǒ à tàà.

Chiin 1:27

Dɛ̍ Baa Nyɔsoa-a dǎɛ-a Nyɔsoa dɛ-a gblangbai̍-ɛ, ɛ̍ nu̍ kwie̍nynuu̍ ke tèwànynɔ̌ᵻ ùh-a jě-a tìh-ɛ we̍ i̍ gbɛ̀n-ɛ, ɛ̍ ke nyɔ̍ ɔ̀ sà-a ɔ̍ chɛ̀ dě kmɔ̌-a sììjii̍ di̍i̍-ɛ ke.

Chiin 3:9

Ɛ̍-ɛ bo à nu̍ wɛ̀ à po̍ à Joi ɔ̀ nu̍-a Baa-a tlɔ̌. Ɛ̍-ɛ due laa̍ bo à nu̍ wɛ̀ à chlèe à ba̍ ɔ̀ Nyɔsoa nu̍-a dě ɔ̍ chɛ̀-a tu̍ di̍i̍-ɛ.

1 Pitɛ 2:22

Ɔ̍ se̍ gblɛ̍n sɔ̀ɛ̀n nu̍, nyɔ̍ wɔ̍ se̍ ɔ̍ si̍h wlu̍-a chɛ̀ wɔ̍ɔ̍n wɔ̌n ke.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

1 Chɔɔn 3:18

Nɛ̀ɛ̍, ǎn nynuu̍, à jbɛɛ-ɛ bɔ̌ dǒ wɔ̍i̍n nɛ-ɛ sǔh. Jɛ mɔ̀ à nu̍ ɛ̍ sɔ̍nᵻ dě tìh-a taǐn di̍i̍.

1 Chɔɔn 3:5

Mɔ̀-a chɛ̀ juo ɛ̍-ɛ Klai ji̍-i ɔ̍ iě à gblɛ̍n sɔ̀ɛ̀n i̍ sà. Dě ɔ̍ ja̍a̍ bo gblɛ̍n sɔ̀ɛ̀n se̍ nɛ.

1 Chɔɔn 3:7

Ǎn nynuu̍, mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ. Nyɔ̍ jɔ nu̍-a i̍ slɛ̌-dɛ̍-ɛ, nɛ̀ ka Klai nu̍-a i̍ slɛ̌-ɛɛ, nɛ̀ kǎ ɔ̍ nɛ wɛ̀ ke.

1 Chɔɔn 4:4

Ǎn nynuu̍, mɔ̀ɔ̍ nɔ̀ɔ̍, mɔ̀ sɔ dě Nyɔsoa we̍, iě mɔ̀ sà tu̍owli po̍ nyɔ̍-a si̍h naɛ klà. Dɛ̍nu̍ɛ, Nyɔsoa-a Sùù ɛ̀ nɛ-a dě mɔ̀ ja̍a̍-ɛ, ɛ̍ gbǐh ku̍ wɔ̍n ɛ̍ sìì Nyɔ̍ Sɔ̀n jɔ nɛ-a nɔ̌ kmɔ̌ we̍-ɛ.

1 Chɔɔn 5:17

Klǐ-dɛ̍ᵻ kli̍hgbɛ̍ gblɛ̍n sɔ̀ɛ̀n bo, jɛ gblɛ̍n sɔ̀ɛ̀n jih ìh-i gba̍-a mɛ̌ɛ wìè-ɛ i̍h nɛ-o.

1 Chɔɔn 5:21

Ǎn nynuu̍, mɔ̀ sà kwɛ̍i̍n gbo̍ᵻ dɛ sɔ̍n di̍i̍.

3 Chɔɔn 1:4

Pò ǐn wɔ̌n ǎn nynuu̍-a dǒ tìh-a taǐn de̍e̍ wɔ̀ pɔ̀n-ɛ, nɛ̀ dɛ̍ dɛɛ se̍ ǐn mɔna̍-a po̍ ɛ̍ se̍ ɛ̍ sìì.