1 Chɔɔn 1:9 - Ku̍o̍ Delee 1999

⁹ Jɛ pò à sà à gblɛ̍n sɔ̀ɛ̀n gbɔ̀ i̍ dě Nyɔsoa ɔ̀-ɔ gblìh-a wlu̍ kɛ̍n iě ɔ̀ slɛ̌-a i̍-ɛ we̍-ɛ, nɛ̀ ɔ̍ mu̍ à gblɛ̍n sɔ̀ɛ̀n-a tìh i̍ tǎli, wɛ̀ ɔ̍ iě à se̍ i̍ slɛ̌ gblɛ̍n kli̍hgbɛ̍ wɔ̍lɔ pihpǐh.

1 Chɔɔn 1:9 Iomraidhean Croise

Matio 3:6

Dě u̍h sà-ɛ u̍h-a gblɛ̍n sɔ̀ɛ̀n gbɔ̀ i̍, wɛ̀ ɔ̍ po̍ u̍h nǐ dlǔ dǒ Jɔɔdɛn nǐ kɛ̍n.

Pɔ̀n Chɛ̀ Maɛ To-a La 1:5

Nyɔ̍ kli̍hgbɛ̍ nɛ-a dě Judia fɔɔ-ɛ ke, juh nɛ-a dǒ Juluslɛn wlɔ̀ di̍i̍-ɛ, u̍h mu̍ dě ɔ̍ we̍ u̍h iě ɔ̍ wlu̍ wɔ̌n. Wɛ̀ u̍h sà u̍h-a gblɛ̍n sɔ̀ɛ̀n gbɔ̀ i̍, iě ɔ̍ po̍ u̍h nǐ dlǔ dǒ Jɔɔdɛn nǐ kɛ̍n.

Pɔ̀n Chɛ̀ Luu To-a La 22:57

Jɛ Pitɛ tòlo-e, ɔ̍ la̍a̍, “Nynɔ̌ chɛ̀, ǐn se̍ ɔ̍ juo o.”

Chɔɔn 17:25

I̍ Slɛ̌ Baa, kmɔ̌ se̍ ìn juo, jɛ mɔ̍ɔ ǐn juo m̀, iě juh la u̍h juo ɛ̍ ka ìn dbo̍-a m-ɛ.

Nu̍-dɛ̍ᵻ 19:18

Wɛ̀ nyɔ̍ dɔu juh blě-a wlùh gbaɛ wɛ̀-ɛ, iě u̍h ji̍ wɛ̀ u̍h sà u̍h-a chɛ̀-a nu̍-dɛ̍ᵻ gbɔ̀ i̍ dǒ wlɔ̀gbàɛ̀.

Wloma 3:26

Nyɔsoa to Jusu wɛ̀ ɔ̍ iě ɛ̍ ti̍laa nyɔ̍ i̍ to ka ɔ̍ chɛ̀ slɛ̌-a i̍ iě nyɔ̍ ùh gbaɛ-a Jusu wlùh-ɛ, ɔ̍ slɛ̌-ɛa u̍h i̍-ɛ.

1 Kɔwlɛntiɔn 1:9

Nyɔsoa ɔ̀ dǎ-a mɔ̀ mɔ̀ ke ɔ̍ Jǔ Jusu Klai ɔ̀ nu̍-a à Joi-ɛ iě-a we̍ nɛ̍aɛ-ɛ, ɔ̍-ɔ gblìh wlu̍ kɛ̍n.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

Ɛfɛsɔ 5:26

ɔ̍ iě ɛ̍ pɔ̌ tè dǒ Nyɔsoa we̍. Ɛ̍ kɔn ɔ̍ nu̍ nǐ ke wlu̍ wɛ̀ ɔ̍ wɔ̍lɔ ɛ̍, iě ɛ̍ wɛ̀ flɛ̀n i̍.

1 Timote 1:15

Jusu Klai ji̍ da̍a kmɔ̌ la we̍ ɔ̍ iě gblɛ̍n sɔ̀ɛ̀n nyɔ̍ sèìe. Wlu̍ la tìh-a taǐn bo, ɛ̍ nɛ i̍ gbɛ̍n ka̍ klìmàtàìn. Jɛ gblɛ̍n sɔ̀ɛ̀n nyɔ̍-a chɛ̀, mɔ̍ bo ɔ̀ nu̍ u̍h-a gblìmia.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 10:23

Nɛ̀ wlì tè dɛ̍ kɔn tìh à bla̍-aɛ, mɔ̀ à gbɛ̍n ɛ̍ i̍ klìmàtàìn. Dɛ̍nu̍ɛ, Nyɔsoa ɔ̀ po̍-a wlu̍ tɔ̀ma̍a̍-ɛ, ɔ̍-ɔ gblìh wlu̍ kɛ̍n.

Iblu 11:11

Selɔ ɔ̀ sie-a slàmàɛ̀ wɛ̀ de-ɛ, ɔ̍ wlùh gbaɛ blě-ɛ bo ɛ̀ nu̍ ɛ̍ iě ɔ̍ nɛ kwlǐ. Nɛ̀ ɔ̍ nɛ̍ wɛ̀ de, jɛ dɛ̍ ɔ̍ tè-a wlì-ɛ, ɛ̍ nu̍ Nyɔsoa-a gblìh tɔ̀ma̍a̍ wlu̍ kɛ̍n.

Iblu 6:10

Nyɔsoa-a nu̍-dɛ̍ slɛ̌ i̍. Ɔ̍ se̍ mɔ̀-a nu̍-dɛ̍ᵻ we̍ mǎle. Mɔ̀ tù ɔ̍ tìh iě mɔ̀ gba̍ ɔ̍ nyɔ̍ jbɛɛ we̍ mɔ̀ iě u̍h we̍ gbǎ, iě mɔ̀-a gbǎ u̍h we̍ ke̍.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.

Wlɛfeleseɔn 15:3

Wɛ̀ u̍h ble̍ Mose ɔ̀ nu̍-a Nyɔsoa-a pòi̍ju-ɛ ɔ̍ duǐh, ɛ̍ ke Blawɛ̌ Jǔ-a duǐh ke. U̍h la̍a̍, “Joi Nyɔsoa mɔ̀ Blě-a Gbǐh Kli̍hgbɛ̍-ɛ, àn nu̍-dɛ̍ᵻ ku̍ wɔ̍n, iě i̍h-a flɔn-ɛ nyɔ̍ wɔ̍n. Àn wìèᵻ slɛ̌ i̍, iě i̍h nu̍ tìh-a taǐn. Mɔ̀ Blǔh Baa nɔ̌ kmɔ̌-a kmɔ̌.